ລິ້ງ ສຳຫລັບເຂົ້າຫາ

logo-print

ອິນໂດເນເຊຍ ຊ່ວຍເຫລືອ ຊົນເຜົ່າໂຣຮິງຢາ ຈາກມຽນມາ


ເຈົ້າໜ້າຕໍາຫຼວດອິນໂດເນເຊຍ ຂະນະປະຕິບັດໜ້າທີ່ ໃຫ້ຄວາມ ຄຸ້ມກັນຊາວອົບພະຍົບໂຣຮິງຢາຈຸນຶ່ງ ຈາກມຽນມາ ທີ່ເດີນທາງ ໄປເຖິງ ອິນໂດເນເຊຍ.
ເຮືອລໍານຶ່ງບັນທຸກຊາວໂຣຮິງຢາມຸສລິມ 121 ຄົນ ທີ່ຫຼົບໜີຈາກ
ມຽນມາ ໄດ້​ໄປເຖິງນອກຝັ່ງທະເລຂອງເມືອງ Aceh ປະເທດອິນ
ໂດເນເຊຍ ເມື່ອອາທິດຜ່ານມານີ້. ພວກເຂົາເຈົ້າເຫຼົ່ານີ້​ແມ່ນ​ເປັນ​
ພຽງ​ສ່ວນ​ນຶ່ງຂອງຊາວໂຣ ຮິງຢາ ຫຼາຍພັນຄົນທີ່ຫຼົບໜີຈາກມຽນ
ມາໂດຍທາງທະເລ ​ໃນ​ການຫຼັ່ງ​ໄຫຼໜີຂອງຄົນຈໍານວນຫຼາຍທີ່
ສ່ຽງຊີວິດຢ່າງໜັກ ແລະເປັນເລຶ່ອງທີ່ອົງການ​ສະຫະ​ປະຊາ​ຊາດ
ຫຼືຢູເ​ເອັນ ມີແຜນວ່າຈະຍົກຂຶ້ນມາປຶກສາຫາລືກັນຢູ່ທີ່ກອງປະ
ຊຸມໃຫຍ່ບັ້ນນຶ່ງທີ່ນະຄອນ ຫຼວງ Jakarta ຂອງອິນໂດເນເຊຍ
ໃນເດືອນໜ້ານີ້. ຜູ້ສື່ຂ່າວວີໂອເອ Kate Lamb ລາຍງານວ່າ ກຸ່ມສິດທິມະນຸດພາກັນເປັນຫ່ວງວ່າສະຖານະການນີ້ອາດກໍ່
ໃຫ້ເກີດຄວາມຮຸນແຮງທາງສາສະໜາ ເພີ່ມຂຶ້ນໄດ້.

ຄວາມເຄ່ງຕຶງລະຫວ່າງຊາວພຸດ​ແລະຊົນເຜົ່າໂຣຮິງຢາ ​ໃນລັດຣາຄາຍຂອງມຽນມານັ້ນ ​
ແມ່ນໄດ້ກໍ່​ຕົວ​ຂຶ້ນ​ມາ ​ເປັນ​ເວລາຫຼາຍສິບປີ​ແລ້ວ.

ຄວາມຮຸນແຮງໄດ້ລະເບີດຂຶ້ນເມື່ອປີຜ່ານມາ ເວລາການໂຈມຕີລະຫວ່າງ​ປະຊາ​ຄົມໃນ
ລັດ Arakan ​ໄດ້​ສົ່ງຜົນໃຫ້ຊາວໂຣຮິງຢາມຸສລິມເສຍຊີວິດໄປຫຼາຍຮ້ອຍຄົນ ແລະຕ້ອງ ພັດພາກຈາກຖິ່ນຢູ່ອາ​ໄສອີກ 100,000 ຄົນ.

