ພວກເຈົ້າໜ້າທີ່ການແພດຂອງອິນໂດເນເຊຍກ່າວວ່າການ
ລະເບີດຄັ້ງໃໝ່ຂອງພູໄຟ Merapi ເຮັດໃຫ້ມີຜູ້ເສຍຊີວິດ
60 ກວ່າຄົນ.
ນອກນັ້ນແລ້ວຍັງມີອີກປະມານ 70 ຄົນໄດ້ຮັບບາດເຈັບ
ສ່ວນໃຫຍ່ ແມ່ນຖືກໃໝ້ລວກຢ່າງສາຫັດ ຫຼັງຈາກພູໄຟ
Merapi ໄດ້ເກີດລະເບີດຂະໜາດແຮງຂຶ້ນ ໃນເວລາປະ
ມານທ່ຽງຄືນຂອງຄືນວັນພະຫັດຕໍ່ໃສ່ວັນສຸກ. ເຈົ້າໜ້າທີ່
ຄາດວ່າ ໂຕເລກພວກບາດເຈັບລົ້ມຕາຍ ຈະເພີ່ມສູງຂຶ້ນ
ຂະນະທີ່ພວກກູ້ໄພ ຊຶ່ງໄດ້ຮັບການສະໜັບສະໜຸນ ຈາກ
ທະຫານ ດຶງເອົາຊາກສົບຂອງພວກເຄາະຮ້າຍອອກ ມາຈາກຂີ້ເຖົ່າແລະເສດໝາກຫີນທີ່ມາ
ຈາກການລະເບີດຂອງພູໄຟ.
ໂຕເລກລ່າສຸດເຮັດໃຫ້ຈຳນວນຜູ້ເສຍຊີວິດທັງໝົດເພີ່ມຂຶ້ນເປັນຫຼາຍກວ່າ 100 ຄົນ ນັບແຕ່
ໄດ້ມີການລະເບີດຂອງພູໄຟໜ່ວຍນີ້ ທີ່ເລີ້ມມາແຕ່ວັນທີ 20 ຕຸລາ.
ເຈົ້າໜ້າທີ່ອິນໂດເນເຊຍ ໄດ້ຂະຫຍາຍເຂດອັນຕະລາຍຂອງພູໄຟ ອອກເປັນ 20 ກິໂລແມັດ
ແລະໄດ້ສັ່ງໃຫ້ຍົກຍ້າຍບ່ອນພັກສຸກເສີນ ໄກອອກໄປຕື່ມອີກຈາກ ປ່ອງພູໄຟ.
ລັດຖະມົນຕີກະຊວງຂົນສົ່ງຂອງອິນໂດເນເຊຍ ໄດ້ມີຄຳສັ່ງໃຫ້ພວກນັກບິນ ບໍ່ໃຫ້ບິນເຂົ້າໄປ
ໃກ້ປ່ອງພູໄຟ ທີ່ບໍ່ສາມາດທຳນາຍໄດ້ນັ້ນ ທີ່ໄດ້ພົ່ນຂີ້ເຖົ່າ ແລະແກັສຮ້ອນໆອອກມາ.
