ລິ້ງ ສຳຫລັບເຂົ້າຫາ

ອິນເດຍ ກ່າວຫາ ກຳລັງປາກິສຖານ ສັງຫານ ທະຫານ ຂອງຕົນ 2 ຄົນ


ທະຫານ​ອິນ​ເດຍ ​ໄດ້​ກ່າວ​ຫາ​ກອງ​ກຳລັງ​ປາ​ກິ​ສຖານ ​ໃນ​ການສັງຫານ ທະຫານ​ຂອງ​ຕົນ
​2 ຄົນ ພ້ອມ​ທັງ​ຕັດ​ຕົນ​ໂຕຂອງ​ພວກ​ເຂົາ​ເຈົ້າ ​ຕາມເຂດຊາຍ​ແດນ ​ໃນ​ແຄວ້ນ Kashmir
ທີ່​ມີບັນຫາ​ໂຕ້​ແຍ້​ງກັນ​ນັ້ນ.

ອິນ​ເດ​ຍ​ ໄດ້​ປະຕິຍານ​ວ່າ ຈະຕອບ​ໂຕ້​ຄືນ ກ່ຽວ​ກັບ​ເຫດ​ຮ້າຍ​ນີ້ ຊຶ່ງ​ຈະ​ເພີ່ມ​ຄວາມ​ເຄັ່ງ​ຕຶງ​
ຂຶ້ນ ​ລະຫວ່າງສອງ​ປະ​ເທດ​ເອ​ເຊຍ​ໃຕ້ ທີ່​ສາຍ​ພົວພັນ​ແມ່ນ​ເຖິງ​ຈຸດຕ່ຳ​ສຸດ​ ​ໃນ​ໄລຍະ​ສອງ​
ສາມເດືອນ ຜ່ານ​ມາ​ນີ້.

ກອງທັບ​ອິນ​ເດຍ ​ໄດ້​ກ່າວວ່າ ພວກ​ທັງ​ຫານ ​ໄດ້​ຖຶກສັງຫານ ​ໃນ​ຂະນະ​ທີ່​ລາດຕະ​ເວນ ​
ເວລາ​ກອງ​ກຳລັງ​ຂອງ​ປາ​ກິ​ສຖານ ​ໄດ້​ຍິງຈະ​ຫຼວດ​ແລະ​ປືນ​ຄົກ​ໃສ່​ທະ​ຫານອິນ​ເດຍ​ 2​
ຄົນ ທີ່​ພວມປະຕິບັດ​ໜ້າ​ທີ່ ໃນ​ເຂດ​ເມືອງ Krishna Ghati ​ໃນ​ວັນ​ຈັນ​ວານ​ນີ້.

ລາຍ​ງານ​ຂອງ​ກອງທັບອິ​ນ​ເດຍ ແຈ້ງວ່າ “ນີ້​ແມ່ນ​ການ​ກະທຳ ແບບ​ບໍ່​ແມ່ນ​ທະຫານ​
ເລີຍ”
ຄືຮ່າງກາຍ​ຂອງ​ພວກ​ທະຫານ​ທັງ​ສອງ​ ​ແມ່ນ​ຖືກ​ຕັດ​ອອກ​ເປັນ​ຕ່ອນ. ນອກ​ນັ້ນ
ກອງທັບ​ຍັງໄດ້​ກ່າວ​ອີກ​ວ່າ “ການ​ກະທຳ​ທີ່​ໂຫດຮ້າຍ​ຂອງ​ກອງ​ກຳລັງ​ປາ​ກີ​ສຖານ​ນີ້
ຈະໄດ້​ຮັບ​ການ​ຕອບ​ໂຕ້​ທີ່​ເໝາະ​ສົມ.”

​ກອງທັບປາ​ກີ​ສຖານ ​ໄດ້​ປະຕິ​ເສດ ​ຕໍ່​ການ​ກ່າວ​ຫາ​ຂອງອິນ​ເດຍ ທີ່​ວ່າ ​ໄດ້ຕັດ​ສົບ​ຂອງ
​ພວກ​ທະຫານອອກ​ເປັນ​ຕ່ອນໆ​ນັ້ນແລະ​ເອີ້ນ​ລາຍ​ງານ​ນີ້​ວ່າ ​“ບໍ່​ຖືກຕ້ອງ” ​ແລະ​ໄດ້​ກ່າວ​
ວ່າ ຕົນບໍ່​ໄດ້​ລະ​ເມີດ​ຕໍ່​ການ​ຢຸດ​ຍິງ​ໃດໆ.

ນີ້​ບໍ່​ແມ່ນ​ຄັ້ງ​ທຳ​ອິດ ທີ່​ກອງທັບ​ອິນ​ເດຍ ​ໄດ້​ກ່າວ​ຫາ​ພວກ​ທະຫານ​ປາ​ກິ​ສຖານ ທີ່​ຂ້າ​ຕັດ​
ສົບອອກ​ເປັນ​ຕ່ອນ ຊຶ່ງ​ມີ​ຄວາມຮ້າຍ​ແຮງ ​ເກືອບ​ວ່າ​ໃນ​ລະດັບ​ດຽວ​ກັນ​ທີ່​ໄດ້​ກ່າວ​ຫາ​ໃນ
​ເດືອ​ນ​ພະຈິກຜ່ານ​ມາ​ນີ້.

ທະຫານອິນເດຍ ລາດຕະເວນ ໃນຄ້າຍທະຫານ ທີ່ໂຈມຕີໂດຍພວກຕ້ອງສົງໄສ ໃນ Uri, ຂົງເຂດ Kashmir ທີ່ຄວມຄຸມໂດຍອິນເດຍ, 19 ກັນຍາ, 2016.
ທະຫານອິນເດຍ ລາດຕະເວນ ໃນຄ້າຍທະຫານ ທີ່ໂຈມຕີໂດຍພວກຕ້ອງສົງໄສ ໃນ Uri, ຂົງເຂດ Kashmir ທີ່ຄວມຄຸມໂດຍອິນເດຍ, 19 ກັນຍາ, 2016.

ການ​ໂຈມ​ຕີ​ຂ້າມ​ຊາຍ​ແດນ ທີ່​ຍັງ​ຜົນ​ໃຫ້ທະຫານ ​ແລະ​ພົນລະ​ເຮືອນ​ທັງ​ສອງ​ຝ່າຍເສຍ
​ຊີວິດ ​ເຮັດ​ໃຫ້ຄວາມ​ເຄັ່ງ​ຕຶງ​ເພີ່​ມ​ຂຶ້ນ ຕາມ​ຊາຍແດນ​ແຄວ້ນ Kashmir ນັບ​ຕັ້ງ​ແຕ່​ເດືອນ​
ກັນຍາປີ​ກາຍ​ນີ້​ເປັນຕົ້ນມາ ບ່ອນ​ທີ່ສາຍ​ພົວພັນ ຊຸດໂຊມລົງ ຫຼັງ​ຈາກ​ທີ່​ໄດ້​ມີ​ການ​ໂຈມ​ຕີ
ຄ້າຍ​ທະຫານ​ອິນ​ເດຍ ທີ່​ໄດ້​ສັງຫານ​ທະຫານ 17 ຄົນ​ນັ້ນ. ທັງ​ສອງ​ຝ່າຍ​ຕ່າງ​ກໍ​ຖິ້ມ​ໂທດ​
ໃສ່​ອີກ​ຝ່າຍ ທີ່ທຳ​ການ​ໂຈມ​ຕີ​ຄັ້ງ​ນີ້.

ຊາຍ​ແດນ​ທີ່​ວ່າ​ນີ້ ບໍ່ພຽງ​ແຕ່​ເປັນ​ເຂດ​ຊາຍ​ແດນ ​ທີ່​ມີ​ການ​ຄຸ້ມ​ກັນ​ທາງ​ທະຫານ​ ທີ່​ໜາ
ແໜ້ນ ທີ່​ແບ່ງ​ແຍກ​ເຂດ​ຊາຍ​ແດນ​ໃນ​ແຄວ້ນ Kashmir ລະຫວ່າງ​ສອງ​ປະ​ເທດ ທີມີ​
ການ​ປະ​ທະ​ກັນ​ເລື້ອຍໆ ຄວາມ​ຮຸນ​ແຮງຍັງ​ໄດ້​ເພີ່ມ​ຂຶ້ນ​ໃນແຄວ້ນ Kashmir ຂອງ​ອິນ
​ເດຍ ບ່ອນ​ທີ່​ New Delhi ພວມ​ຮັບ​ມື​ກັບ​ການ​ປະ​ທ້ວງທີ່ເພີ່ມທະວີ​ຂຶ້ນ ​ຕາມ​ທ້ອງ​ຖະ
ໜົນ​ຫົນທາງ​ຕໍ່ຕ້ານ​ອິນ​ເດຍ ​ແລະ​ການ​ໂຈມ​ຕີ​ຂອງ​ພວກ​ຫົວ​ຮຸນ​ແຮງ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG