ລິ້ງ ສຳຫລັບເຂົ້າຫາ

logo-print

ຄາດ​ວ່າ 188 ຄົນ​ ເສຍ​ຊີ​ວິດ ຫຼັງ​ຈາກ​ ເຮືອ​ບິນ​ຕົກ​ໃນ ອິນ​ໂດ​ເນ​ເຊຍ


ພີ່​ນ້ອງ​ຄົນ​ນຶ່ງຂອງ​ພວກ​​ໂດຍ​ສານ​ ສູດ​ມົນ​ ໃນ​ຂະ​ນະ​ທີ່​ລາວ ແລະ ຄົນ​ອື່ນໆ​ລໍ​ຖ້າຟັງ​ຂ່າວ ກ່ຽວ​ກັບ ເຮືອ​ບິນ​ Lion Air ທີ່​ຕົກ​ຢູ່ນອກ​ເກາະ ຈາ​ວາ ຢູ່​ສະ​ໜາມ​ບິນ ເດ​ປາ​ຕີ ອາ​ເມຍ, ເມືອງ ປັງ​ກາ​ລ ປີ​ນັງ, ອິນ​ໂດ​ເນ​ເຊຍ. 29 ຕຸ​ລາ, 2018.

ເຮືອ​ບິນ​ຂອງ​ສາຍ​ການ​ບິນ Lion Air ລຳ​ນຶ່ງ ​ພ້ອມ​ກັບ​ຜູ້​ໂດຍ​ສານ 188 ຄົນ​ ແລະ ​ພະ
ນັກງານເຮືອບິນ ໄດ້ຕົກລົງໃນທະເລ ບໍ່ດົນຫຼັງຈາກໄດ້ບິນຂຶ້ນຈາກນະຄອນຫຼວງ
ຈາກາຕາ, ອີງຕາມການກ່າວຂອງອົງການໄພພິບັດຂອງ ອິນໂດເນເຊຍ.

ໂຄ​ສົກ​ຂອງ​ອົງ​ການ​ດັ່ງ​ກ່າວ ທ່ານ ຊູ​ໂຕ​ໂປ ເປີ​ໂວ ນູ​ໂກ​ຣ​ໂຮ ໄດ້​ເອົາ​ຮູບ​ຂອງ​ຊາກ​
ເຮືອບິນລົງໃນ ທວິດເຕີ, ລວມມີ ໂທລະສັບມືຖືທີ່ຖືກອັດຫຍໍ້, ປື້ມ, ກະເປົາ ແລະ ຊິ້ນ
ສ່ວນລຳຕົວຂອງເຮືອບິນ ທີ່ຖືກເກັບມາໄດ້ ໂດຍເຮືອສຳຫຼວດ ແລະ ຊ່ວຍເຫຼືອ.

ທ່ານ ນູ​ໂກ​ຣ​ໂຮ ​ກ່າວ​ວ່າ ຖ້ຽວ​ບິນ​ດັ່ງ​ກ່າວ ​ມີ​ຜູ້​ໂດຍ​ສານ 181 ຄົນ, ລວມ​ທັງ​ເດັກ​ນ້ອຍ
ຄົນນຶ່ງ ແລະ ເດັກທາຣົກສອງຄົນ, ແລະ ເຈົ້າໜ້າທີ່ການບິນ 7 ຄົນ.

ສາຍ​ການ​ບິນ Lion Air ຖ້ຽວ​ບິນ JT610 ໄດ້​ບິນ​ອອກ​ຈາກ​ສະ​ໜາມ​ບິນ​ ໃນ​ເວ​ລາ​
ປະມານ 6:20 ຕອນເຊົ້າຕາມເວລາໃນທ້ອງຖິ່ນ ແລະ ມີກຳນົດລົງຈອດໃນເມືອງຫຼວງ
ຂອງພາກພື້ນ ບັງກາ-ເບລີຕຸງ ເຊິ່ງເປັນບ່ອນຂຸດຄົ້ນຂີ້ກົ່ວ ໃນເວລາ 7:20 ຕອນເຊົ້າ,
ອີງຕາມເວັບໄຊ້ Flightradar 24.

ອຸ​ບັດ​ຕິ​ເຫດ​ດັ່ງ​ກ່າວ ​ຖືກ​ລາຍ​ງານເປັນ​ຄັ້ງ​ທຳ​ອິດ ​ທີ່​ເປັນ​ເຮືອ​ບິນ ໂບ​ອິງ 737 MAX,
ເປັນເຮືອບິນລຸ້ນໃໝ່, ແມ່ນເຮືອບິນທີ່ຖືກຂາຍຢ່າງກວ້າງຂວາງ ຍ້ອນມັນປະຢັດນໍ້
າມັນໄດ້ຫຼາຍ.

ບໍ​ລິ​ສັດ​ທີ່​ຜະ​ລິດ​ເຮືອ​ບິນ​ດັ່ງ​ກ່າວເວົ້າ​ໃນ ທວິດ​ເຕີ ວ່າ ເຂົາ​ເຈົ້າ​ຮູ້ ກ່ຽວ​ກັບ ອຸ​ບັດ​ຕິ​ເຫດ
ແລະ ໄດ້ “ຕິດຕາມສະຖານະການດັ່ງກ່າວຢ່າງໃກ້ຊິດ.”

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG