ທະຫານປາກິສຖານສາມຄົນໄດ້ເສຍຊີວິດ ໃນການຍິງປືນໃຫຽ່ຖະຫລົ່ມມາຈາກອິນ
ເດຍໃນວັນຈັນວານນີ້ທີ່ຂົງເຂດແຄສເມຍ ທີ່ມີການຜິດຖຽງກັນນັ້ນ.
ກອງທັບປາກິສຖານກ່າວໃນວັນອັງຄານມື້ນີ້ວ່າ “ມີການຝ່າຝືນການຢຸດຍິງທີ່ບໍ່ໄດ້ມີການເກາະຜິດ” ທີ່ນຳໄປສູ່ການຍິງໃສ່ກັນ. ເຖິງຢ່າງໃດກໍດີ ອິນເດຍ ກໍອ້າງວ່າ ກຳ
ລັງຂອງຕົນໄດ້ຍິງໃສ່ປ້ອມຍາມ ຫລັງຈາກທະການຂອງຕົນໄດ້ເປັນເປົ້າໝາຍຂອງຝ່າຍ
ປາກິສຖານ.
ບໍ່ມີທະຫານອິນເດຍຄົນໃດເສຍຊີວິດໃນເຫດການມື້ວານນີ້ ແຕ່ວ່າໃນວັນເສົາທີ່ຜ່ານ
ມາ ທະຫານອິນເດຍສີ່ຄົນໄດ້ເສຍຊີວິດຍ້ອນການຍິງຂອງປະກິສຖານ ຢູ່ເຂດອື່ນຢູ່
ຕາມອັນທີ່ຮ້ອງວ່າ ເສັ້ນຄວບຄຸມແບ່ງແຍກສອງຝ່າຍ ຢູ່ໃນຂົງເຂດທີ່ໂຕ້ແຍ້ງກັນ.
ເຈົ້າໜ້າທີ່ຕຳຫລວດກ່າວໃນວັນອັງຄານມື້ນີ້ວ່າ ໃນວັນຈັນເຊັ່ນກັນ ກຳລັງຂອງອິນເດຍ
ໄດ້ສັງຫານຜູ້ນຳທະຫານບ້ານຄົນນຶ່ງ ໃກ້ກັບເມືອງສຣີນາກາຂອງແຄສເມຍ. ທ່ານນໍຣ
ໂມຫາໝາດ ທັນເທຣ ຜູ້ນຳຂອງກຸ່ມໃຈ ອີ ໂມຫາໝາດ ໄດ້ເສຍຊີວິດຫລັງຈາກການສູ້
ລົບກັນໃນຕອນຂ້າມຄືນກັບ ເຈົ້າໜ້າທີ່ຕຳຫລວດ ຢູ່ເຮືອນຫລັງນຶ່ງນອກຊານເມືອງ.
ອ່ານຂ່າວນີ້ເພີ້ມເປັນພາສາອັງກິດ
