ອິນເດຍ ໄດ້ເຊັນຂໍ້ຕົກລົງ ທີ່ຈະສ້າງຖານທັບເຮືອ ຢູ່ໝູ່ເກາະເຊແຊລ ໃນມະຫາສະໝຸດ
ອິນເດຍ ເພື່ອຕ້ານຢັນກັບອິດທິພົນທີ່ມີເພີ້ມຂຶ້ນຂອງຈີນ ຢູ່ໃນຂົງເຂດດັ່ງກ່າວ. ລັດຖະ
ມົນຕີຕ່າງປະເທດອິນເດຍ ຍັງໄດ້ທຳການຢ້ຽມຢາມເນປານ ທີ່ບໍ່ມີ ມາກ່ອນ ບ່ອນທີ່ພັກ
ຄອມມິວນິສຊຶ່ງເປັນມິດກັບຈີນ ມີກຳນົດຈະເຂົ້າກຳອຳນາດໃນໄວໆນີ້.
ບັນດານັກວິເຄາະກ່າວວ່າ ການເຄື່ອນໄຫວທັງສອງ ໃນຮອບອາທິດທີ່ຜ່ານມາໄດ້ເນັ້ນ
ໃຫ້ເຫັນເຖິງຄວາມເປັນຫ່ວງຂອງອິນເດຍ ກ່ຽວກັບການຂະຫຍາຍອິດທິພົນຂອງຈີນ
ເຂົ້າມາໃນເຂດມະຫາສະໝຸດອິນເດຍ ແລະເພື່ອນບ້ານທີ່ຢູ່ໃກ້ຄຽງນັ້ນ.
ພາຍໃຕ້ຂໍ້ຕົກລົງທີ່ເຊັນກັນໃນອາທິດແລ້ວນີ້ກັບເຊແຊລ ອິນເດຍຈະສ້າງເດີ່ນເຮືອບິນ
ແລະຂົວເດ່ອອກໄປເພື່ອໃຫ້ກຳປັ່ນເຂົ້າຈອດຢູ່ເກາະ Assumption. ຖານທັບນີ້ຈະຊ່ວຍໃຫ້ອິນເດຍ ມີໜ້າເພີ້ມຂຶ້ນຢູ່ໃນມະຫາສະໝຸດອິນເດຍແລະຂະຫຍາຍການມີໜ້າຂອງ
ກອງທັບເຮືອອິນເດຍ ໂດຍອະນຸຍາດໃຫ້ມີການສັບປ່ຽນບັນດາກຳປັ່ນ ແລະເຮືອບິນຢູ່
ທີ່ໝູ່ເກາະດັ່ງກ່າວ.
ລັດຖະມົນຕີຕ່າງປະເທດອິນເດຍ ທ່ານສຸບຣາມານຽມ ແຈຊັງກາ ກ່າວຫລັງຈາກການ
ເຊັນສັນຍາ ຊຶ່ງໄດ້ເຈລະຈາກັນບົນພື້ນຖານຂອງຂໍ້ຕົກລົງຂັ້ນຕົ້ນທີ່ເຊັນກັນໃນປີ 2015
ວ່າ “ຄວາມສຳພັນກັບບັນດາປະເທດຕ່າງໆຢູ່ໃນຂົງເຂດມະຫາສະໝຸດອິນເດຍ ແລະ
ການປົກປັກຮັກສາບັນຍາກາດແຫ່ງສັນຕິພາບ ແລະສະຖຽນລະພາບ ເປັນສິ່ງສຳຄັນ
ໃນນະໂຍບາຍການຕ່າງປະເທດຂອງອິນເດຍ.
ຄວາມຕ້ອງການທາງຍຸດທະສາດຂອງອິນເດຍທີ່ຢາກມີຖານທັບຢູ່ຕ່າງປະເທດມີຂຶ້ນ
ທ່າມກາງຄວາມເປັນຫ່ວງ ທີ່ເພີ້ມທະວີຂຶ້ນ ກ່ຽວກັບການປິດລ້ອມ ໂດຍການຂະຫຍາຍ
ອິດທິພົນແບບແຂງຂັນຂອງຈີນ. ປັກກິ່ງ ໄດ້ເປີດຖານທັບຢ່າງເປັນທາງການ ໃນຈີບູຕີ
ໃນເຂດອາຟຣິກາຕາເວັນອອກໃນເດືອນສິງຫາແລ້ວນີ້. ບັນດານັກວິເຄາະກ່າວວ່າ ມີ
ຄວາມເປັນຫ່ວງຢ່າງໃຫຍ່ ກຳລັງຂອງຈີນພວມເລີ້ມ ປິດລ້ອມອິນເດຍ ຢູ່ໃນບັນດາປະ
ເທດຕ່າງໆ ເຊັ່ນວ່່າ ບັງກລາແດັສ ມຽນມາ ມາລດິບ ແລະສຣີລັງກາ ທີ່ໄດ້ລົງນາມໃນ
ແຜນການທີ່ກະຕືລືລົ້ນ ນຶ່ງແລວທາງນຶ່ງເສັ້ນທາງ ຂອງປັກກິ່ງ.
