ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

91 ຄົນເສຍຊີວິດ ຈາກແຜ່ນດິນໄຫວ ຢູ່ເກາະຕາກອາກາດໃນ ອິນໂດເນເຊຍ


ພວກຄົນເຈັບທີ່ເຫັນຢູ່ນອກໂຮງໝໍ ຫຼັງຈາກເກີດແຜ່ນດິນໄຫວ ທີ່ຮ້າຍແຮງ ຢູ່ໃນ ແລະໃກ້ກັບເກາະລັມບ້ອກ ປະເທດອິນໂດ
ເນເຊຍ ວັນທີ 5, ສິງຫາ 2018.
ພວກຄົນເຈັບທີ່ເຫັນຢູ່ນອກໂຮງໝໍ ຫຼັງຈາກເກີດແຜ່ນດິນໄຫວ ທີ່ຮ້າຍແຮງ ຢູ່ໃນ ແລະໃກ້ກັບເກາະລັມບ້ອກ ປະເທດອິນໂດ ເນເຊຍ ວັນທີ 5, ສິງຫາ 2018.

ຄວາມ​ພະຍາຍາມ​ໄດ້​ເລີ້ມຂຶ້ນ ເພື່ອ​ຍົກຍ້າຍ​ພວກ​ນັກ​ທ່ອງ​ທ່ຽວ​ຫຼາຍ​ກວ່າ​ນຶ່ງພັນ​ຄົນ
​ອອກ​ຈາກເກາະ​ຕາກ​ອາກາດ​ໃນອິນ​ໂດ​ເນ​ເຊຍ ນຶ່ງ​ມື້ ຫຼັງ​ຈາກ​ເກີດ​ແຜ່ນ​ດິນ​ໄຫວ​ທີ່​
ຮ້າຍ​ແຮງ ​ເຮັດໃຫ້ມີ​ຜູ້​ເສຍ​ຊີວິດ​ຢ່າງ​ໜ້ອຍ 91 ຄົນ ​ແລະ​ປ່ອຍ​ໃຫ້​ຫຼາຍ​ກວ່າ 200 ຄົນ
​ ໄດ້​ຮັບ​ບາດ​ເຈັບ​ໜັກ.

ແຜ່ນ​ດິນ​ໄຫວ​ໃນ​ວັນ​ອາທິດວານນີ້ ວັດແທກຄວາມ​ແຮງໄດ້​ 6.9 ​ໂດຍ​ຫ້ອງ ການ​ສຳ
​ຫຼວດທໍລະນີ​ວິທະຍາສະຫະລັດ ທີ່​ໄດ້​ຫຼຸດ​ລົງ​ມາ​ຈາກ 7.0 ໂດຍ​ເລິກ​ລົງໄປເຖິງ 10.5
ກິ​ໂລ​ແມັດ ​ໃນ​ພາກ​ເໜືອ​ຂອງ​ເກາະ​ລົມ​ບັອກ ​ເຮັດ​ໃຫ້​ມີ​ການ​ເຕືອນ​ເຖິງ​ຟອງຊຸ​ນາ​ມິ​
ໃນ​ໄລຍະ​ສັ້ນໆ ໄປ​ຍັງ​ ເກາະ​ເພື່ອນ​ບ້ານ ກີລີ ເກາະ​ບາ​ຫຼີ ຊໍາ​ບາ​ວາ ​ແລະ​ພາກ​ສ່ວນ
ຂອງ​ຈາ​ວາ​ຕາ​ເວັນ​ອອກ.

ການ​ຍົກຍ້າຍ​ສ່ວນ​ໃຫຍ່​ໄດ້​ເນັ້ນ​ໜັກ​ໃສ່ໝູ່​ເກາະ​ນ້ອຍກີ​ລີ ທີ່​ເປັນ​ສາມເກາະ​ພັກຜ່ອນ​
ນ້ອຍໆ​ໃກ້​ກັບເກາະ​ລົມ​ບ້ອກ. ພວກ​ນັກ​ທ່ອງ​ທ່ຽວພາກັນ​ລຽນ​ແຖວ​ຢູ່​ຫາດ​ຊາດ​ນ້ອຍ​ໆ
ໃນ​ຕອນ​ເຊົ້າ​ວັນ​ຈັນມື້ນີ້ ລໍຖ້າເຮືອທີ່​ຈະ​ນຳພາ​ເຂົາ​ເຈົ້າ​ໄປ​ຢູ່​ເກາະ​ລົມ​ບ້ອກທີ່ໃຫຍ່ກວ່າ.

