ການປະທ້ວງຕໍ່ຕ້ານຄວາມບໍ່ເປັນຫ່ວງເປັນໄຍຂອງປະຊາຊົນ ແລະການໄຮ້ຄວາມສາມາດຂອງຕໍາຫຼວດ ໄດ້ລະເບີດຂື້ນຄືນໃໝ່ອີກຢູ່ໃນອິນເດຍເມື່ອວັນເສົາວານນີ້ ຫຼັງ ຈາກ ແຟນຂອງສາວຜູ້ເຄາະຮ້າຍທີ່ຖືກຂົ່ມຂືນ ໂດຍພວກອັນທະພານທີ່ນີວເດລລີ ໄດ້ ເລົ່າສູ່ຟັງຄືນໃໝ່ອີກກ່ຽວກັບອາຊະຍາກໍາອັນໜ້າສະຫຍອງຂວັນ ທີ່ລາວໄດ້ເຫັນ ແຕ່ຕໍາຫຼວດໂຕ້ແຍ້ງຄໍາບອກເລົ່າ ຂອງຜູ້ກ່ຽວ.
ແຟນຂອງຍິງສາວຊາວອິນເດຍທີ່ເສຍຊີວິດໄປເມື່ອອາທິດຜ່ານມາ ຍ້ອນບາດແຜທີ່ໄດ້ ຮັບ ຈາກການໂຈມຕີ ໄດ້ບອກອົງການຂ່າວຝຣັ່ງ ແລະໂທລະ ພາບ ຊ່ອງ Zee ຂອງອິນເດຍ ເມື່ອວັນສຸກຜ່ານມານີ້ວ່າ ເວລາຜ່ານໄປ ດົນເຖິງ 25 ນາທີ ຈຶ່ງມີຄົນຢຸດແລະມາຊ່ວຍລາວ ກັບເພື່ອນຂອງລາວ ຫຼັງຈາກພວກເຂົາເຈົ້າຖືກໂຍນຖິ້ມ ໃນສະພາບເປືອຍ ກາຍແລະເລືອດໄຫລຢູ່ແຄມຖະໜົນ ນັ້ນ.
ຊາຍຄົນດັ່ງກ່າວ ທີ່ບໍ່ບອກຊື່ຍ້ອນເຫດຜົນທາງກົດໝາຍ ຍັງເວົ້າອີກວ່າ ເວລາຕໍາຫຼວດໄປເຖິງບ່ອນເກີດເຫດ ພວກເຂົາເຈົ້າກໍຖົກຖຽງກັນຢູ່ດົນເຕີບວ່າ ເຫດການນີ້ເກີດຂຶ້ນເປັນເຂດຮັບຜິດຊອບຂອງໃຜ ແລ້ວກໍພາພວກເຂົາ ເຈົ້າໄປໂຮງໝໍ ທີ່ຢູ່ຫ່າງໄກບ່ອນເກີດເຫດ.
ທ່ານ Vivel Gogia ຜູ້ບັນຊາການຕໍາຫຼວດນີວເດລລີ ກ່າວປ້ອງກັນການຕອບສະໜອງຢ່າງໄວຂອງຕໍາຫຼວດ ໂດຍບອກພວກນັກຂ່າວເມື່ອວັນເສົາວ່າ ຕໍາຫຼວດໄດ້ໃຊ້ເວລາບໍ່ເຖິງເຄິ່ງຊົ່ວໂມງ ໃນການນໍາສົ່ງຄົນທັງສອງໄປໂຮງໝໍ ຫຼັງຈາກໄດ້ຮັບໂທລະສັບຮ້ອງຂໍ ຄວາມຊ່ວຍເຫລືອແລ້ວ.
ທັງສອງຄົນຖືກທຸບຕີດ້ວຍທ່ອນເຫຼັກຢູ່ເທິງລົດເມແລະແມ່ຍິງຖືກຂົ່ມຂືນໝູ່. ທ່ອນເຫຼັກດັ່ງ ກ່າວຖືກໃຊ້ໃນການຂົ່ມຂືນ.
ຍິງສາວທີ່ບໍ່ຖືກລະບຸຊື່ ໄດ້ເສຍຊີວິດເມື່ອວັນເສົາທ້າຍເດືອນທັນວາ ທີ່ໂຮງໝໍຢູ່ສິງຄະໂປ ບ່ອນທີ່ນາງຖືກສົ່ງໄປປິ່ນປົວ. ພໍ່ຂອງນາງໄດ້ອອກປາກສະໜັບສະໜຸນໃຫ້ແຂນຄໍພວກຜູ້ຊາຍທີ່ກໍ່ເຫດດັ່ງກ່າວ ຖ້າຫາກຖືກສານຕັດສິນວ່າ ກະທໍາຜິດແທ້.
ການສໍາພາດຢູ່ ທີວີ Zee ນັບວ່າເປັນເທື່ອທໍາອິດ ທີ່ແຟນຂອງນາງທີ່ບໍ່ເປີດເຜີຍຊື່ ໄດ້ເວົ້າອອກມາຢ່າງເປີດເຜີຍກ່ຽວກັບເຫດການໂຈມຕີເມື່ອວັນທີ່ 16 ທັນວາຜ່ານມານັ້ນ.
