ພູໄຟລູກນຶ່ງທີ່ເກາະສຸມາດຕຣາໃນອິນໂດເນເຊຍໄດ້ລະເບີດຂຶ້ນເປັນເທື່ອທີ່ສອງ ໃນວັນຈັນ ມື້ນີ້ ໂດຍສົ່ງຄວັນໄຟແລະຂີ້ເຖົ່າສູງກວ່າ 2,000 ແມັດ ຂຶ້ນສູ່ທ້ອງຟ້າ.
ໄດ້ມີການຍົກຍ້າຍປະຊາຊົນ ຫລາຍກ່ວາສິບສອງພັນຄົນ ອອກໄປຢູ່ໂຮງຮຽນ, ທັງໂບດ
ສາສະໜາອິສລາມແລະສາສະໜາຄຣີສ ຕັ້ງແຕ່ ພູໄຟ Sinabung ໄດ້ເລີ່ມສະແດງອາ
ການສັ່ນສະເທືອນ ໃນທ້າຍອາທິດແລ້ວນີ້ ແລະກໍໄດ້ລະເບີດຂຶ້ນໃນວັນອາທິດວານນີ້
ຊຶ່ງເປັນການລະເບີດ ຄັ້ງທຳອິດຕັ້ງແຕ່ປີ 1600 ເປັນຕົ້ນມາ.
ຜູ້ຊ່ຽວຊານດ້ານພູເຂົາໄຟຂອງລັດຖະບານກ່າວວ່າ ພວກເຂົາເຈົ້າບໍ່ ສາມາດຄາດຄະເນ
ໄດ້ ກ່ຽວກັບແບບແຜນໃນການລະເບີດຂອງພູໄຟລູກນີ້ ເພາະວ່າມັນບໍ່ເຄີຍໄດ້ລະເບີດ
ຂຶ້ນມາ ນານກວ່າ 400 ປີແລ້ວ.
ອິນໂດເນເຊຍ ຊຶ່ງເປັນປະເທດທີ່ມີໝູ່ເກາະຫລາຍທີ່ສຸດຂອງໂລກແມ່ນຕັ້ງຢູ່ໃນເຂດທີ່
ເອີ້ນກັນວ່າ “ວົງແຫວນໄຟ” ຊຶ່ງເປັນເສັ້ນວົງໂສ້ຂອງພູໄຟຫລາຍໆລູກ ແລະເສັ້ນແຕກ
ຢູ່ໃຕ້ພື້ນດິນແລະພື້ນທະເລຢູ່ອ້ອມຂອບມະຫາສະມຸດປາຊິຟິກນັ້ນ.
