ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ນາຍົກລັດຖະມົນຕີ ອິນເດຍ ສັບຊ້ອນ ຄະນະລັດຖະບານ


ຄະນະລັດຖະມົນຕີໃໝ່ຂອງອິນເດຍ ສົນທະນາກັນ ໃນພິທີສາບານໂຕເຂົ້າຮັບຕໍາແໜ່ງ ຢູ່ນະຄອນຫລວງ ນິວ ແດລລີ, ວັນທີ 28 ຕຸລາ 2012.
ຄະນະລັດຖະມົນຕີໃໝ່ຂອງອິນເດຍ ສົນທະນາກັນ ໃນພິທີສາບານໂຕເຂົ້າຮັບຕໍາແໜ່ງ ຢູ່ນະຄອນຫລວງ ນິວ ແດລລີ, ວັນທີ 28 ຕຸລາ 2012.
ນາຍົກລັດຖະມົນຕີອິນ​ເດຍ ທ່ານ Manmohan Singh ​ໄດ້
ສັບ​ຊ້ອນ ຄະນະ​ລັດຖະບານ​ຂອງ​ທ່ານ ​ໃນ​ວັນ​ອາທິດວານ​ນີ້
ໃນ​ຄວາມ​ພະຍາຍາມ ເພື່ອ​ປັບປຸງ​ພາບ​ພົດ​ຂອງ​ລັດຖະບານ
ຂອງ​ທ່ານ​ ກ່ອນໜ້າການ​ເລືອກຕັ້ງ​ທົ່ວ​ໄປ​ ໃນ​ປີ 2014.

ຄະນະ​ລັດຖະບານຊຸດ​ໃໝ່ ແມ່ນ​ມີ​ສະມາຊິກ​ທີ່​ເປັນ​ຄົນ​ໜຸ່ມ​
ຫລາຍ​ຂຶ້ນ ຫລັງ​ຈາກລັດຖະມົນຕີ​ອາວຸໂສ​ຫລາຍ​ທ່ານ​ ໄດ້
​ລາ​ອອກ​ ຊຶ່ງເປັນ​ການແປງ​ທາງເລື່ອນ​ຊັ້ນ ໃຫ້​ແກ່​ບັນດາ​ລັດ
ຖະມົນຕີ​ລຸ້ນໜຸ່ມທັງຫລາຍ.

​ການ​ປ່ຽນ​ແປງ​ດັ່ງກ່າວ​ນີ້ໄດ້​ມີ​ຂຶ້ນ​ ໃນ​ຂະນະ​ທີ່ພັກລັດຖະສະພາ
ຫລື​ Congress ​ຂອງທ່ານ Singh ພະຍາຍາມ​ຫາ​ສຽງ​ສະໜັບ
ສະໜູນ​ໃໝ່ທາງ​ການ​ເມືອງ. ​ໃນ​ເດືອນ​ແລ້ວ​ນີ້ ​ພັກ​ຂອງ​ທ່ານໄດ້​
ສູນເສຍ​ພັນ​ທະ​ມິດ​ທີ່​ສໍາຄັນ ຂອງ​ລັດຖະບານ​ປະສົມ​ໄປ ຫລັງ​ຈາກ​ໄດ້​ຮັບຮອງ​ເອົານະ​ໂຍ​
ບາຍເສດຖະກິດທີ່ບໍ່ໄດ້​ຮັບ​ຄວາມ​ນິຍົມ ສອງ​ຢ່າງ: ຄື ອະນຸ​ຍາດ ໃຫ້​ເຄືອ​ຂ່າຍຕະຫລາດ​ໃຫຍ່ ຫລື​ Supermaket ຂອງ​ຕ່າງປະ​ເທດ ມີ​ສາ​ຂາ​ຢູ່​ໃນອິນ​ເດຍ ​ແລະ​ການ​ຂື້ນ​ລາຄາ​ນໍ້າມັນກາ​ຊວນຢ່າງ​ຫລວງຫລາຍ​ ຊຶ່ງ​ໄດ້​ສົ່ງ​ຜົນ​ໃຫ້ລັດຖະບານ​ ​ກາຍ​ມາ​ເປັນພັກສຽງ ສ່ວນ​ນ້ອຍ​ຢູ່​ໃນ​ສະພາ​ໄປ.

ນອກຈາກ​ນັ້ນ​ແລ້​ວ ພັກ Congress ຍັງ​ໄດ້​ປະ​ເຊີນ​ກັບການ​ກ່າວ​ຫາ ຖານ​ສໍ້​ລາດ​ບັງ​ຫລວງ​ຢ່າງ​ໃຫຍ່ ​ໃນ​ໄລຍະ​ສອງ​ສາມ​ປີ​ທີ່​ຜ່ານ​ມາ. ລາຍ​ງານ​ກວດກາ​ລາຍ​ຮັບ​ລາຍ​ຈ່າຍແຫ່ງຊາດ
ສະບັບ​ນຶ່ງ​ ​ອ້າງ​ວ່າ ລັດຖະບານໄດ້ຂາຍ​ບໍ່ຖ່ານ​ຫີນ ​ໃຫ້​ແກ່​ບັນດາບໍລິ​ສັດເອກ​ກະ​ຊົນ ​ໂດຍບໍ່
​ມີ​ຄວາມ​ໂປ່​ງ​ໃສ ​ແລະ​ບໍ່ມີ​ການປະມູນແຂ່ງຂັນກັນ​ໃນລະຫວ່າງ​ປີ 2004 ​ແລະ 2009 ທີ່ເປັນ
​ເຫດ​ໃຫ້ລັດຖະບານເສຍລາຍ​ຮັບໄ​ປ ປະມານ 34 ພັນ​ລ້ານ​ໂດ​ລາ.
XS
SM
MD
LG