ເຮືອບິນຂົນສົ່ງຂອງທະຫານອິນໂດເນເຊຍ ຕົກ ເຮັດໃຫ້ທັງໝົດ 13 ຄົນຢູ່ໃນເຮືອບິນເສຍ ຊີວິດ.
ເຮືອບິນເຮີຄິວລີສ C-130 ໄດ້ຂຶ້ນຈາກເມືອງ ຕີມີກາ ໃນແຂວງປາປົວໃນວັນອາທິດມື້ນີ້ ແລ້ວ ເກີດອຸບັດເຫດໃນເວລາບໍ່ທໍ່ໃດນາທີ ກ່ອນກຳນົດລົງຈອດໃນເມືອງ ວາມີນາ ເມືອງ ຫຼວງຂອງ ແຂວງ ຈາຢາວີຈາຢາ ທີ່ເປັນພູເຂົາ.
ຜູ້ບັນຊາການກຳລັງທັບອາກາດ ອາກຸສ ສຸປຣີອັດນາ ກ່າວວ່າ ສາເຫດຂອງອຸບບັດເຫດ ຄັ້ງນີ້ ອາດເປັນຍ້ອນອາກາດບໍ່ດີ.
ຄຳຖະແລງຂອງກອງທັບອາກາດເວົ້າວ່າ ເຮືອບິນລຳດັ່ງກ່າວບັນທຸກສະບຽງອາຫານໜັກ 12 ໂຕນ.
ພວກເຈົ້າໜ້າທີ່ເວົ້າວ່າ ຊາກສົບຂອງພວກເຄາະຮ້າຍເກັບກູ້ເອົາມາໄດ້ໝົດແລ້ວ.
ໃນເດືອນແລ້ວນີ້ ເຮລີກັອບເຕີ້ລຳນຶ່ງຂອງອິນໂດເນເຊຍກໍຕົກ ເຮັດໃຫ້ສາມຄົນເສຍຊີວິດ.
