ເຈົ້າໜ້າທີ່ອິນໂດເນເຊຍກ່າວວ່າ
ເຮືອໂດຍສານ ຂ້າມຟາກລຳນຶ່ງ
ທີ່ເກີດໄຟໄໝ້ ໃກ້ໆກັບເກາະ
Java ເຮັດໃຫ້ຜູ້ເສຍຊີວິດຢ່າງ
ນ້ອຍ 11 ຄົນ.
ເຈົ້າໜ້າທີ່ກະຊວງຂົນສົ່ງ ຂອງ
ອິນໂດເນເຊຍກ່າວວ່າ ໄຟເລີ້ມ
ລຸກໄໝ້ບໍ່ດົນຫຼັງຈາກເຮືອໂດຍ
ສານລຳນີ້ ອອກຈາກເມືອງທ່າ Merak ເທິງເກາະ Java ເພື່ອເດີນທາງໄປຍັງເກາະສຸມາດ
ຕຣາທີ່ຕັ້ງຢູ່ໃນບໍລິເວນໃກ້ຄຽງ.
ໂຄສົກຂອງກະຊວງຂົນສົ່ງອິນໂດເນເຊຍກ່າວຕໍ່ອົງການຂ່າວເອພີວ່າຜູ້ໂດຍສານ 427 ຄົນ ໄດ້ຖືກຊ່ອຍອອກມາຈາກເຮືອຂ້າມຟາກດ້ວຍຄວາມປອດໄພ. ໂຄສົກເວົ້າຕື່ມວ່າບໍ່ທັນຮູ້ຈັກ
ຄັກແນ່ເທື່ອວ່າມີຜູ້ຫາຍສາບສູນໄປຫຼືບໍ່.
ໃນເວລານີ້ ຍັງບໍ່ທັນເປັນທີ່ຈະແຈ້ງເທື່ອວ່າແມ່ນຫຍັງຄືສາເຫດທີ່ພາໃຫ້ເກີດອັກຄີໄພດັ່ງກ່າວ.
ຕຳຫຼວດເວົ້າວ່າຕົນພວມທຳການສືບສວນກ່ຽວກັບເລື່ອງນີ້.