ຕໍາຫຼວດອິນເດຍໄດ້ກ່າວເມື່ອວັນເສົາວານນີ້ເຊ່ນກັນວ່າ ພວກເຂົາເຈົ້າໄດ້ ຍື່ນຟ້ອງທີວີ Zee ຍ້ອນວ່າ ບົດສໍາພາດດັ່ງກ່າວອາດນໍາໄປສູ່ການເປີດເຜີຍຊື່ສຽງລຽງນາມຂອງຍິງທີ່ຖືກຂົ່ມຂືນ ທີ່ຖືວ່າຜິດກົດໝາຍ ທີ່ບໍ່ໃຫ້ເປີດເຜີຍຊື່ຂອງຜູ້ກ່ຽວນັ້ນ.
ແຟນຂອງຍິງສາວຊາວອິນເດຍທີ່ເສຍຊີວິດໄປເມື່ອອາທິດຜ່ານມາ ຍ້ອນບາດແຜທີ່ໄດ້ ຮັບ ຈາກການໂຈມຕີ ໄດ້ບອກອົງການຂ່າວຝຣັ່ງ ແລະໂທລະ ພາບ ຊ່ອງ Zee ຂອງອິນເດຍ ເມື່ອວັນສຸກຜ່ານມານີ້ວ່າ ເວລາຜ່ານໄປ ດົນເຖິງ 25 ນາທີ ຈຶ່ງມີຄົນຢຸດແລະມາຊ່ວຍລາວ ກັບເພື່ອນຂອງລາວ ຫຼັງຈາກພວກເຂົາເຈົ້າຖືກໂຍນຖິ້ມ ໃນສະພາບເປືອຍ ກາຍແລະເລືອດໄຫລຢູ່ແຄມຖະໜົນ ນັ້ນ.
ຊາຍຄົນດັ່ງກ່າວ ທີ່ບໍ່ບອກຊື່ຍ້ອນເຫດຜົນທາງກົດໝາຍ ຍັງເວົ້າອີກວ່າ ເວລາຕໍາຫຼວດໄປເຖິງບ່ອນເກີດເຫດ ພວກເຂົາເຈົ້າກໍຖົກຖຽງກັນຢູ່ດົນເຕີບວ່າ ເຫດການນີ້ເກີດຂຶ້ນເປັນເຂດຮັບຜິດຊອບຂອງໃຜ ແລ້ວກໍພາພວກເຂົາ ເຈົ້າໄປໂຮງໝໍ ທີ່ຢູ່ຫ່າງໄກບ່ອນເກີດເຫດ.
ທ່ານ Vivel Gogia ຜູ້ບັນຊາການຕໍາຫຼວດນີວເດລລີ ກ່າວປ້ອງກັນການຕອບສະໜອງຢ່າງໄວຂອງຕໍາຫຼວດ ໂດຍບອກພວກນັກຂ່າວເມື່ອວັນເສົາວ່າ ຕໍາຫຼວດໄດ້ໃຊ້ເວລາບໍ່ເຖິງເຄິ່ງຊົ່ວໂມງ ໃນການນໍາສົ່ງຄົນທັງສອງໄປໂຮງໝໍ ຫຼັງຈາກໄດ້ຮັບໂທລະສັບຮ້ອງຂໍ ຄວາມຊ່ວຍເຫລືອແລ້ວ.
ທັງສອງຄົນຖືກທຸບຕີດ້ວຍທ່ອນເຫຼັກຢູ່ເທິງລົດເມແລະແມ່ຍິງຖືກຂົ່ມຂືນໝູ່. ທ່ອນເຫຼັກດັ່ງ ກ່າວຖືກໃຊ້ໃນການຂົ່ມຂືນ.
ຍິງສາວທີ່ບໍ່ຖືກລະບຸຊື່ ໄດ້ເສຍຊີວິດເມື່ອວັນເສົາທ້າຍເດືອນທັນວາ ທີ່ໂຮງໝໍຢູ່ສິງຄະໂປ ບ່ອນທີ່ນາງຖືກສົ່ງໄປປິ່ນປົວ. ພໍ່ຂອງນາງໄດ້ອອກປາກສະໜັບສະໜຸນໃຫ້ແຂນຄໍພວກຜູ້ຊາຍທີ່ກໍ່ເຫດດັ່ງກ່າວ ຖ້າຫາກຖືກສານຕັດສິນວ່າ ກະທໍາຜິດແທ້.
ການສໍາພາດຢູ່ ທີວີ Zee ນັບວ່າເປັນເທື່ອທໍາອິດ ທີ່ແຟນຂອງນາງທີ່ບໍ່ເປີດເຜີຍຊື່ ໄດ້ເວົ້າອອກມາຢ່າງເປີດເຜີຍກ່ຽວກັບເຫດການໂຈມຕີເມື່ອວັນທີ່ 16 ທັນວາຜ່ານມານັ້ນ.
ຕໍາຫຼວດອິນເດຍໄດ້ກ່າວເມື່ອວັນເສົາວານນີ້ເຊ່ນກັນວ່າ ພວກເຂົາເຈົ້າໄດ້ ຍື່ນຟ້ອງທີວີ Zee ຍ້ອນວ່າ ບົດສໍາພາດດັ່ງກ່າວອາດນໍາໄປສູ່ການເປີດເຜີຍຊື່ສຽງລຽງນາມຂອງຍິງທີ່ຖືກຂົ່ມຂືນ ທີ່ຖືວ່າຜິດກົດໝາຍ ທີ່ບໍ່ໃຫ້ເປີດເຜີຍຊື່ຂອງຜູ້ກ່ຽວນັ້ນ.
