ເຈົ້າໜ້າທີ່ອິນໂດເນເຊຍ ໄດ້ສະກັດກັ້ນເຮືອອີກລຳນຶ່ງ ທີ່ເຕັມ
ໄປດ້ວຍອົບພະຍົບຊາວໂຣຮິງ ຢາ ຈາກມຽນມາ ໃນຂະນະທີ່
ເຈົ້າໜ້າທີ່ເອເຊຍອາຄະເນ ສືບຕໍ່ພະຍາຍາມຮັບມືກັບບັນຫາ
ຊາວມຸສລິມໂຣຮິງຢາ ຈຳນວນນັບພັນ ທີ່ຖືກປ່ອຍຖິ້ມໄວ້ໃນ
ກາງທະເລ ໂດຍພວກຂະບວນ ການຄ້າມະນຸດ.
ກອງທັບເຮືອອິນໂດເນເຊຍ ໄດ້ຢຸດເຮືອລຳດັ່ງກ່າວໃນແລງ
ວັນຈັນວານນີ້ ຢູ່ນອກຝັ່ງທະເລ ຂອງແຂວງ Aceh ເໜືອ
ແລະໄດ້ໃຫ້ເຂົ້າປາອາຫານ ນ້ຳດື່ມ ແລະຢຸກຢາ ແກ່ພວກທີ່ຢູ່
ໃນເຮືອ ກ່ອນທີ່ຈະສົ່ງພວກເຂົາເຈົ້າ ໄປຕາມເສັ້ນທາງຂອງ
ພວກເຂົາເຈົ້າ ອິງຕາມໂຄສົກ ຄົນໜຶ່ງ ທີ່ຍັງໄດ້ກ່າວອີກວ່າ
ຊາວອົບພະຍົບເຫຼົ່ານີ້ບໍ່ໄດ້ພະຍາຍາມທີ່ຈະລົງທີ່ອິນໂດເນເຊຍ ແຕ່ຈຸດໝາຍປາງທາງຂອງ
ພວກເຂົາເຈົ້ານັ້ນຍັງບໍ່ທັນເປັນທີ່ຈະແຈ້ງເທື່ອ.
ມີຊາວໂຣຮິງຢາຈາກມຽນມາ ແລະຊາວອົບພະຍົບຊອກວຽກ ຈາກບັງກລາແດັສ ຫຼາຍກວ່າ
2 ພັນຄົນ ໄດ້ຖືກຊ່ອຍຊີວິດໄວ້ໃນທ້ອງທະເລ ໃນຫຼາຍໆມື້ທີ່ຜ່ານມາ. ພວກນັກເຄື່ອນໄຫວ ແລະເຈົ້າໜ້າທີ່ເຕືອນວ່າ ອາດມີອີກຫຼາຍພັນຄົນ ທີ່ຍັງຕົກຄ້າງຢູ່ໃນພວກເຮືອທີ່ອັດແອ
ໄປດ້ວຍຜູ້ຄົນນັ້ນ.
ເຊື່ອກັນວ່າ ວິກິດການທີ່ວ່ານີ້ ມີສ່ວນເສື່ອມໂຍງກັບການກວດລ້າງ ຂະບວນການຄ້າມະນຸດ ຢູ່ໃນປະເທດໄທ ເມື່ອໄວໆມານີ້.
