ເຮືອລໍານຶ່ງທີ່ບັນທຸກ ຫລາຍກວ່າ 250 ຄົນ ສ່ວນຫລາຍແມ່ນພວກມາຈາກເຂດພາກຕາ
ເວັນອອກກາງ ແລະເອເຊຍໃຕ້ ໄດ້ຈົມລົງ ຢູ່ນອກຝັ່ງທະເລຂອງເກາະໃຫຍ່ຈາວາຂອງອິນ
ໂດເນເຊຍ ແລະມີຫລາຍກວ່າ 200 ຄົນທີ່ຍັງຫາຍສາບສູນ.
ເທົ່າເຖິງປັດຈຸບັນນີ້ໄດ້ຊ່ວຍກູ້ໄພໄດ້ພຽງ 33 ຄົນ ພວກເຈົ້າໜ້າທີ່ກ່າວວ່າ ດິນຟ້າອາກາດ
ບໍ່ອໍານວຍໃນການກູ້ໄພປານໃດ.
ຕໍາຫລວດອິນໂດເນເຊຍຖິ້ມໂທດອຸບັດເຫດເຮືອຫຼົ້ມໃນວັນເສົານີ້ວ່າ ເປັນຍ້ອນບັນທຸກຄົນ
ເກີນກໍານົດ.
ເຊື່ອວ່າພວກຄົນໂດຍສານ ເປັນພວກຄົນຕ່າງດ້າວທີ່ມາຈາກຫລາຍໆປະເທດ ໂຮມທັງອິ
ຣ່ານ ແລະອັຟການີສຖານ. ພວກຫລົບໜີປະເທດທາງເຮືອຈາກຂົງເຂດພາກຕາເວັນອອກ
ກາງ ແລະເອເຊຍໃຕ້ ໄດ້ໃຊ້ອິນໂດເນເຊຍເປັນທາງຜ່ານ ໄປສູ່ອອສເຕຣເລຍ ອັນເປັນຈຸດ
ໝາຍປາຍທາງ.
