ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຳລັງອິນເດຍ ເພີ້ມການຮັກສາ ຄວາມປອດໄພ ຫລັງຈາກ ການໂຈມຕີ


ລົດທະຫານອິນເດຍຄັນໜຶ່ງ ກຳລັງນຳເອົາອຸບປະກອນທະຫານ ໄສສູ່ເມືອງ Pathankot ປະເທດອິນເດຍ ວັນທີ 4 ມັງກອນ 2016.
ລົດທະຫານອິນເດຍຄັນໜຶ່ງ ກຳລັງນຳເອົາອຸບປະກອນທະຫານ ໄສສູ່ເມືອງ Pathankot ປະເທດອິນເດຍ ວັນທີ 4 ມັງກອນ 2016.

ກຳລັງ​ທະຫານ​ອິນ​ເດຍ ​ໄດ້​ຊອກ​ຄົ້ນ​ຫາ ຢູ່​ທີ່ຖານທັບ​ອາກາດ​
ແຫ່ງ​ນຶ່ງ ຢູ່ທີ່​ລັດ Punjab ທາງ​ພາກ​ເໜືອ​ຂອງ​ປະ​ເທດ ​ໃນ​ວັນ
ອັງຄານມື້​ນີ້ ​ກ່ຽວ​ກັບ​ຄວາມ​ເປັນ​ໄດ້​ທີ່​ພວກ​ຄົນ​ຮ້າຍ​ອາດ​ຈະ
​ຫລົບ​ລີ້​ ຫລັງຈາກ​ການ​ໂຈມຕີ​ໃນ​ວັນ​ເສົາ​ທີ່​ຜ່າ​ນມາ ​ໂດຍ​ພວກ​
ມື​ປືນຕິດ​ອາວຸດ​ໜັກ ທີ່​ໄດ້​ສັງຫານເຈົ້າໜ້າ​ທີ່ຮັກສາ​ຄວາມ​ປອດ
​ໄພ​ເຈັດ​ຄົນ.

ບັນດາ​ເຈົ້າໜ້າ​ທີ່​ຮັກສາ​ຄວາມ​ປອດ​ໄພ ກ່າວ​ວ່າ ການ​ຄົ້ນ​ຫາ​ຢູ່່
ທີ່​ຖານ​ທັບ​ຍຸດ​ທະ​ສາດ ​ໃນ​ເມືອງ Pathankot ​ໃກ້​ກັບ​ຊາຍ​ແດນ​
ປາ​ກິ​ສຖານ ຈະ​ດຳ​ເນີນ​ຕໍ່​ໄປຈົນ​ ເຂົາ​ເຈົ້າ​ເປັນ​ທີ່​ແນນ​ອນວ່າ ​ເຂດ
​ດັ່ງ​ກ່າ​ວ​ປອດ​ໄພ​ແລ້ວ. ກຳລັງທະຫານ​ອິນ​ເດຍ​ໄດ້​ສັງຫານ​ຜູ້​ໂຈມ​ຕີ​ຫ້າ​ຄົນ ​ຜູ້ສຸດ​ທ້າ​ຍ​ໃນ​ວັນ​ຈັນ​ວານ​ນີ້ແລະ​ຍັງ​ບໍ່​ທັນ​ເປັນ​ທີ່ແຈ້​ງຂາວ​ເທື່ອ​ວ່າ ​ຍັງ​ມີ​ຄົນຮ້າຍ​ອຶ່ນໆ​ເຫຼືອ​ຢູ່​ອີກຫລື​ບໍ່?

ນາຍພົນ​ຕີ Dushyant Singh ​ເຈົ້າ​ໜ້າ​ທີ່​ສູງ​ສຸດ ຮັກສາຄວາມ​ປອດ​ໄພ​ແຫ່ງ​ຊາດ ກ່າວ
​ໃນ​ວັນ​ຈັນ​ວານ​ນີ້​ວ່າ “ການ​ປະຕິບັດ​ງານ​ທັງ​ໝົດ ຈະ​ດຳ​ເນີນຕໍ່ໄປຈົນ​ກວ່າ​ວ່າບັນດາ​
ພະນັກງານ ຊັບ​ສົມບັດ ສະຖານທີ່​ຕ່າງໆ​ໄດ້​ຖືກ​ກວດ​ຄົ້ນ​ຢ່າງ​ລະອຽດ ​ເພາະສະ​ນັ້ນມັນ​
ຈະ​ໃຊ້​ເວລາ​ດົນນານ ແຕ່​ວ່າ​ພວກ​ເຮົາຢາ​ກ​ໃຫ້ການ​ຄໍ້າປະ ກັນ​ແກ່ທຸກໆ​ຄົນ​ກ່ຽວ​ກັບ​
ເລື້ອງ​ນີ້.”

ບັນ​ດາ​ເຈົ້າ​ໜ້າ​ທີ່​ໄດ້ຊີ້​ໃຫ້​ເຫັນວ່າ ນອກຈາກມີ​ຄຸນ​ສົມບັດ​ທາງ​ຍຸດ​ທະ​ສາດ​ແລ້ວ ຖານ​ທັບ
​ອາກາດ​ແຫ່ງ​ນີ້ ຍັງເປັນ​ບ້ານ​ເຮືອນ​ສຳລັບ​ຫລາ​ຍໆ​ຄອບຄົວ ແລະ​ກໍ​ມີ ໂຮງຮຽນ. ນາຍ​ພົນ
​ໂທ J.S. Dhamoon ກ່າວວ່າ “ເປັນ​ຄື​ດັ່ງ​ເມືອງ​ນ້ອຍໆ​ເມືອງໜຶ່ງ.”

ພັນທະ​ມິດ​ກຸ່ມ​ໜຶ່ງ​ຂອງ​ສິບ​ກວ່າກຸ່ມ​ຫົວ​ຮຸນ​ແຮງທີ່​ມີ​ຊື່ວ່າສະພາແນວ​ໂຮມ Jihad ທີ່​ຕັ້ງ​ຢູ່
ແຄວ້ນ Kashmir ຂອງປາ​ກິ​ສຖານ ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ. ກຸ່ມ
​ດັ່ງກ່າວ​ໄດ້​ສູ້​ລົບ​ເພື່ອເຮັດ​ໃຫ້ການ​ປົກຄອງ​ຂອງອິນ​ເດຍ ຢູ່​ໃນ Kashmir ສິ້ນສຸດ​ລົງ​ນັ້ນ
​ໄດ້​ກ່າວ​ວ່າ ຕົນ​ຕ້ອງການ​ສະ​ແດງ​ໃຫ້​ອິນ​ເດ​ຍ​ເຫັນວ່າ ບໍ່​ມີ​ຖານ​ທັບໃດໆ ທີ່​ຈະ​ລອດພົ້ນ​
ໄປ​ຈາກ​ມືພວກ​ກະບົດ​ໄດ້ແລະ​ອິນ​ເດຍຄວນຈະ​ອະນຸຍາດ​ໃຫ້ຊາວ Kashmir ຕັດສິນ
ໃຈ​ເພື່ອ​ຊີ້ຊະ​ຕາ​ກຳ​ກ່ຽວ​ກັບອະນາຄົດທາງ ການ​ເມືອງ​ຂອງເຂົາ​ເຈົ້າເອງ.

ການ​ອ້າງ​ເອົາ​ຄວາມ​ຮັບຜິດຊອບ ​ໄດ້​ມີ​ຂື້ນ​ຢູ່​ໃນຖະ​ແຫລ​ງ​ການ ທີ່​ນຳ​ອອກເຜີຍ​ແຜ່ໂດຍ
ອົງການ​ຂ່າວທີ່​ມີ​ຫ້ອງການ​ຢູ່​ເມືອງ Srinagar​.

ລາຍ​ງາ​ນຕ່າງໆ​ໃນ​ອິນ​ເດ​ຍ ​ໄດ້ສະ​ເໜີ​ແນະ​ວ່າ ກຸ່ມ Jaish-e-Mohammad ທີ່​ມີ​ຫ້ອງ
ການ​ຢູ່ປາ​ກິ​ສຖານ ເປັນ​ຜູ້​ທຳການ​ໂຈມ​ຕີ​ໃນ​ຄັ້ງນີ້.

INDIA Attacks
please wait
Embed

No media source currently available

0:00 0:01:17 0:00

XS
SM
MD
LG