ນາຍົກລັດຖະມົນຕີຄົນໃໝ່ ຂອງອິນເດຍ ກ່າວວ່າ ຄື້ນຟອງ
ການຂົ່ມຂືນສຳເລົາໄດ້ເຮັດໃຫ້ປະເທດຊາດເປັນທີ່ອັບອາຍ.
ຢູ່ໃນຄໍາ ປາໄສລະຫວ່າງການສະຫລອງວັນເອກກະລາດປະ
ຈຳປີຂອງອິນເດຍທ່ານ Narendra Modi ໄດ້ຮຽກຮ້ອງໃຫ້
ບັນດາຜູ້ປົກຄອງ ພາກັນເອົາຄວາມຮັບຜິດຊອບ ຕໍ່ການປະ
ພຶດຂອງພວກລູກຊາຍເຂົາເຈົ້າ ໂດຍສິດສອນໃຫ້ເຂົາເຈົ້າຮູ້
ເຖິງ “ຄວາມແຕກຕ່າງລະຫວ່າງສິ່ງທີ່ຖືກ ແລະສິ່ງທີ່ຜິດ.”
ທ່ານ Modi ໄດ້ກ່າວຄຳປາໄສຕໍ່ປະເທດຊາດ ຈາກປ້ອມປະ
ຫວັດສາດ Red Fort ທີ່ ນະຄອນນິວເດລີ ໃນວັນຄົບຮອບທີ່
ໄດ້ຮັບເອກກະລາດຈາກອັງກິດ.
ນອກນັ້ນ ນາຍົກລັດຖະມົນຕີອິນເດຍ ຍັງໄດ້ປະກາດກ່ຽວກັບຂໍ້ລິເລີ້ມໃໝ່ເພື່ອປັບປຸງ
ບໍລິການດ້ານການເງິນສຳຫລັບຊາວອິນເດຍ ຜູ້ທີ່ບໍ່ມີບັນຊີເງິນຝາກ ໃນ ທະນາຄານ
ແລະມັກຈະຢູ່ພາຍໃຕ້ຄວາມເມດຕາຂອງບັນດາຜູ້ໃຫ້ການກູ້ຢືມ ທີ່ເກັບຄ່າດອກເບ້ຍ
ເກີນຂອບເຂດ.
ໃນຄຳປາໄສ ການສະຫລອງວັນເອກກະລາດ ຄົບຮອບ 67 ນັ້ນ ນາຍົກລັດຖະມົນຕີ
Modi ກ່າວວ່າ ທ່ານຕ້ອງການຢາກໃຫ້ອິນເດຍກາຍເປັນປະເທດທີ່ຮູ້ຈັກຜະລິດສິນ
ຄ້າຕ່າງໆ ແທນທີ່ຈະຮູ້ແຕ່ນຳເຂົ້າສິນຄ້ານັ້ນ.
.
