ສານພິເສດແຫ່ງນຶ່ງຂອງອິນເດຍ ໃນວັນພຸດມື້ນີ້ ໄດ້ຮຽກໂຕ
ອະດີດນາຍົກລັດ ຖະມົນຕີ Manmohan Singh ໄປຂຶ້ນສານ
ເພື່ອປະເຊີນໜ້າກັບການກ່າວຫາ ສໍ້ລາດບັງຫຼວງ ທີ່ພົວພັນ
ກັບການຂາຍບໍ່ຖ່ານຫີນ ທີ່ຢູ່ພາຍໃຕ້ລັດຖະບານຂອງທ່ານ.
ຜູ້ພິພາກສາ ໄດ້ສັ່ງໃຫ້ທ່ານ Singh ແລະບຸກຄົນອື່ນໆອີກຫ້າ
ຄົນທີ່ພົວພັນກັບຄະດີດັ່ງກ່າວໄປປາກົດໂຕໃນວັນທີ 8 ເດືອນ
ໜ້ານີ້.
ລັດຖະບານໄດ້ຂາຍບໍ່ຖ່ານຫີນທີ່ແບ່ງອອກເປັນຕອນໆຫຼາຍ
ກວ່າ 200 ຕອນໃນເວລາທີ່ທ່ານເປັນນາຍົກລັດຖະມົນຕີແຕ່
ຜູ້ກວດກາບັນຊີແຫ່ງຊາດຂອງອິນເດຍ ກ່າວວ່າ ໃນປີ2012 ນັ້ນ ໄດ້ມີການມອບສຳປະ ທານໃຫ້ ໂດຍປາດສະຈາກການປະມູນລາຄາ ຂອງລັດຖະບານ ທີ່ໄດ້ສ້າງຄວາມເສຍ
ຫາຍໃຫ້ແກ່ລັດຖະບານ ຫລາຍພັນລ້ານໂດລາ. ສານສູງສຸດໃນປີກາຍນີ້ ໄດ້ຕັດສິນວ່າ
ຂັ້ນຕອນດັ່ງກ່າວແມ່ນຜິດກົດໝາຍ.
ການກ່າວຫາຕ່າງໆເປັນພາກສ່ວນນຶ່ງ ຂອງຂໍ້ກ່າວຫາສໍ້ລາດບັງຫລວງທີ່ພົວພັນກັບລັດ
ຖະບານພາຍໃຕ້ການນຳພາຂອງພັກຄອງແກຣັສໃນເວລາທີ່ທ່ານ Singh ເປັນນາຍົກ
ລັດຖະມົນຕີ ຊຶ່ງຮວມທັງລາຍງານຂອງບັນດາຜູ້ກວດກາບັນຊີທີ່ແຈ້ງໃຫ້ຊາບກ່ຽວກັບ
ການຂາດທຶນ 40 ພັນລ້ານໂດລາ ຈາກການຂາຍໃບອະນຸຍາດ ໂທລະສັບມືຖື ແລະການ
ຮັບສິນບົນທີ່ມີຢ່າງແຜ່ກວ້າງໃນລະຫວ່າງການແຂ່ງຂັນກິລາຂອງກຸ່ມປະເທດເຄືອຈັກກະ
ພົບໃນ ປີ 2010.
ໂຄສົກຂອງພັກຄອງແກຣັສ ທ່ານ Manish Tewari ກ່າວວ່າ “ອະດີດລັດຖະບານ ບໍ່ມີ
ຫຍັງໝົດທີ່ປິດບັງ” ແລະວ່າເຂົາເຈົ້າປະຕິບັດທຸກຢ່າງດ້ວຍຄວາມແຈ້ງຂາວ.
ທ່ານ Singh ໄດ້ເປັນນາຍົກລັດຖະມົນຕີແຕ່ປີ 2004 ຈົນຮອດປີກາຍນີ້. ທ່ານ Narendra
Modi ຈາກພັກ Bharatiya Janata ໄດ້ເຂົ້າຮັບຕຳແໜ່ງ ແທນທ່ານ.
