ປະຊາຊົນ 8 ຄົນເສຍຊີວິດ ຫລັງຈາກແລ່ນຢຽບກັນໃນເຮືອຂ້າມຟາກລໍານຶ່ງທີ່ຈອດຢູ່ໃນ
ທ່າເຮືອຂອງອິນໂດເນເຊຍ. ໂສກນາຕະກໍາດັ່ງກ່າວໄດ້ເກີດຂຶ້ນໃນວັນພຸດມື້ນີ້ ເວລາລົດ
ບັນທຸກຄັນນຶ່ງເກີດໄຟໄໝ້ຢູ່ໃນເຮືອຂ້າມຟາກ ແລະພວກຄົນໂດຍສານໃນເຮືອທີ່ຕື່ນຕົກ
ໃຈແລະຢ້ານກົວ ພາກັນພະຍາຍາມຫາທາງຫລົບໜີອອກຈາກເຮືອລໍານີ້.
ບັນດາເຈົ້າໜ້າທີ່ກ່າວວ່າ ພວກຄົນໂດຍສານ 8 ຄົນໄດ້ພາກັນແລ່ນຢຽບກັນຕາຍແລະອີກ
ຫລາຍສິບຄົນໄດ້ຮັບບາດເຈັບ.
ເຮືອຂ້າມຟາກລໍານີ້ໄດ້ຈອດຢູ່ທີ່ທ່າເຮືອ Tanjung Perak ໃນນະ ຄອນຫລວງ Suraba
ya ຂອງແຂວງ Java ຕາເວັນອອກຂອງອິນໂດເນເຊຍ ຊຶ່ງມີໝາຍກໍານົດທີ່ຈະສົ່ງພວກ
ຄົນໂດຍສານໄປຍັງເມືອງ Banjarmasin ທີ່ເກາະ Borneo ນັ້ນ.
ອຸບັດເຫດເຮືອຂ້າມຟາກ ຖືເປັນຂອງທໍາມະດາໃນອິນໂດເນເຊຍ ເນື່ອງຈາກບໍ່ມີມາດຕະ
ຖານທາງຄວາມປອດໄພທີ່ດີ ຢູ່ໃນເຮືອ.