ຊາວອົບພະຍົບມຸສລິມໂຣຮິງຢາ ທີ່ຄ້າຍອົບພະຍົບ Awetawgyi ໃນເມືອງ Sittwe, ລັດ Rakhine,ທາງພາກຕາເວັນຕົກຂອງມຽນມາ, ວັນທີ 8 ມັງກອນ 2013.
ຊາວອົບພະຍົບມຸສລິມໂຣຮິງຢາ ທີ່ຄ້າຍອົບພະຍົບ Awetawgyi ໃນເມືອງ Sittwe, ລັດ Rakhine,ທາງພາກຕາເວັນຕົກຂອງມຽນມາ, ວັນທີ 8 ມັງກອນ 2013.


ເມື່ອສອງອາທິດຜ່ານມາ ຝຸງ​ຊົນຊາວພຸດທີ່ໂກດແຄ້ນກຸ່ມ​ນຶ່ງ
ໄດ້ໂຈມ​ຕີ ປະຊາຄົມນຶ່ງທີ່ບໍ່ແມ່ນຊາວໂຣຮິງຢາມຸສລິມ ໃນນະ
ຄອນຢ່າງກຸ້ງ ໂດຍພາກັນຂວ່າງກ້ອນດິນຈີ່ໃສ່ຮ້ານຄ້າຫຼາຍໆ
​ແຫ່ງ ແລະໂຮງຮຽນແຫ່ງນຶ່ງ. ສາເຫດທີ່ພາໃຫ້ເກີດຄວາມຮຸນ
ແຮງນີ້ຍັງບໍ່ເປັນທີ່ແຈ້ງຂາວ. ລາຍງານບາງກະແສຊີ້ແນະວ່າ
ພວກຊາວເມືອງເຂົ້າໃຈຜິດຄິດວ່າ ມີການສ້າງວັດມຸສລິມແຫ່ງ
​ໃໝ່ ຂຶ້ນຢູ່ທີ່ນັ້ນ.

Nyunt Maung Shein ​ເປັນປະທານສະພາກິດຈະກໍາສາສະ
ໜາອີສລາມຂອງມຽນມາ. ທ່ານໄດ້ໂຕ້ແຍ້ງຢູ່ທີ່ກອງປະຊຸມລະຫວ່າງສາສະໜາ ເມື່ອອາ
ທິດຜ່ານມາ ທີ່ Jakarta ວ່າ ເຖິງແມ່ນວ່າເຫດການວຸ້ນວາຍທີ່ເກີດຂຶ້ນ ເມື່ອ​ໄວໆ​ມາ​ນີ້ ໄດ້
ກໍ່​ໃຫ້ເກີດ​ຄວາມລະ​ແວງສົງ​ໄສ​ໃນ​ກັນ​ແລະ​ກັນ​ກໍ​ຕາມ ແຕ່ຄວາມສໍາພັນກັນລະຫວ່າງຊາວ
ມຸສລິມ ແລະຊາວພຸດ ​ໂດຍສ່ວນໃຫຍ່​ແລ້ວ ແມ່ນກົມກຽວກັນດີມາຕະຫຼອດ ຊຶ່ງທ່ານມ່ອງ
ເຊນ ກ່າວອີກວ່າ ເຫດການຮຸນແຮງທີ່ຢ່າງກຸ້ງເມື່ອອາທິດກ່ອນນັ້ນ ແມ່ນຊົນກຸ່ມນ້ອຍ​ໆ
ກຸ່ມນຶ່ງ ເປັນ​ຝ່າ​ຍກໍ່ຂຶ້ນ.

ທ່ານເຊນ ເວົ້າວ່າ: “ມັນເປັນເລຶ່ອງການເມືອງກັນຫຼາຍກວ່າມັນບໍ່​ແມ່ນເປັນຍ້ອນ
ວິກິດການທາງສາສະໜາ ມັນເປັນເກມທາງການເມືອງ ບໍ່ແມ່ນຍ້ອນການຈໍາແນກ
ກີດກັນ ຫລື​ຍ້ອນສາສະໜາແຕ່ຢ່າງໃດ.”


