ເຈົ້າໜ້າທີ່ ອິນໂດເນຍເຊຍເວົ້າວ່າ ມີການພົບເຫັນຊ້າງຊູມັດຕຣາທີ່ຫາຍາກຕາຍ 5 ໂຕຢູ່ໃນອິນໂດເນຍເຊຍ ຊຶ່ງຄິດກັນວ່າ ອາດຕາຍຍ້ອນຖືກຢາເບືອ.
ທ່ານ Edi Susantao ນັກອານຸລັກສັດປ່າຂອງລັດຖະບານກ່າວ ໃນວັນອາທິດມື້ນີ້ວ່າ ຊ້າງພວກນີ້ ຊຶ່ງມີອາຍຸ ບໍ່ຮອດ 5 ປີທັງໝົດນັ້ນ ອາດໄດ້ຖືກພວກຊາວບ້ານເບືອ ເພື່ອບໍ່ໃຫ້ພວກມັນໄປລົບກວນທຳລາຍຜົນລະປູກຂອງພວກເຂົາເຈົ້າ.
ທ່ານ Susantao ເວົ້າອີກວ່າ ການສືບສວນກຳລັງດຳເນີນໄປ ແລະ ກໍກຳລັງມີການຊອກຫາຜູ້ຕ້ອງສົງໃສຢູ່ໃນເວລານີ້.
ເຊື່ອກັນວ່າ ມີຊ້າງຊູມັດຕຣາ ປະມານ 3 ພັນໂຕ ທີ່ຍັງຫລົງເຫລືອຢູ່ໃນປ່າ ແລະຈຳ ນວນນີ້ກໍກຳລັງຫລຸດລົງໃນແຕ່ລະປີ ຍ້ອນການລ່າຈັບ ແລະ ການຂ້າໃຫ້ຕາຍໂດຍພວກຊາວນາທີ່ໃຈຮ້າຍວ່າ ຜົນລະປູກຂອງພວກເຂົາເຈົ້າຖືກທຳລາຍຍ້ອນຊ້າງພວກນີ້.
ມີການເບືອຢາຊ້າງທີ່ຫາຍາກ ຢູ່ໃນອິນໂດເນເຊຍ
- ບົວສະຫວັນ
