ຝົນຕົກໜັກ ໃນລະດູມໍຣະສຸມ ແລະໄພນ້ຳຖ້ວມທີ່ຮ້າຍແຮງ
ໃນຮອບຫຼາຍໆທົດສະວັດໄດ້ເຮັດໃຫ້ມີຜູ້ເສຍຊີວິດຈຳນວນ
ນຶ່ງ ໃນພາກເໜືອຂອງອິນເດຍ ແລະປາກິສຖານ.
ຢ່າງໜ້ອຍມີ 65 ຄົນໄດ້ເສຍຊີວິດ ແລະອີກຈຳນວນຫລວງ
ຫລາຍ ຍັງຫາຍສາບສູນ ຫລັງຈາກຝົນຕົກໜັກ ໄດ້ຖ້ວມໝູ່
ບ້ານຕ່າງໆໃນແຄວ້ນແຄັສເມຍສ່ວນທີ່ຢູ່ພາຍໃຕ້ການຄວບ
ຄຸມຂອງອິນເດຍ.
ພວກທະຫານອິນເດຍໄດ້ເລີ້ມທຳການປະຕິບັດງານໃຫ້ຄວາມ
ຊ່ວຍເຫຼືອໃນທັນທີ. ເຈົ້າໜ້າທີ່ທະຫານກ່າວວ່າ ເຂົາເຈົ້າໄດ້ໃຫ້ການຊ່ວຍເຫຼືອແກ່ພົນລະເຮືອນຫຼາຍກວ່າ 100 ຄົນ.
ນ້ຳຖ້ວມ ແຄວ້ນແຄັສເມຍ
ໃນຂະນະດຽວກັນ ຢູ່ໃນປາກິສຖານ ແລະໃນແຄວ້ນແຄັສເມຍ ສ່ວນທີ່ຢູ່ພາຍໃຕ້ການ
ຄວບຄຸມຂອງປາກິສຖານນັ້ນ ໄພນໍ້າຖ້ວມໄດ້ເຮັດໃຫ້ຢ່າງໜ້ອຍ 60 ຄົນເສຍຊີວິດ. ສ່ວນ
ໃຫຍ່ແມ່ນຍ້ອນຫລັງຄາເຮືອນຫັກພັງລົງມາທັບ ແລະສາຍໄຟຟ້າ ທີ່ຂາດລົງມາຍ້ອນ
ລົມພາຍຸໃນແຂວງ Punjab.
ບັດນາເຈົ້າໜ້າທີ່ຍັງກ່າວວ່າ ໄພນໍ້າຖ້ວມທີ່ນະຄອນ Lahore ໄດ້ເຮັດໃຫ້ 13 ຄົນເສຍຊີວິດ.
ກົມອຸຕຸນິຍົມຂອງປາກິສຖານ ໄດ້ເຕືອນໃຫ້ລະວັງ ລະດັບນ້ຳທີ່ສູງຂື້ນໃນແຂວງ Punjab
ທີ່ມີທ່າທາງວ່າຈະເຮັດໃຫ້ເກີດໄພນໍ້າຖ້ວມຮ້າຍແຮງຂື້ນຕື່ມນັ້ນ.