​ໂຄສົກ​ສາຍ​ການບິນ​ກາຣູດາ​ ຂອງ​ອິນ​ໂດ​ເນ​ເຊຍ ກ່າວ​ວ່າ​ຕົນ​ໄດ້​ເພີ້​ມຖ້ຽວບິນ​ພິ​ເສດ
​ຈາກ​ເກາະ​ລົມ​ບ້ອກ ​ເພື່ອ​ໃຫ້ການ​ຊ່ວຍ​ເຫຼືອ​ແກ່​ພວກ​ນັກ​ທ່ອງ​ທ່ຽວ​ທີ່​ຢາກໜີ​ອອກ​ໄປ.

ພວກຊາວບ້ານພາກັນອອກຢູ່ທີ່ສູງ ຫຼັງຈາກເກີດແຜ່ນດິນໄຫວທີ່ເກາະລົມບ້ອກ ປະເທດອິນໂດເນເຊຍ ໃນທີ 5 ສິງຫາ 2018.
ພວກຊາວບ້ານພາກັນອອກຢູ່ທີ່ສູງ ຫຼັງຈາກເກີດແຜ່ນດິນໄຫວທີ່ເກາະລົມບ້ອກ ປະເທດອິນໂດເນເຊຍ ໃນທີ 5 ສິງຫາ 2018.

ທ່ານ​ຊູ​ໂຕໂ​ປ ປູຣ​ໂວ ນູ​ໂກຣ​ໂຮ ​ໂຄສົກ​ປະຈຳ​ອົງການ​ບັນ​ເທົາ​ຄວາມ​ຫາຍຍະນະ​ແຫ່ງ
​ຊາດ​ຂອງ​ປະ​ເທດ ​ກ່າວ​ຕໍ່​ບັນດາ​ນັກ​ຂ່າວໃນ​ໃນ​ຈັນ​ມື້​ນີ້​ວ່າ ບັນດາ​ຜູ້​ເຄາະ​ຮ້າຍ​ສ່ວນ
ໃຫຍ່ທີ່ຕາຍໄປແລະໄດ້ຮັບບາດເຈັບ​ ແມ່ນ​ຢູ່​ທາງ​ເໜືອ​ຂອງ​ເກາະ​ລົມ​ບ້ອກ ທີ່​ໄດ້​ຮັບ
ຄວາມ​ເສຍ​ຫາຍ​ໜັກ.

ທ່ານ​ ນູ​ໂກຣ​ໂຮ ກ່າວ​ວ່າຈຳນວນ​ຜູ້​ຕາຍຄາດ​ວ່າ​ຈະ​ສູງ​ຂຶ້ນ ​ໃນ​ຂະນະ​ທີ່​ພວກ​ກູ້​ໄພ​ໄດ້
ໄປ​ເຖິງ​ບັນດາ​ເຂດ​ທີ່​ໄດ້​ຮັບ​ຜົນ​ກະທົບ. ທ່ານ​ກ່າວ​ວ່າ​ບໍ່​ມີ​ນັກ​ທ່ອງ​ທ່ຽວ​ຕ່າງປະ​ເທດຜູ້
ໃດຮວມຢູ່​ໃນຈຳນວນຜູ້​ເສຍ​ຊີວິດ.

​ໄຟຟ້າ​ໄດ້​ມອດ​ຢູ່​ຫຼາຍພາກສ່ວນ​ຂອງ​ເມືອງ ​ແລະພວກຄົນ​ເຈັບ​ກໍໄດ້​ຖືກຍົກຍ້າຍ​ອອກ​
ໄປຈາກ​ໂຮງໝໍໃຫຽ່.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG