ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

1 ຄົນເສຍຊີວິດ ແລະ 20 ຄົນ ໄດ້ຮັບບາດເຈັບ ໃນການໂຈມຕີ ທີ່ອິນໂດເນເຊຍ


ເຈົ້າໜ້າທີ່ຕໍາຫລວດອິນໂດເນເຊຍກໍາລັງຍາມບ່ອນລະເບີດແຕກຂຶ້ນຢູ່ນອກໂບດໃນເມືອງໂຊໂລ ແຂວງ ຈາວາ,
ວັນທີ 25 ກັນຍາ 2011.
ເຈົ້າໜ້າທີ່ຕໍາຫລວດອິນໂດເນເຊຍກໍາລັງຍາມບ່ອນລະເບີດແຕກຂຶ້ນຢູ່ນອກໂບດໃນເມືອງໂຊໂລ ແຂວງ ຈາວາ, ວັນທີ 25 ກັນຍາ 2011.

ຕໍາຫລວດ​ອິນ​ໂດ​ເນ​ເຊຍ​ກ່າວ​ວ່າ ຜູ້​ວາງ​ລະ​ເບີດ​ສະລະ​ຊີບ​ຄົນ​ນຶ່ງ​ໄດ້ຈູດ​ກະນວນ​ວັດ​ຖຸລະ​ເບີດ​ຂອງ​ຜູ້ກ່ຽວ​ຢູ່​ນອກ​ໂບດ Protestant ​ແຫ່ງນຶ່ງ​ໃນ​ແຂວງ Java ​ທາງ​ພາກ​ກາງຂອງ​ອິນໂດ​ເນ​ເຊຍ​ໃນ​ວັນ​ອາທິດ​ມື້​ນີ້ ເຮັດ​ໃຫ້ໂຕ​ເອງເສຍ​ຊີວິດ ​ແລະ​ອີກ​ຫລາຍ​ຄົນ​ໄດ້​ຮັບ​ບາດ​ເຈັບ.

ພວກ​ເຫັນ​ເຫດການ​ກ່າວ​ວ່າ ລະ​ເບີດທີ່ແຕກ​ຂຶ້ນ​ຢູ່​ນອກ​ໂບດ Kepunton ​ໃນ​ເມືອງ​ໂຊ​ໂລ ໄດ້​ສັງຫານ​ຜູ້​ວາງ​ລະ​ເບີດ ​ແລະ​ຢ່າງໜ້ອຍ​ປະຊາຊົນ​ຕື່ມ​ອີກ 3 ຄົນ ​ແຕ່​ຕໍາຫລວດ​ກ່າວ​ວ່າ ມາ​ຮອດປັດຈຸບັນ​ນີ້ ມີ​ພຽງ​ແຕ່​ຜູ້​ວາງລະ​ເບີດ​ເທົ່າ​ນັ້ນ​ ໄດ້​ຮັບ​ການ​ຢືນຢັນ​ວ່າ​ເສຍ​ຊີວິດ. ວິທະຍຸ​ທ້ອງ​ຖິ່ນ​ກ່າວ​ວ່າ ມີ​ຜູ້​ຄົນ​ຕື່ມ​ອີກ​ຫລາຍ​ເຖິງ 20 ຄົນ​ໄດ້​ຮັບ​ບາດ​ເຈັບ.

ອິນ​ໂດ​ເນ​ເຊຍ​ໄດ້​ສັ່ນ​ສະ​ເທືອ​ນຍ້ອນການ​ໂຈມ​ຕີ​ຕິດ​ຕໍ່​ກັນ​ມາຫລາຍໆ​ບັ້ນໃນ​ຫວ່າງ​ເມື່ອ​ບໍ່​ເທົ່າ​
ໃດ​ປີຜ່ານມາ​ນີ້​ ​ໂດຍເຄື່ອຂ່າ​ຍກໍ່​ການ​ຮ້າຍ Jemaah Islamiyah ​ໃນ​ພາກ​ພື້ນ ຮວມທັງ​
ການວາງ​ລະ​ເບີດ​ໂຈມ​ຕີ​ທີ່​ເກາະ​ບາ​ຫລີ​ໃນ​ປີ 2002 ຊຶ່ງ​ໄດ້​ເອົາ​ຊີວິດ​ຜູ້​ຄົນໄປ 202 ຄົນ​ນັ້ນ.

XS
SM
MD
LG