ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ນາຍົກ ອິນເດຍ ຂະຫຍາຍ ຄະນະລັດຖະບານ ຂອງທ່ານ ອອກອີກ


ປ. Pranab Mukherjee ຖ່າຍຮູບຮ່ວມກັນກັບ ຄະນະລັດຖະບານ ຂອງນາຍົກ Narendra Modi ແຫ່ງອິນເດຍ ທີ່ທຳນຽບປະທານາທິບໍດີ ທີ່ນີວແດນລີ.
ປ. Pranab Mukherjee ຖ່າຍຮູບຮ່ວມກັນກັບ ຄະນະລັດຖະບານ ຂອງນາຍົກ Narendra Modi ແຫ່ງອິນເດຍ ທີ່ທຳນຽບປະທານາທິບໍດີ ທີ່ນີວແດນລີ.

ນາຍົກລັດຖະມົນຕີອິນ​ເດຍ ທ່ານ Narendra Modi ​ໄດ້ເສີມ
ຂະຫຍາຍ​ຄະນະ​ລັດຖະບານ​ຂອງ​ທ່ານ​ອອກ​ອີກ ​ເພື່ອ​ໃຫ້​ເພ່ງ​
ເລັງ​ຫຼາຍ​ຂຶ້ນ​ໃສ່​ການ​ປັບປຸງເສດຖະກິດ​ຂອງ​ປະ​ເທດ​ໃຫ້​ດີ​ຂຶ້ນ.

ພວກ​ລັດຖະມົນຕີ 21 ທ່ານ​ໄດ້​ສາບານ​ໂຕ​ເຂົ້າ​ຮັບ​ຕຳ​ແໜ່​ງ​
ໃນ​ພິທີ​ເປັນເວລາ​ສັ້ນໆ​ໃນ​ວັນ​ອາທິດ​ວານ​ນີ້​ທີ່​ທຳນຽບປະທາ
ນາທິບໍດີ​ທີ່​ນະຄອນຫຼວງ​ນີວແດນ​ລີ.

ການ​ແຕ່ງ​ຕັ້ງ​ລະດັບ​ສູງ​ສຸດ ​ແມ່ນ​ທ່ານ Manohar Parrikar
ຜູ້ນຳ​ຂົງເຂດ ຊຶ່ງ​ບັດ​ນີ້​ເປັນ​ລັດຖະມົນຕີ​ປ້ອງ​ກັນ​ປະ​ເທດ​ຄົນ​
ໃໝ່.

ທ່ານ Arun Jaitley ທີ່​ເຄີຍ​ກຳ​ຕຳ​ແໜ່​ງທັງ​ລັດຖະມົນຕີ​ປ້ອງ​ກັນ​ປະ​ເທດ​ແລະ​ການ​
ເງິນ ບັດ​ນີ້​ໃຫ້​ແນ​ຈຸດ​ເພ່ງ​ເລັງໄດ້​ຢ່າງ​ເສລີ ​ໃສ່​ການ​ຟື້ນຟູ​ເສດຖະກິດ​ໃຫ້​ດີ​ຂຶ້ນ ​ໃນ​ຖາ
ນະ​ເປັນ​ລັດຖະມົນຕີ​ການ​ເງິນ​ຄົນ​ໃໝ່.

ທ່ານ Modi ຊຶ່ງ​ໄດ້​ຂຶ້ນ​ດຳລົງ​ຕຳ​ແໜ່​ງນາຍົກລັດຖະມົນຕີ​ໃນ​ເດືອນ​ພຶດສະພາ​ຜ່ານ​ມາ ​ໂດຍ​ໄດ້​ກຳ​ອຳນາດ​ຢ່າງ​ຫຼວງ​ຫຼາຍ​ໃນ​ການ​ເລືອກ​ຕັ້ງ​ທີ່​ຜ່ານ​ມາ ບັດ​ນີ້​ເປັນ​ຜູ້ນຳ​ພາຄະ​ນະ
​ລັດຖະບານ​ທີ່​ປະກອບ​ດ້ວຍ​ສະມາຊິກ 66 ທ່ານ ຊຶ່ງ​ມີ ຕຳ​ແໜ່​ງ​ລັດຖະມົນຕີ 26 ທ່ານ. ​

ບັນດາ​ຜູ້ນຳ​ດ້ານ​ທຸລະ​ກິດ ​ໄດ້​ສະ​ແດງ​ຄວາມ​ຍິນ​ດີ​ນຳ​ການເສີມຂະຫຍາຍ​ຄະນະ​ລັດຖະ
ບານ​ອອກ​ນີ້ ​ໂດຍ​ກ່າວ​ວ່າ ມັນ​ໃຫ້​ສັນຍານ​ເຖິງ​ຄວາມຕັ້ງ​ໃຈ​ຂອງ​ລັດຖະບານ ​ເພື່ອ​ເລັ່ງການ​ດຳ​ເນີນຂັ້ນ​ຕອນການ​ປະຕິ​ຮູບຕ່າງໆ​ນັ້ນ.

ອັນ​ນີ້​ໄດ້​ເປັນ​ຄຳ​ໝັ້ນ​ສັນຍາ​ທີ່​ໃຫ້​ໄວ້ ທີ່ຈະ​ດຶງ​ການ​ເສດ​ຖະ​ກິດ​ທີ່​ຕົກ​ຢູ່​ໃນ​ສະພາບ​ຕົກ​ຕໍ່າ​ຖອຍຫຼັງ ທີ່​ໄດ້​ເຮັດ​ໃຫ້​ພັກ Bharatiya Janataຂອງ​ທ່ານ Modi ຂຶ້ນ​ມາຄອງ​ອຳນາດ​ເມື່ອ 5 ​ເດືອນ​ຜ່ານ​ມາ.

ທ່ານ Modi ທີ່​ໄດ້​ຊະນະ​ການ​ເລືອກ​ຕັ້ງ​ດ້ວຍ​ຄຳ​ຂວັນທີ່​ວ່າ “ລັດຖະບານໃນ​ຈຳນວນ​ນ້ອຍ​ທີ່​ສຸດ ​ແຕ່​ມີ​ອຳນາດ​ທາງ​ການ​ປົກຄອງ​ຫຼາຍທີ່​ສຸດ” ​ໄດ້​ເລີ້ມ​ການ​ດຳລົງ​ຕຳ​ແໜ່​ງຂອງ​ທ່ານ​ດ້ວຍ​ຄະນະ​ລັດຖະບານ​ນ້ອຍໆ ​ແຕ່​ພວກ​ນັກ​ສັງ​ເກດ​ການ​ກ່າວ​ວ່າ ພວກ​ລັດຖະມົນຕີ​ຫຼາຍ​ຄົນ​ໄດ້​ມີ​ພາລະ​ແບກ​ຫາບ​ຫຼາຍ​ເກີນ​ໄປ. ການ​ຂະຫຍາຍ​ຄະນະ​ລັດຖະບານ​ອອກ​ອີກ​ນີ້ ມີ​ຂຶ້ນ​ໃນເວລາທີ່​ລັດຖະສະພາ​ກະກຽມ​ທີ່​ຈະ​ໄຂ​ຂຶ້ນ​ໃນ​ທ້າຍ​ເດືອນ​ນີ້.

indiamodicabinet10november14
please wait

No media source currently available

0:00 0:00:56 0:00

XS
SM
MD
LG