ທ່ານ Jusuf Kalla ອະດີດຮອງປະທານາທິບໍດີອິນໂດເນເຊຍ ເຫັນພ້ອມນໍາເລຶ່ອງນີ້. ທ່ານ Kalla ໄດ້ໄປຢ້ຽມຢາມຄ້າຍພັກຊົ່ວຄາວຂອງຊາວໂຣຮິງຢາຂອງມຽນມາ ເມື່ອປີຜ່ານມາ
ແລະກໍໄດ້ປະຕິບັດງານເພື່ອຜ່ອນຄາຍ ຂໍ້ຂັດແຍ້ງກັນຢ່າງນອງເລືອດທາງສາສະໜາ ຢູ່
ເມືອງ Aceh ແລະ Maluku ຂອງອິນໂດເນເຊຍ.

ທ່ານ Kalla ເວົ້າວ່າ ມີຢູ່ເລື້ອຍໆທີ່ ຂໍ້ຂັດແຍ້ງກັນທີ່ປາກົດຄືວ່າຖືກຫຼໍ່ລ້ຽງ ໂດຍຄວາມແຕກ
ຕ່າງກັນທາງສາສະໜາ​ນັ້ນ ມີ​ພື້ນຖານ​ມາ​ຈາກ​ບັນຫາ​ທາງເສດຖະກິດ ແທນທີ່ຈະມາຈາກ
ບັນຫາ​ຄວາມ​ເຊື່ອ​ຖືທາງ​ສາສະໜາ.

ທ່ານ Kallay ເວົ້າວ່າ: “ໂຣຮິງຢາບໍ່ແມ່ນເປັນພຽງບັນຫາສາສະໜາຢ່າງດຽວເທົ່າ
ນັ້ນ. ແຕ່ມັນເປັນບັນຫາທາງການເມືອງ ປະຫວັດສາດ ວັດທະນະທໍາ ເສດຖະກິດ ແລະສາສະໜາ ຊຶ່ງເປັນເລຶ່ອງສະລັບຊັບຊ້ອນພໍສົມຄວນ.”


ຊົນເຜົ່າໂຣຮິງຢາ ຊຶ່ງບາງຄົນໄດ້ອາ​ໄສຢູ່ໃນມຽນມາ ມາໄດ້ຫຼາຍເຊັ່ນຄົນນັ້ນ ແ​ມ່ນຖືກ ປະຕິເສດບໍ່ໃຫ້​ໄດ້​ຮັບສັນຊາດ​ເປັນພົນລະ​ເມືອງມຽນມາ.

ລັດຖະບານມຽນມາ​ເອງ ກໍ​ໄດ້ເວົ້າຢູ່ຕະຫຼອດມາວ່າບັນຫາຊາວໂຣຮິງຢານັ້ນ ​ແມ່ນເປັນ ເລຶ່ອງຂອງຊົນ​ຊາດຊົນເຜົ່າ ຫຼາຍກວ່າເລຶ່ອງສາສະໜາ.

ແຕ່ກໍຍັງມີຄວາມເປັນຫ່ວງກັນວ່າ ​ບັນຫາ​ເລື່ອງສະຖານະພາບຂອງຊາວໂຣຮິງຢາ ທີ່ຍັງ ແກ້ໄຂກັນບໍ່ໄດ້ນັ້ນ ກໍາລັງບັ່ນທອນສະຖຽນລະພາບຂອງມຽນມາ ຊຶ່ງ​ເປັນປະເທດທີ່ກໍາ
ລັງຢູ່ໃນຂັ້ນຕອນການຜັນປ່ຽນທາງການເມືອງ ຢູ່ໃນຂະນະນີ້.

ທ່ານ Phil Robertson ຮອງຜູ້ອໍານວຍການກຸ່ມສິ້ງຊອມສິດທິມະນຸດ Human Rights
Watch ເວົ້າວ່າ ເຫດການຄວາມຮຸນແຮງໃນຢ່າງກຸ້ງ ເມື່ອສອງອາທິດຜ່ານມານີ້ ແມ່ນໄດ້​
ເຜີຍແບໃຫ້ເຫັນຄວາມອ່ອນແອຂອງ ຄວາມກົມກຽວກັນລະຫວ່າງສາສະໜາ ຢູ່ໃນສັງຄົມ
ຂອງມຽນມາ.

ທ່ານ ຟິລ ໂຣເບີດຊັນ ເວົ້າວ່າ: “ຫຼັງຈາກມາດຕະຖານແຫ່ງຄວາມຈໍາແນກກີດກັນ ໄດ້ຖືກກໍານົດຈັດຕັ້ງຂຶ້ນມາ​ແລ້ວ ຊຶ່ງວ່າບາງຄົນມີສິດ ແລະບາງຄົນບໍ່ມີສິດ ຢູ່ໃນ
ປະເທດທີ່ມີຫຼາກຫຼາຍຊົນເຜົ່າເຊັ່ນມຽນມານັ້ນ ມັນກໍເປັນບົດຮຽນທີ່ອັນຕະລາຍ
ທີ່​ສຸດ ທີ່ຈະຖອດ​ຖອນໄດ້. ເພາະວ່າມັນເປັນການເປີດປະຕູ​ ໃຫ້​ມີການລະເມີດ​
ສິດທິໃນ​ຮູບແບບອື່ນໆໄດ້ ​ໃຫ້​ມີພຶດຕິກໍາໃນແບບອື່ນໆຂອງພວກຝຸງ​ຊົນ​ທີ່​ໂມ​ໂຫ
ຮ້າຍ ​ແລະນີ້ຄືສິ່ງທີ່ປະຊາຄົມໂລກ ຕ້ອງໄດ້​ຮ່ວມ​ງ​ານກັບພວກປະຊາຊົນທີ່​ມີ​ເຈດ​
ຕະນາ​ດີທັງຫຼາຍຢູ່ໃນມຽນມາ ​ເພື່ອຫາ​ທາງ​ແກ້​ໄຂ​ໃນເລຶ່ອງນີ້ ແລະເພື່ອປ້ອງກັນ
ບໍ່ໃຫ້ເຫດການຄວາມຮຸນແຮງ ເກີດຂຶ້ນຕື່ມອີກ.”


ລັດຖະມົນຕີຕ່າງປະເທດອິນໂດເນເຊຍ ທ່ານ Marty Natalegawa (ຢືນ) ໄປຢ້ຽມຢາມຊາວໂຣຮິງຢາ ຢູ່ສູນອົບພະຍົບແຫ່ງນຶ່ງໃນລັດ Rakhine ຂອງມຽນມາ, ວັນທີ 7 ມັງກອນ 2013. (Dok. Kemenlu)
ລັດຖະມົນຕີຕ່າງປະເທດອິນໂດເນເຊຍ ທ່ານ Marty Natalegawa (ຢືນ) ໄປຢ້ຽມຢາມຊາວໂຣຮິງຢາ ຢູ່ສູນອົບພະຍົບແຫ່ງນຶ່ງໃນລັດ Rakhine ຂອງມຽນມາ, ວັນທີ 7 ມັງກອນ 2013. (Dok. Kemenlu)


ອິນໂດເນເຊຍໄດ້ມີສ່ວນພົວພັນໃນການ​ດໍ​າ​ເນີນຄວາມພະຍາ
ຍາມ ເພື່ອຫາທາງແກ້ໄຂ ບັນຫາຊົນເຜົ່າໂຣຮິງຢາໃນມຽນມານັ້ນ
ຕະຫຼອດມາ.

ເມື່ອປີຜ່ານມາ ລັດຖະບານອິນໂດເນເຊຍໄດ້ບໍລິຈາກເງິນນຶ່ງລ້ານ
ໂດລາ ​ແກ່ການຊ່ວຍເຫຼືອ ເພື່ອບັນເທົາຄວາມເດືອດຮ້ອນຂອງ​ຊົນ
​ເຜົ່າຢູ່ໃນລັດຣາຄາຍນັ້ນ. ແລະ ທ່ານ Marty Natalegawa ລັດ
ຖະມົນຕີຕ່າງປະເທດຂອງອິນໂດເນເຊຍ ກໍໄດ້ກົດດັນໃຫ້ ລັດຖະ
ບານມຽນມາຫາທາງແກ້ໄຂບັນຫາສະຖານະ​ພາບ​ທາງກົດໝາຍ
ຂອງຊົນເຜົ່າໂຣຮິງຢາ ໃຫ້ໄດ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG