ລິ້ງ ສຳຫລັບເຂົ້າຫາ

ວັນສຸກ, ໒໑ ມິຖຸນາ ໒໐໒໔

ແມ່ຍິງອິນເດຍ ທີ່ຖືກຂົ່ມຂືນ ມີອາການໜັກ (ສະໄລດ໌)


ໂຮງໝໍ Mount Elizabeth ບ່ອນທີ່ແມ່ຍິງຊາວອິນເດຍ ທີ່ຖືກຂົ່ມຂືນແບບລຽນຄິວ ພວມຮັບການພະຍາບານ ທີ່ສິງກະໂປ (27 ທັນວາ 2012)
ໂຮງໝໍ Mount Elizabeth ບ່ອນທີ່ແມ່ຍິງຊາວອິນເດຍ ທີ່ຖືກຂົ່ມຂືນແບບລຽນຄິວ ພວມຮັບການພະຍາບານ ທີ່ສິງກະໂປ (27 ທັນວາ 2012)
ໂຮງໝໍແຫ່ງນຶ່ງຂອງສິງກະໂປທີ່ກຳລັງປິ່ນປົວພະຍາບານນັກສຶກ
ສາອິນເດຍທີ່ ຖືກລຽນຄິວຢ່າງໂຫດຮ້າຍຢູ່ນະຄອນຫຼວງນິວເດລີ
ເມື່ອຕົ້ນເດືອນນີ້ກ່າວວ່າ ແມ່ຍິງຄົນນີ້ກຳລັງຕໍ່ສູ້ເພື່ອໃຫ້ມີຊີວິດຢູ່
ລອດ ແລະສະໝອງຂອງນາງ ກໍໄດ້ຮັບ ຄວາມກະທົບກະເທືອນ
ໜັກສົມຄວນ.

ທ່ານ Kelvin Loh ປະທານຄະນະບໍລິຫານຂອງໂຮງໝໍ Mount
Elizabeth ກ່າວໃນວັນສຸກ ມື້ນີ້ວ່າ ນອກຈາກສະໝອງໄດ້ຮັບ ຄວາມກະທົບກະເທືອນແລ້ວ ຜູ້ເຄາະຮ້າຍອາຍຸ 23 ປີຄົນນີ້ ຍັງ
ໄດ້ຕົກຢູ່ໃນພາວະຫົວໃຈຢຸດເຕັ້ນຢູ່ທີ່ອິນເດຍບ່ອນທີ່ນາງໄດ້ຮັບ
ການຜ້າຕັດທ້ອງ 3 ຄັ້ງ. ທ່ານເວົ້າວ່າ ນອກນັ້ນ ປອດຂອງນາງ
ຍັງໄດ້ເກີດອາການຕິດເຊື້ອແລະທ້ອງຂອງນາງກໍໄດ້ຕໍ່ສູ້ດີ້ນຮົນ
ສຸດຂີດ.

ທ່ານ Loh ເວົ້າວ່າ ແມ່ຍິງຄົນນີ້ຖືກສົ່ງໄປເຖິງໂຮງໝໍ Mount Elizabeth ໃນຕອນເຊົ້າ ຂອງວັນພະຫັດວານນີ້ ໂດຍທີ່ນາງມີອາການໜັກຫຼາຍ.

ນັກສຶກສາອິນເດຍຄົນນີ້ ໄດ້ເດີນທາງ ໄປນຳລົດເມຮັບເໝົາຄັນນຶ່ງ ເມື່ອວັນທີ 16 ທັນວາ ຜ່ານມາ ເວລາພວກຜູ້ຊາຍກຸ່ມນຶ່ງທີ່ຢູ່ເທິງລົດເມໄດ້ຂົ່ມຂືນແລະທຸບຕີນາງດ້ວຍທ່ອນເຫຼັກ ແລະຫຼັງຈາກນັ້ນກໍໂຍນນາງອອກຈາກລົດເມ.

ຕຳຫຼວດໄດ້ຈັບຜູ້ຕ້ອງສົງໄສ 6 ຄົນ ທີ່ຖືກກ່າວຫາວ່າ ຂົ່ມຂືນ ແລະພະຍາຍາມຂ້າຄົນ.

XS
SM
MD
LG