ນາຍ Ayman al-Zawahri ຜູ້ນຳເຄືອຂ່າຍອາລກາອິດາ ກ່າວ
ວ່າ ຂະບວນການອິສລາມຫົວຮຸນແຮງຈັດ ໄດ້ເປີດສາຂາແຫ່ງ
ໃໝ່ໃນເຂດອະນຸທະວີບອິນເດຍ.
ຢູ່ໃນວີດີໂອ ຊຶ່ງຍາວ 55 ນາທີ ທີ່ນຳອອກເຜີຍແຜ່ໃນວັນພະຫັດ
ມື້ນີ້ ນາຍ Zawahri ກ່າວວ່າ ເຄືອຂ່າຍອາລກາອີດາໄດ້ກະກຽມ
ມາເປັນ ເວລາສອງປີແລ້ວ ເພື່ອສ້າງຕັ້ງສາຂາໃໝ່ດັ່ງກ່າວ.
ນາຍ Zawahri ເວົ້າວ່າ “ສາຂາດັ່ງກ່າວບໍ່ໄດ້ສ້າງຕັ້ງຂຶ້ນມາ
ໃນມື້ນີ້ ແຕ່ເປັນໝາກຜົນຂອງການພະຍາຍາມມາໄດ້ດົນ
ກວ່າ 2 ປີ ເພື່ອຮວບ ຮວມພວກມູຈາຮີດີນ ຢູ່ໃນເຂດອະ
ນຸທະວີບອິນເດຍ ເຂົ້າເປັນກ້ອນເປັນກຸ່ມດຽວກັນ.”
ເວລານີ້ເຄືອຂ່າຍດັ່ງກ່າວກຳລັງດຳເນີນງານຢ່າງແຂງຂັນໃນອັຟການິສຖານ ແລະປາ
ກິສຖານ ແຕ່ນາຍ Zawahri ກ່າວຢູ່ໃນວີດີໂອວ່າ“ເຄືອຂ່າຍອາລກາອິດາໃນອະ
ນຸທະວີບອິນເດຍ” ຈະນຳການໂຈມຕີຂອງຕົນ ໄປຍັງອິນເດຍ ມຽນມາ ແລະບັງກລາແດັສ.
ຄຳປະກາດດັ່ງກ່າວ ສາມາດເປັນການທ້າທາຍອັນນຶ່ງ ສຳລັບທ່ານ Narendra Modi ນາຍົກລັດຖະມົນຕີໃໝ່ຂອງອິນເດຍ ທີ່ໄດ້ຖືກຕຳໜິຕິຕຽນແລ້ວ ຊຶ່ງຍັງມິດງຽບຢູ່ກ່ຽວກັບ
ຫຼາຍເຫດການທີ່ເຂົ້າໃຈວ່າຕໍ່ຕ້ານມຸສລິມໃນຂະນະທີ່ທ່ານເປັນຜູ້ປົກຄອງລັດ Gujarat ນັ້ນ.
ທ່ານ Kanti Prasad Bajpai ນັກວິເຄາະກ່ຽວກັບອິນເດຍ ທີ່ມະຫາວິທະຍາໄລແຫ່ງ
ຊາດຂອງສິງກະໂປ ກ່າວຕໍ່ວີໂອເອວ່າ ການປະ ກາດຂອງນາຍ Zawahri ຈະບໍ່ຖືກຕ້ອນ
ຮັບເປັນຢ່າງດີແຕ່ປະການໃດຢູ່ໃນອິນເດຍຊຶ່ງປະຊົນຊົນສ່ວນໃຫຍ່ຄອບງຳໂດຍຊາວຮິນ
ດູນັ້ນ.
ມີຊາວມຸສລິມປະກອບເປັນປະມານ 15 ເປີເຊັນຂອງຈຳນວນພົນລະເມືອງອິນເດຍ ຊຶ່ງ
ກະວ່າມີປະມານ 175 ລ້ານຄົນໃນອິນເດຍຊຶ່ງເປັນຈຳນວນຊາວມຸສລິມ ຫຼາຍທີ່ສຸດເປັນອັນດັບສາມຂອງໂລກ.
ນາຍົກລັດຖະມົນຕີອິນເດຍ ທ່ານ Narendra Modi ບໍ່ໄດ້ປະນາມຕໍ່ ການປະກາດຂອງ
ນາຍ Zawahri ແຕ່ໂຄສົກຂອງພັກ Bharatiya Janata ຊຶ່ງເປັນພັກລັດຖະບານທີ່ປົກ
ຄອງປະເທດໃນເວລານີ້ ກ່າວວ່າ ເປັນເລື່ອງທີ່ໜ້າກັງວົນຢ່າງແທ້ຈິງ.
