ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ໝອກຄວັນ ຢູ່ສິງກະໂປ ຖີບຂຶ້ນ ສູ່ລະດັບ ອັນຕະລາຍ (ວີດິໂອ)


ດວງຕາເວັນກໍາລັງໂຜ່ຂຶນສູ່ທ້ອງຟ້າ ຢູ່ເໜືອເມືອງທີ່ເປັນສູນກາງຫານຄ້າ ຫລື CBD ເຂດຕຶກສູງ ໃນຂະນະທີ່ມີໝອກປົກຫຸ້ມຢ່າງໜາ ໃນວັນທີ 20 ມິຖຸນາ 2013.
ດວງຕາເວັນກໍາລັງໂຜ່ຂຶນສູ່ທ້ອງຟ້າ ຢູ່ເໜືອເມືອງທີ່ເປັນສູນກາງຫານຄ້າ ຫລື CBD ເຂດຕຶກສູງ ໃນຂະນະທີ່ມີໝອກປົກຫຸ້ມຢ່າງໜາ ໃນວັນທີ 20 ມິຖຸນາ 2013.
ໝອກຄວັນທີ່​ເພີ້ມທະວີຄວາມຮ້າຍແຮງຂຶ້ນ ຍ້ອນໄຟໄໝ້ປ່າ
ຢູ່ອິນໂດເນເຊຍ ຍັງສືບຕໍ່ຖີບຕົວສູງຂຶ້ນສູ່ລະດັບ​ໃໝ່​ທີ່​ເປັນ
ອັນຕະລາຍ ຢູ່ສິງກະໂປ ຊຶ່ງເປັນປະເທດເພື່ອນບ້ານນັ້ນ
ແລະເປັນໄພຂົ່ມຂູ່ ເຮັດໃຫ້ສາຍສໍາພັນລະຫວ່າງສອງປະ
ເທດເພີ້ມຄວາມເຄັ່ງຕຶງຂຶ້ນ.

ເຈົ້າໜ້າທີ່ສິງກະໂປ ຮຽກຮ້ອງໃຫ້ປະຊາຊົນບໍ່ໃຫ້ອອກບ້ານ
ອອກເຮືອນ ໃນວັນພະຫັດມື້ນີ້ ໃນຂະນະທີ່ໝອກຄວັນປົກ
ຄຸມທ້ອງຟ້າຂອງປະເທດດັ່ງກ່າວຊຶ່ງ​ເຮັດ ໃຫ້ດັດຊະນີມົນລະ
ພິດທາງ​ອາກາດ ຖີບ​ຕົວ​ຂຶ້ນສູງ​ເປັນ​ປະຫວັດ​ການ ສູ່ລະດັບ
371 ຊຶ່ງເປັນສະຖິຕິໃໝ່ ທຽບໃສ່ມື້ວານນີ້.

ການຈູດ​ເຜົາປ່າ​ແບບ​ຜິດ​ກົດໝາຍ ແລະຕົ້ນໄມ້ຢູ່​ຕາມ​ໄຮ່ຂອງພວກຊາວສວນ ອິນໂດ
ເນເຊຍ ມັກຈະພາໃຫ້​ເກີດໝອກຄວັນຢູ່ໃນຂົງເຂດ ໃນລະຫວ່າງລະດູຮ້ອນທີ່ແຫ້ງ
ແລ້ງນີ້. ແຕ່ສະພາບການໃນອາທິດນີ້​ໄດ້ເຮັດໃຫ້ສາຍພົວພັນທາງ ການທູດລະຫວ່າງ
ສອງປະເທດ ມີຄວາມຕຶງຄຽດຢ່າງບໍ່​ເຄີຍ​ມີມາກ່ອນ.


ທ່ານ Vivian Balakrishnan ລັດຖະມົນຕີກະຊວງສິ່ງແວດລ້ອມຂອງສິງກະໂປ ໄດ້
ຮຽກຮ້ອງໃນວັນພະຫັດມື້ນີ້ ​ໃຫ້ອິນໂດເນເຊຍ “​ເອົາ​ມາດຕະການແບບຮີບດ່ວນ ແລະ
ເດັດຂາດ” ເພື່ອແກ້ໄຂບັນຫາ ທີ່ທ່ານ​ເວົ້າວ່າ ເປັນໝອກຄວັນຮ້າຍແຮງທີ່ສຸດ ເທົ່າທີ່
ປະເທດຂອງທ່ານເຄີຍໄດ້ປະເຊີນມາ.

ອິນໂດເນເຊຍໄດ້ກ່າວປ້ອງກັນການຮັບ​ມື​ກັບໄຟໄໝ້ປ່າຂອງ​ຕົນ ໂດຍເວົ້າວ່າຕົນກໍາລັງ
ພະຍາຍາມທີ່ຈະ​ໃຫ້ການ​ອົບຮົມ​ແກ່​ພວກເຈົ້າຂອງດິນປູກຝັງໃຫ້ຮູ້ທາງເລືອກອື່ນ ແທນ
ວິທີການຈູດ​ເຜົາປ່າ​ເພື່ອ​ເຮັດ​ໄຮ່​ແບບດັ້ງເດີມ ທີ່ບໍ່ເສຍຄ່າໃຊ້ຈ່າຍຫລາຍນັ້ນ.

ວີດິໂອ - ນາຍົກ ລມຕ ສິງກະໂປ ກ່າວວ່າ ຄວັນໝອກຍັງຈະປົກຄຸມໂຕເມືອງ ໄປອີກຫລາຍມື້:

Singapore PM: Haze from Indonesia Could Blanket City for Weeks
please wait

No media source currently available

0:00 0:02:40 0:00
ລິງໂດຍກົງ
XS
SM
MD
LG