ເຈົ້າໜ້າທີ່ອິນເດຍກ່າວວ່າ ຫຼາຍກວ່າ 32 ຄົນ ເສຍຊີວິດ ແລະມີຫຼາຍກວ່າ 22 ຄົນຖືກ
ໄຟໄໝ້ ຫຼັງຈາກທີ່ເກີດໄຟໄໝ້ໃນລົດໄຟໂດຍສານຂະບວນນຶ່ງ ທາງພາກໃຕ້ຂອງອິນເດຍ.
ໄຟໄດ້ລຸກໄໝ້ຂຶ້ນໃນຕູ້ລົດໄຟໂດຍສານທາງໄກ ຈາກນະຄອນຫລວງ New Delhi
ໄປຍັງເມືອງ Chennai ໃນເຊົ້າວັນຈັນມື້ນີ້ ໃນຊົ່ວໂມງທີ່ຜູ້ໂດຍສານກໍາລັງນອນຫລັບຢູ່ນັ້ນ.
ເຈົ້າໜ້າທີ່ຢູ່ສະຖານີລົດໄຟແຫ່ງນຶ່ງ ໄດ້ສັງເກດເຫັນໄຟໄໝ້ ເວລາລົດໄຟຂະບວນນັ້ນແລ່ນ
ຜ່ານສະຖານີໄປ. ລົດໄຟໄດ້ໄປຢຸດລົງ ທີ່ເມືອງ Nellore ຂອງລັດ Andhra Pradesh
ແລະຕູ້ລົດໄຟທີ່ເກີດໄຟໄໝ້ ໄດ້ຖືກແຍກອອກ ເພື່ອບໍ່ໃຫ້ໄຟໄໝ້ລຸກລາມໄປສູ່ຕູ້ອື່ນ.
ສາເຫດທີ່ແທ້ຈິງຂອງໄຟໄໝ້ຄັ້ງນີ້ ຍັງບໍ່ທັນຮູ້ເທື່ອ, ແຕ່ວ່າບັນດາເຈົ້າໜ້າທີ່ສັນນິຖານວ່າ
ມັນເກີດຈາກລະບົບໄຟຟ້າຊ໊ອດ.
