ນຶ່ງອາທິດຫຼັງຈາກມີການຈາລະຈົນຢູ່ທົ່ວໝູ່ບ້ານໃນເຂດນະຄອນຫຼວງອິນເດຍ ພວກຜູ້ຊາຍພາກັນຄົ້ນຫາຢູ່ຕາມລົດຈັກ ທີ່ຖືກໄຟໄໝ້ເພື່ອຊອກເກັບເອົາທຸກສິ່ງຢ່າງນຳໄປຂາຍ ແລະມຸສລິມກຸ່ມນຶ່ງພາກັນນັ່ງແບບໝົດຄວາມຫວັງຢູ່ນອກຮ້ານ ຂາຍລົດຈັກສາມລໍ້ທີ່ຖືກໄຟໄໝ້ ໃນຂະນະທີ່ເຮືອນຊານຫຼາຍສິບຫຼັງຢູ່ແຖວໃນ ເປົ່າຫວ່າງໃນຂະນະທີ່ຊາວມຸສລິມພາກັນຫລົບໜີດ້ວຍຄວາມຢ້ານກົວ. ທຸກໆບໍ່ເທົ່າໃດແມັດ ພວກທະຫານບ້ານພາກັນຢືນຍາມຢູ່ຕາມຖະໜົນໃຫຍ່ສຳຄັນທີ່ແລ່ນເຂົ້າສູ່ບ່ອນມີປະຊາຊົນໜ້າແໜ້ນໃນເຂດຊົນຊັ້ນອອກແຮງງານ.
“ບັນດາຮ້ານຄ້າຂອງພວກເຮົາໄດ້ເປັນເປົ້າໝາຍ ໃນຂະນະທີ່ແຫ່ງອື່ນໆບໍ່ຖືກແຕະຕ້ອງ. ພວກເຮົາພາກັນແລ່ນໜີເພື່ອຮັກສາຊີວິດຂອງພວກເຮົາ” ທີ່ທ່ານແຣັສ ອາເມັດ ກ່າວ ເຈົ້າຂອງຮ້ານຂາຍລົດຈັກສາມລໍ້ ໃນຂະນະທີ່ລາວເບິ່ງວີດີໂອ ທີ່ສະແດງໃຫ້ເຫັນພວກຈາລາຈົນພາກັນແລ່ນເລາະຕາມຖະໜົນຮ້ອງໂຮວ່າ “ໃຈ ສຣີ ຣາມ” ຊຶ່ງແປວ່າ “ພະເຈົ້າຣາມາຮິນດູຈົ່ງປົກປັກຮັກສາ” ບັດນີ້ເປັນຄຳຂວັນແຫ່ງຊາດຂອງຮິນດູ.
ຊາວມຸສລິມຫຼາຍຮ້ອຍຄົນພາກັນຫລົບໜີຈາກບ້ານເຮືອນເຂົາເຈົ້າຢູ່ໃນຄວາມວຸ້ນວາຍທີ່ຮ້າຍແຮງສຸດໃນຫຼາຍທົດສະວັດຂອງຊາວຮິນດູ-ມຸສລິມ ໃນນະຄອນຫຼວງອິນເດຍ ທີ່ໄດ້ຖືກລົບກວນ ໃນຂະນະທີ່ລັດຖະບານຂອງ ນາຍົກລັດຖະມົນຕີ ທ່ານນາເຣັນດາ ໂມດີ ໄດ້ປະຕິບັດໄປໜ້າກັບອັນທີ່ພວກຕຳນິຮ້ອງ ວ່າເປັນລາຍການຂອງຊາວຮີນດູກ່ອນ.
ໃນຂະນະທີ່ພວກຈາລາຈົນພາກັນຖືຖ່ອນເຫລັກ ກ້ອນຫີນ ແລະລະເບີດນ້ຳມັນ ທີ່ ກໍ່ໃຫ້ເກີດຄວາມຮຸນແຮງ ໄດ້ອ້າງເອົາຊີວິດຢ່າງໜ້ອຍ 46 ຄົນ ການໂຈມຕີທີ່ຮ້າຍແຮງປາກົດວ່າໄດ້ເກີດຈາກຊາວມຸສລິມ ເຖິງແມ່ນວ່າທັງສອງຝ່າຍໄດ້ຮັບຄວາມເສຍຫາຍເຖິງຕາຍທີ່ຕິດຕາມມາ. ພວກຜູ້ຊາຍທີ່ໄດ້ຮັບບາດເຈັບກ່າວເຖິງການຖືກທຸບຕີຈາກພວກຈາລາຈົນຮິນດູ ບາງຄັ້ງຕຳຫຼວດພຽງແຕ່ເບິ່ງຢູ່ເທົ່ານັ້ນ. ຊາຍໜຸ່ມຮິນດູຄົນນຶ່ງທີ່ເຮັດວຽກໃຫ້ແກ່ຫ້ອງການສຶບລັບ ທີ່ເປັນຫ້ອງການສືບລັບທ້ອງຖິ່ນ ຜູ້ທີ່ໄດ້ຖືກແທງຊ້ຳແລ້ວຊ້ຳອີກທີ່ຮ່ວມຢູ່ໃນບັນດາຜູ້ເຄາະຮ້າຍ.
