ຜູ້ນຳສູງສຸດຂອງອຳນາດປົກຄອງທະຫານຂອງມຽນມາສືບຕໍ່ການເຄື່ອນໄຫວຢ້ຽມຢາມ
ປະເທດອິນເດຽ ເປັນເວລາຫ້າມື້ ໃນວັນຈັນມື້ນີ້ ທີ່ແນໃສ່ເພື່ອກະຊັບສາຍພົວພັນໃຫ້
ແໜ້ນແຟ້ນຂຶ້ນ ລະຫວ່າງສອງປະເທດເພື່ອນບ້ານນີ້.
ທ່ານນາຍພົນ Than Shwe ໄດ້ເລີ່ມທຳການຢ້ຽມຢາມອິນເດຽໃນວັນອາທິດວານນີ້
ທີ່Gaya ເມືອງວັດາອາຮາມແລະສະແຫວງບຸນ ໃນພາກຕາເວັນອອກຂອງອິນເດຽ
ທີ່ມີຄວາມສຳຄັນຍິ່ງສຳລັບ ທັງສາສະຫນາຮິນດູແລະພຸດ.
ທ່ານນາຍພົນ Than Shwe ມີໝາຍກຳໜົດຈະທຳການສົນທະນາຫາລືໃນວັນອັງຄານ
ມື້ອື່ນນີ້ ກັບນາຍົກລັດຖະມົນຕີ Manmohan Singh ແລະປະທານາທິບໍດີ Pratibha
Patil. ພ້ອມດຽວກັນນີ້ ຄາດວ່າທ່ານຍັງຈະໄດ້ເຊັນຂໍ້ຕົກລົງຫຼາຍສະບັບ ກ່ຽວການແລກ
ປ່ຽນທາງການຄ້າແລະການທະຫານນຳ ລະຫວ່າງປະເທດທັງສອງ
ອົງການຄຸ້ມຄອງສິດທິມະນຸດທີ່ມີສຳນັກງານຢູ່ New York ໄດ້ອອກຄຳຖະແຫລງ
ສະບັບນຶ່ງໃນວັນຈັນມື້ນີ້ວ່າ ຮຽກຮ້ອງໃຫ້ທາງການອິນເດຽຍົກ ສວາຍເອົາການຢ້ຽມ
ຢາມຂອງ ນາຍພົນ Shwe ໃນຄັ້ງນີ້ ເປັນໂອກາດເຕືອນທາງອຳນາດປົກຄອງທະ
ຫານຂອງມຽນມາວ່າ ປະວັດດ້ານການລະເມີດສິດທິມະນຸດຂອງລັດຖະບານມຽນ
ມານັ້ນ ໄດ້ຖ່ວງດຶງການພັດທະ ນາສ້າງສາປະເທດ ພ້ອມນີ້ຍັງສ້າງຄວາມຫຍຸ້ງ
ຍາກທາງການເມືອງໃຫ້ອິນເດຽແລະປະເທດເພື່ອນບ້ານອື່ນໆໃນຂົງເຂດ ໃຫ້ມີຄວາມ
ລຳບາກໃຈອີກ.
