ອິນເດຍໄດ້ໂຕ້ແຍ້ງຢ່າງແຮງຕໍ່ຂໍ້ກ່າວຫາ ໂດຍຄະນະກຳມາທິການສະຫະລັດທີ່ວ່າເສລີ ພາບທາງສາສະໜາຢູ່ໃນອິນເດຍກຳລັງຢູ່ “ເສັ້ນໂຄຈອນໄປສູ່ທາງລົບ”.
ຄະນະກຳມາທິການສະຫະລັດ ຮັບຜິດຊອບກ່ຽວກັບສິດເສລີພາບດ້ານສາສະໜາສາກົນ ຫຼື USCIRF ຫວ່າງມໍ່ໆມານີ້ ໄດ້ພິມເຜີຍແຜ່ລາຍງານກ່າວວ່າ “ການໂຍະຍານຜ່ອນຜັນ ທາງສາສະໜາໄດ້ຊຸດໂຊມລົງແລະການລະເມີດສິດເສລີພາບທາງສາສະໜາໄດ້ເພີ້ມຂຶ້ນ ໃນອິນເດຍ” ໃນປີ 2015.
ກະຊວງຕ່າງປະເທດອິນເດຍກ່າວວ່າ ຕົນຈະບໍ່ໃຫ້ຂໍ້ຄິດເຫັນໃດໆກ່ຽວກັບລາຍງານ ທີ່ ກະຊວງຕ່າງປະເທດກ່າວວ່າ “ບໍ່ໄດ້ສະແດງໃຫ້ເຫັນ ໃນການເຂົ້າໃຈຢ່າງຖືກຕ້ອງ ກ່ຽວ ກັບອິນເດຍ ປະຊາຄົມ ແລະລັດຖະທຳມະນູນຂອງປະເທດ.”
ໂຄສົກກະຊວງຕ່າງປະເທດອິນເດຍທ່ານ Vikas Swarup ກ່າວວ່າ “ອິນເດຍ ປະກອບ ດ້ວຍຫລາຍປະຊາຄົມທີ່ສຳຄັນ ສ້າງຕັ້ງຂຶ້ນມາຕາມຫລັກການປະຊາທິປະໄຕ. ລັດຖະທຳ ມະນູນອິນເດຍ ຄໍ້າປະກັນຕໍ່ສິດທິພື້ນຖານຕໍ່ປະຊາຊົນຂອງຕົນທຸກໆຄົນ ຮວມທັງສິດ ເສລີພາບທາງສາສະໜາ.”
ລາຍງານຂອງອົງການ USICRF ໄດ້ກ່າວວ່າ ປະຊາຄົມກຸ່ມນ້ອຍຂອງອິນເດຍ ໂດຍສະ ເພາະຊາວຄຣິສ ມຸສລິມ ແລະຊິກ ໄດ້ມີປະສົບການຂົ່ມຂູ່ຈຳນວນນຶ່ງ ການຮາວີລົບກວນ ແລະຄວາມຮຸນແຮງ ສ່ວນໃຫຍ່ແລ້ວແມ່ນເປັນນ້ຳມືຂອງຊາວ ຮິນດູຊາດນິຍົມ.
ລາຍງານໄດ້ກ່າວຫາບັນດາສະມາຊິກຂອງພັກ Bharatiya Janata ຊຶ່ງເປັນພັກລັດຖະ ບານວ່າ ໃຫ້ການສະໜັບສະໜູນແບບງຽບໆຕໍ່ກຸ່ມຫົວຊາດນິຍົມເຫຼົ່ານັ້ນ ແລະໃຊ້ຄຳເວົ້າ ທີ່ແບ່ງແຍກທາງສາສະໜາເພື່ອສ້າງຄວາມເຄັ່ງຕືງເພີ້ມຂຶ້ນ.
ອ່ານຂ່າວນີ້ເພີ້ມເປັນພາສາອັງກິດ
