ຜູ້ນໍາ ສາສະໜາ ຮິນດູ ຫົວຮຸນແຮງຈັດ ເສຍຊີວິດແລ້ວ

ຊາວ​ອິນ​ເດຍຫຼາຍຄົນ​ພາກັນ​ໄປ​ສັ່ງ​ລາ​ອາວ​ອນດ້ວຍ​ຄວາມ​ສະ​ເທືອ​ນ​ໃຈໃນ ວັນ​ອາທິດ​ມື້ນີ້ ຕໍ່​ຜູ້​ນໍາ​ຮິນ​ດູຫົວ​ຮຸນ​ແຮງ​ຈັດ ທີ່​ເປັນ​ຂໍ້​ໂຕ້​ແຍ້​ງກັນ​ນັ້ນ.

ຊາວ​ອິນ​ເດຍຫຼາຍພັນ​ຄົນ ​ໄດ້​ເຕົ້າ​ໂຮມ​ກັນ​ທີ່​ເມືອງ​ມຸມບາຍ ​ເພື່ອໄປຮ່ວມ​ຂະ​ບວນ​ສົ່ງສະ ການ​ຂອງ​ທ່ານ Bal Thackeray ຫົວໜ້າ​ພັກ​ຊາດ​ນິຍົມ Shiv Sena Hindu ຊຶ່ງ​ທ່ານ Thackeray ​ເປັນ​ນັກ​ການ​ເມືອງ​ຫົວ​ແບ່ງ​ແຍກ​ທີ່​ສຸດ​ຄົນ​ນຶ່ງ​ຂອງ​ອິ​ນ​ເດຍ ​ແຕ່​ກໍມີຫຼາຍຄົນ​ຍັງ​ຮັກຫອມ​ທ່ານ​ຢູ່.

ທ່ານ Manmohan Singh ນາຍົກລັດຖະມົນຕີອິນ​ເດຍ ​ໄດ້​ຮ້ອງ​ຂໍ​ໃຫ້ ປະຊາຊົນ​ຢູ່​ໃນ​ຄວາມ​ສະຫງົບ ​ແລະ ຕັ້ງ​ສະຕິ ​ໃນ​ຊ່ວງ​ຂອງ​ການ​ສູນ​ເສຍ ​ແລະ​ການ​ໄວ້ອາໄລ​ນີ້ ສໍາລັບ​ຊາວ​ອິນ​ເດຍທັງຫຼາຍນັ້ນ.

ທ່ານ Thackeray ​ເສຍ​ຊີວິດ​ເມື່ອ​ວັນ​ເສົາ​ວານ​ນີ້ ດ້ວຍໂຣກຫົວ​ໃຈລົ້ມ​ແຫຼວ ລວມອາຍຸ​ໄດ້ 86 ປີ

ອະດີດ​ນັກ​ແຕ້ມ​ຮູບ​ກາ​ຕູນທ່ານ​ນີ້ ​ໄດ້​ກໍ່​ຕັ້ງ​ພັກ Shiv Sena ຫຼືກອງທັບ ພະ Shiva ຂຶ້ນ ມາ​ໃນ​ປີ 1966 ​ເພື່ອ​ປົກປ້ອງ​ສິດທິ​ຂອງ​ປະຊາຊົນ​ທ້ອງ​ຖິ່ນ​ທີ່​ປາກ​ເວົ້າພາສາ Marathi ​ແລະ​ຂັດຂວາງ​ຫ້າມ​ບໍ່​ໃຫ້​ຜູ້​ຄົນ​ທີ່​ມາ​ຈາກ ບ່ອນ​ອື່ນ ​ເຂົ້າ​ໄປ​ໃນ​ລັດ Maharashtra. ນອກ​ນີ້​ແລ້ວ​ກຸ່ມ​ດັ່ງກ່າວ​ຍັງ​ຕໍ່ຕ້ານ​ການ​ແຜ່ແຜາຍ​ຂອງ​ສາສະໜາ​ອີສລາມ ​ແລະ​ຄ່າ​ນິຍົມ​ຂອງ​ຝ່າຍ​ຕາ​ເວັນ​ຕົກນຳ​ດ້ວຍ.