ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອິນເດຍ ຍິງທະຫານ ປາກິສຖານ ຕາຍ ທີ່ແຄວ້ນ ແຄັສເມຍ


ແຜນທີ່ສະແດງໃຫ້ເຫັນຂົງເຂດ ແຄສເມຍ ລະຫວ່າງອິນເດຍ ແລະ
ປາກິສຖານ ບ່ອນທີ່ມີການຂັດແຍ້ງກັນ.
ແຜນທີ່ສະແດງໃຫ້ເຫັນຂົງເຂດ ແຄສເມຍ ລະຫວ່າງອິນເດຍ ແລະ ປາກິສຖານ ບ່ອນທີ່ມີການຂັດແຍ້ງກັນ.
ອິນ​ເດຍ ກ່າວ​ວ່າ ທະຫານ​ຂອງ​ຕົນ​ໄດ້​ຍິງທະຫານ​ປາ​ກິ​ສຖານ
ຄົນ​ນຶ່ງ​ຕາຍຢູ່ໃນ​ເຂດ​ຊາຍ​ແດນ​ຂອງແຄວ້ນ Kashmir ​ທີ່​ຍັງມີ​
ການ​ຖົກ​ຖຽງ ໂຕ້​ຖຽງ​ກັນ​ນັ້ນ.

​ເຈົ້າ​ໜ້າ​ທີ່​ກ່າວ​ວ່າ ທະຫານຄົນ​ນີ້ໄດ້​ຖືກ​ຂ້າ​ຕາຍ ​ໃນ​ກາ​ນຍິງ​ຕໍ່​
ສູ້ກັນໃນ ​ວັນ​ພະຫັດວານ​ນີ້ ​ເວລາ​ຜູ້ກ່ຽວ​ຂ້າມເສັ້ນຄວບ​ຄຸມຊຶ່ງ​
ເປັນ​ເສັ້ນ​ແບ່ງຊາຍ ແດນ​ທາງ​ທະຫານ ຢູ່​ໃນ​ແຄວ້ນ​ດັ່ງກ່າວ.

ອິນ​ເດຍ ຄາດ​ວ່າ​ຈະ​ສົ່ງ​ຊາກ​ສົບ​ຂອງ​ທະຫາ​ນ​ຄົນ​ນີ້ຄືນໃຫ້
ປາ​ກິ​ສຖານ ​ໃນ​ວັນ​ສຸກ​ມື້​ນີ້.

​ເດືອນ​ແລ້ວ​ນີ້ ທະຫານ​ປາ​ກິ​ສຖານ​ສາມ​ຄົນ ​ແລະ​ທະຫານ
ອິນ​ເດຍສອງ​ຄົນ ​ໄດ້ເສຍ​ຊີວິດຈາກ​ການ​ຍິງຕໍ່ສູ້​ກັນ ທີ່​ລະ​
ເບີດ​ຂຶ້ນ ​ຢູ່​ຕາມ​ເສັ້ນ​ແບ່ງ​ຊາຍ​ແດນ​ນັ້ນ.

​ສອງ​ປະ​ເທດເພື່ອນ​ບ້ານ​ໃນ​ເຂດເອ​ເຊຍໃຕ້ດັ່ງກ່າວ​ໄດ້​ເຮັດສົງຄາມສອງ ຄັ້ງມາ​ແລ້ວ ກ່ຽວ​ກັບແຄວ້ນ Kashmir ນັບ​ຕັ້ງ​ແຕ່​ໄດ້​ຮັບ​ເອກ​ກະລາດ ຈາກ​ອັງກິດ​ໃນ​ປີ 1947. ອິນ​ເດຍ ​ແລະ​ປາ​ກິ​ສຖານ ​ຕ່າງ​ກໍ​ອ້າງ​ກຳມະ ສິດ​ໂດຍ​ເຕັມ​ເອົາ​ແຄວ້ນ​ແຄັສ​ເມຍ.
XS
SM
MD
LG