ເຈົ້າໜ້າທີ່ໃນພາກເໜືອຂອງອິນເດຍກ່າວວ່າລົດໄຟຂະບວນນຶ່ງໄດ້ແລ່ນເຂົ້າຕຳກັບລົດເມຢູ່ທີ່
ທາງຂ້າມທາງລົດໄຟແຫ່ງນຶ່ງ ເຮັດໃຫ້ມີຜູ້ເສຍຊີວິດຢ່າງນ້ອຍ 35 ຄົນ.
ເຈົ້າໜ້າທີ່ເວົ້າວ່າ ອຸບັດຕິເຫດດັ່ງກ່າວໄດ້ເກີດຂຶ້ນໃນວັນພະຫັດມື້ນີ້ທີ່ລັດ Utta Pradresh.
ລົດເມຄັນນັ້ນບັນທຸກຜູ້ໂດຍສານ 80 ຄົນ ທີ່ພວມເດີນທາງກັບຄືນຈາກໄປແຕ່ງງານ.
ນອກນັ້ນຍັງມີອີກຢ່າງນ້ອຍ 30 ຄົນໄດ້ຮັບບາດເຈັບ.
ອຸບັດຕິເຫດທາງລົດໄຟແມ່ນຖືເປັນເລື່ອງທຳມະດາຢູ່ໃນອິນເດຍແລະມັກມີການຖິ້ມໂທດໃສ່
ການບໍາລຸງຫລືສ້ອມແປງທີ່ບໍ່ດີ.
ມີຫຼາຍກວ່າ 14 ລ້ານຄົນ ຊົມໃຊ້ລະບົບລົດໄຟຂອງອິນເດຍ ໃນແຕ່ລະມື້.
