ລິ້ງ ສຳຫລັບເຂົ້າຫາ


















ເດັກນ້​ອຍຜູ້​ຊາຍ​ຄົນ​ນຶ່ງ​ໄວ 12 ຂວບ​ເສຍ​ຊີວິດ​ໃນ​ອິນ​ໂດ​ເນ​ເຊຍບ່ອນ ທີ່​ແຜ່ນດິນ​ໄຫວ
ຂະໜາດແຮງ​ ເຮັດໃຫ້​ປະຊາຊົນພາກັນ​ແຕກຕື່ນລຸກຈາກ​ຕຽງ​ນອນ​ຂອງ​ເຂົາ​ເຈົ້າ​ ແລະ
ພາກັນຫລັ່ງ​ໄຫລ​ອອກໄປ​ຢູ່​ຕາມ​ຖະໜົນ​ຫົນທາງ​ສາຍ​ຕ່າງໆ​ນັ້ນ.

ແຜ່ນດິນ​ໄຫວ​ທີ່​ມີ​ຄວາມ​ແຮງ 6.6 ຣິກ​ເຕີ​ໄດ້​ເກີດ​ຂຶ້ນ​ໃນ​ຕອນເຊົ້າ​ມືດ​ໃນ​ວັນ​ອັງຄານ​ມື້​
ນີ້ທີ່​ເກາະ​ຊູ​ມາຕຣາ​ທາງພາກ​ຕາ​ເວັນ​ຕົກ​ຂອງປະ​ເທດ ​ເຮັດ​ໃຫ້​ພວກ​ຊາວບ້ານ​ຊາວ​ເມືອງ
ພາກັນ​ຫລົບໜີ​ອອກ​ຈາກ​ບ້ານ​ເຮືອນ ຈາກ​ໂຮງ​ແຮມ​ແລະ​ຢ່າງ​ນ້ອຍຈາກ​ໂຮງໝໍ​ແຫ່ງ​ນຶ່ງ.
ບັນດາເຈົ້າ​ໜ້າ​ທີ່​ກ່າວ​ວ່າ ​ເດັກນ້ອຍ​ຜູ້​ຊາຍ​ຄົນ​ນີ້​ໄດ້​ຖືກ​ສິ່ງ​ຂອງ​ຕົກລົງ​ທັບ​ຢູ່​ໃນ​ຕຽງ​
ນອນ​ຂອງ​ລາວ ​ແລະ​ອີກ​ຄົນ​ນຶ່ງ​ໄດ້​ຮັບ​ບາດ​ເຈັບ​ຢ່າງ​ສາຫັດ.

ແຜ່ນດິນ​ໄຫວ​ດັ່ງກ່າວ​ມີ​ຈຸດ​ໃຈກາງ​ປະມານ 100 ຫລັກ​ກິ​ໂລ​ແມັດ​ທາງ​ພາກ​ຕາ​ເວັນ​ຕົກ​
ສຽງ​ໃຕ້​ຂອງ​ເມືອງ Medan​ ໃກ້ກັບ​ແຂວງ Aceh ​ໃນ ພາກ​ເໜືອ​ສຸດ​ຂອງ​ອິນ​ໂດ​ເນ​
ເຊ​ຍ ຊຶ່ງ​ໄດ້​ປະ​ເຊີນ​ກັບ​ແຜ່ນດິນ​ໄຫວ​ແລະ​ຄື້ນຟອງ​ຍັກ​ສຸ​ນາ​ມິ​ຢ່າງ​ຮ້າຍ​ແຮງ​ທີ່​ສຸດ​ໃນ​
ເດືອນ​ທັນວາ​ປີ 2004 ນັ້ນ.

ແຜ່ນດິນ​ໄຫວ​ໃນ​ວັນ​ອັງຄານ​ມື້​ນີ້ ​ໄດ້​ເຮັດ​ໃຫ້​ຝາ​ຕຶກ​ອາຄານ​ແຕກ​ແຫງແລະ​ສ້າງ​ຄວາມ
ເສຍ​ຫາຍ​ໃຫ້​ແກ່​ພວກ​ຕຶກ​ອາຄານ​ຫລາຍ​ຫລັງ ​ແຕ່​ນັກວິທະຍາສາດ​ກ່າວ​ວ່າ ແຜ່ນດິນ
ໄຫວໃນຄັ້ງນີ້ແມ່ນຢູ່ເລິກ​ເຂົ້າ​ໄປໃນຫລາຍ​ຈາກ​ແຄມ​ທະ​ເລ​ ຈຶ່ງບໍ່​ພາ​ໃຫ້​ເກີດ​ຄື້ນຟອງ​ຍັກ
ສຸນາ​ມິ​.

XS
SM
MD
LG