26 ຄົນ ເສຍຊີວິດ ໃນອຸບັດເຫດ ໄຟໄໝ້ ລົດໄຟ ຢູ່ ອິນເດຍ (ວີດີໂອ)

ເຈົ້າໜ້າທີ່ການລົດໄຟ ໃນພາກໃຕ້ຂອງປະເທດອິນເດຍ ກ່າວວ່າ
ຈຳນວນຜູ້ເສຍຊີວິດ ຍ້ອນໄຟໄໝ້ ຢູ່ເທິງລົດໄຟ ໄດ້ເພີ້ມຂຶ້ນ ເປັນ
26 ຄົນແລ້ວ.

ເຈົ້າໜ້າທີ່ເວົ້າວ່າ ນອກນັ້ນ ຍັງມີອີກຢ່າງໜ້ອຍ 7 ຄົນໄດ້ຮັບບາດ
ເຈັບເວລາໄຟເລີ້ມລຸກໄໝ້ຢູ່ເທິງລົດໄຟຕູ້ນຶ່ງໃນຕອນເຊົ້າຂອງວັນ
ເສົາມື້ນີ້ ທີ່ລັດ Andhra Pradesh.

ເຈົ້າໜ້າທີ່ເວົ້າວ່າ ຜູ້ໂດຍສານສ່ວນໃຫຍ່ ຍັງພາກັນນອນຫລັບຢູ່
ເວລາໄຟເລີ້ມລຸກໄໝ້.

ສາເຫດທີ່ພາໃຫ້ເກີດໄຟໄໝ້ໃນຄັ້ງນີ້ ຍັງບໍ່ທັນເປັນທີ່ຮູ້ກັນເທື່ອ ແຕ່ເຈົ້າໜ້າທີ່ສົງໄສວ່າ ມີ ສາເຫດມາຈາກໄຟຟ້າລັດວົງຈອນ.

ລົດໄຟຂະບວນນີ້ພວມຢູ່ໃນລະຫວ່າງການເດີນທາງແຕ່ບັງກາລໍໄປຫາເມືອງ Nanded ໃນ ລັດ Maharashtra ທາງພາກຕາເວັນຕົກຂອງປະເທດອິນເດຍ.