ລິ້ງ ສຳຫລັບເຂົ້າຫາ

ທາງການອິນໂດເນເຊຍກ່າວວ່າ ມີຜູ້ເສຍຊີວິດຢ່າງໜ້ອຍ 21 ຄົນໃນລະຍະບໍ່ເທົ່າໃດ ມື້ຜ່ານມານີ້ ຍ້ອນໄພນໍ້າຖ້ວມແລະດິນເຈຶ່ອນ ທີ່ສືບເນື່ອງ ມາຈາກຝົນຕົກໜັກ.

ທ່ານ ປຣິຍະດີ ຄາໂດໂນ ໂຄສົກປະຈຳອົງການຄຸ້ມຄອງໄພພິບັດ ກ່າວວ່າ ເຫດດິນເຈຶ່ອນ ທີ່ເກາະບູຣູ ໃນແຂວງມາລູກູ ທາງພາກຕາເວັນອອກຂອງອິນໂດເນເຊຍ ເມື່ອວັນສຸກຜ່ານມາ ນີ້ ໄດ້ຍັງຜົນໃຫ້ພວກ ຊາວບ້ານເສຍຊີວິດໄປຢ່າງໜ້ອຍ 18 ຄົນ ແລະບາດເຈັບອີກ 7 ຄົນ.

ໂຄສົກເວົ້າຕື່ມວ່າ ມີອີກສາມຄົນຈົມນໍ້າຕາຍ ແລະຫາຍສາບສູນຢ່າງໜ້ອຍນຶ່ງຄົນ ຫລັງຈາກເກີດຝົນຕົກ ຢ່າງຕໍ່ເນື່ອງເປັນເວລາຫລາຍມື້ໃນເຂດ ແຂວງຄາລິມັນຕັນໃຕ້ ທີ່ເຮັດໃຫ້ລະດັບນໍ້າໃນແມ່ນໍ້າໄຫລລົ້ນຝັ່ງນັ້ນ. ປະຊາຊົນຫລາຍກວ່າ 3,000 ຄົນ ຖືກກະທົບຢ່າງໜັກຍ້ອນໄພ ນໍ້າຖ້ວມທີ່ເລີ່ມຕົ້ນຂື້ນໃນວັນເສົາວານນີ້.

XS
SM
MD
LG