ລິ້ງ ສຳຫລັບເຂົ້າຫາ

logo-print

ໝົດທັງ 18 ຄົນເສຍຊີວິດ ໃນອຸບັດຕິເຫດ ເຮືອບິນຕົກ ຢູ່ອິນໂດເນເຊຍ


ຮູບທີ່ນຳເຜີຍແຜ່ໂດຍໜ່ວຍກູ້ໄພອິນໂດເນເຊຍ ທີ່ສະແດງໃຫ້ເຫັນ ຊາກຂອງເຮືອບິນ Casa 212 ຕົກຢູ່ລະ ຫວ່າງກາງກົກໄມ້ ທີ່ພູ Hulusekelem ໃນເຂດເມືອງ Bahorok ທາງພາກເໜືອຂອງເກາະສຸມາຕຣາ (30 ກັນຍາ 2011)

ພວກກູ້ໄພອິນໂດເນເຊຍກ່າວວ່າ ທັງໝົດ 18 ຄົນທີ່ເດີນທາງໄປນຳເຮືອບິນທີ່ປະສົບອຸບັດ
ຕິເຫດຕົກຢູ່ເກາະສຸມາຕຣານັ້ນ ໄດ້ເສຍຊີວິດ.

ເຮືອບິນໝາກປິ່ນ ຕິດເຄື່ອງອາຍພົ່ນ CASA 221 ທີ່ອອກແບບໂດຍສະເປນພວມເດີນ
ທາງຈາກເມືອງເມດານໄປຍັງແຂວງອາເຈ່ທີ່ຕັ້ງຢູ່ໃກ້ຄຽງເທິງເກາະສຸມາຕຣາ ໃນມື້ວັນວັນ
ພະຫັດຜ່ານມາ ເວລາເຮືອບິນລຳດັ່ງກ່າວ ໄດ້ສົ່ງສັນຍານຂໍການຊ່ອຍເຫຼືອສຸກເສີນແລະ ຫຼັງຈາກນັ້ນກໍຫາຍໄປຈາກຈໍເຣດ້າ.

ມີຄວາມຫວັງກັນວ່າ ອາດຍັງມີພວກທີ່ລອດຊີວິດມາໄດ້ເວລາພວກກູ້ໄພພົບເຫັນຊາກ
ຂອງເຮືອບິນຈາກເທິງອາກາດ ໃນມື້ວານນີ້ ແລະເວົ້າວ່າລຳໂຕຂອງເຮືອບິນ ບໍ່ໄດ້ຫັກ ອອກຈາກກັນແລະປະຕູບ່ອນນຶ່ງໄດ້ມີການເປີດອອກມາ.

ຄະນະກູ້ໄພເວົ້າວ່າ ຜູ້ໂດຍສານ 14 ຄົນ ແລະພະນັກງານ 4 ຄົນຍັງຮັດສາຍແອວຢູ່ໃນ
ບ່ອນນັ່ງຂອງພວກເຂົາເຈົ້າ. 4 ຄົນຂອງພວກທີ່ເສຍຊີວິດແມ່ນເປັນເດັກນ້ອຍ.

XS
SM
MD
LG