ພວກກະບົດທີ່ນັບຖືລັດທິເມົາເຊຕຸງກຸ່ມນຶ່ງ ໄດ້ທໍາການໂຈມຕີ
ຢູ່ໃນພາກຕາເວັນອອກຂອງອິນເດຍ ທີ່ໄດ້ສັງຫານຢ່າງໜ້ອຍ
27 ຄົນ ໂຮມທັງເຈົ້າໜ້າທີ່ທ້ອງຖິ່ນຫຼາຍຄົນຂອງພັກ Congress
ຂອງລັດຖະບານ.
ເຈົ້າໜ້າທີ່ເວົ້າວ່າ ເມື່ອວັນເສົາວານນີ້ ພວກກະບົດໃຫຍ່ກຸ່ມນຶ່ງ
ໄດ້ດັກໂຈມຕີ ຂະບວນລົດຂອງພັກ Congress ຢູ່ໃນເຂດປ່າ
Sukma ອັນໜາທຶບ ຂອງລັດ Chhattisgarh. ຫຼາຍສິບຄົນ
ໄດ້ຮັບບາດເຈັບ.
ໃນຈໍານວນຜູ້ເສຍຊີວິດນັ້ນ ກໍມີເຈົ້າໜ້າທີ່ພັກຂອງລັດ ທ່ານ Mahendra Karma ຜູ້ທີ່ໄດ້ກໍ່ຕັ້ງໜ່ວຍທະຫານບ້ານທ້ອງຖິ່ນ ທີ່ເອີ້ນວ່າກຸ່ມ Salwa Judum ນັ້ນ ຂຶ້ນມາເພື່ອຕໍ່ສູ້
ກັບກຸ່ມກະບົດລັດທິເມົາເຊຕຸງ. ຜູ້ເຄາະຮ້າຍຄົນອື່ນໆ ກໍມີໂຮມທັງ ທ່ານ Nand Kumar
ຫົວໜ້າພັກຄອງແກຣສ ຂອງລັດ ແລະລູກຊາຍຂອງທ່ານ. ພັກຄອງແກຣສ ແມ່ນເປັນ
ພັກຝ່າຍຄ້ານໃຫຍ່ໃນລັດ ຊຶ່ງຈະມີການເລືອກຕັ້ງໃນທ້າຍປີນີ້.
ການໂຈມຕີດັ່ງກ່າວໄດ້ເກີດຂຶ້ນໃນຕອນແລງວັນເສົາວານນີ້ ເວລາຂະບວນລົດຂອງພັກ
ຄອງແກຣສ ກໍາລັງກັບຕ່າວຄືນສູ່ເມືອງຫຼວງຂອງລັດ ຫຼັງຈາກໄປໂຮມຊຸມນຸມທາງການ
ເມືອງກັນ.
ທ່ານນາງ Sonia Gandhi ປະທານພັກຄອງແກຣສ ໄດ້ປະນາມສິ່ງທີ່ ທ່ານນາງເອີ້ນວ່າ
ເປັນການໂຈມຕີຄ່ານິຍົມປະຊາທິປະໄຕຂອງອິນເດຍ. ສ່ວນນາຍົກລັດຖະມົນຕີ Manmohan Singh ກໍປະຕິຍານວ່າ ລັດຖະບານຈະຈັດການຢ່າງເດັດຂາດກັບພວກທີ່
ຮັບຜິດຊອບ ຕໍ່ເຫດການໂຈມຕີນັ້ນ.
ກຸ່ມກະບົດດັ່ງກ່າວໄດ້ທໍາການຕໍ່ສູ້ ກັບລັດຖະບານກາງມາໄດ້ຫຼາຍກວ່າສີ່ທົດສະວັດ ຫຼື
ສີ່ສິບປີມາແລ້ວ ເພື່ອທວງເອົາດິນດອນ ແລະວຽກງານ ສໍາລັບຊາວນາຊາວສວນທີ່ເຊົ່າ
ທີ່ດິນ ແລະຄົນທຸກຈົນ.
(ເບິ່ງວີດີໂອ)
ຢູ່ໃນພາກຕາເວັນອອກຂອງອິນເດຍ ທີ່ໄດ້ສັງຫານຢ່າງໜ້ອຍ
27 ຄົນ ໂຮມທັງເຈົ້າໜ້າທີ່ທ້ອງຖິ່ນຫຼາຍຄົນຂອງພັກ Congress
ຂອງລັດຖະບານ.
ເຈົ້າໜ້າທີ່ເວົ້າວ່າ ເມື່ອວັນເສົາວານນີ້ ພວກກະບົດໃຫຍ່ກຸ່ມນຶ່ງ
ໄດ້ດັກໂຈມຕີ ຂະບວນລົດຂອງພັກ Congress ຢູ່ໃນເຂດປ່າ
Sukma ອັນໜາທຶບ ຂອງລັດ Chhattisgarh. ຫຼາຍສິບຄົນ
ໄດ້ຮັບບາດເຈັບ.
ໃນຈໍານວນຜູ້ເສຍຊີວິດນັ້ນ ກໍມີເຈົ້າໜ້າທີ່ພັກຂອງລັດ ທ່ານ Mahendra Karma ຜູ້ທີ່ໄດ້ກໍ່ຕັ້ງໜ່ວຍທະຫານບ້ານທ້ອງຖິ່ນ ທີ່ເອີ້ນວ່າກຸ່ມ Salwa Judum ນັ້ນ ຂຶ້ນມາເພື່ອຕໍ່ສູ້
ກັບກຸ່ມກະບົດລັດທິເມົາເຊຕຸງ. ຜູ້ເຄາະຮ້າຍຄົນອື່ນໆ ກໍມີໂຮມທັງ ທ່ານ Nand Kumar
ຫົວໜ້າພັກຄອງແກຣສ ຂອງລັດ ແລະລູກຊາຍຂອງທ່ານ. ພັກຄອງແກຣສ ແມ່ນເປັນ
ພັກຝ່າຍຄ້ານໃຫຍ່ໃນລັດ ຊຶ່ງຈະມີການເລືອກຕັ້ງໃນທ້າຍປີນີ້.
ການໂຈມຕີດັ່ງກ່າວໄດ້ເກີດຂຶ້ນໃນຕອນແລງວັນເສົາວານນີ້ ເວລາຂະບວນລົດຂອງພັກ
ຄອງແກຣສ ກໍາລັງກັບຕ່າວຄືນສູ່ເມືອງຫຼວງຂອງລັດ ຫຼັງຈາກໄປໂຮມຊຸມນຸມທາງການ
ເມືອງກັນ.
ທ່ານນາງ Sonia Gandhi ປະທານພັກຄອງແກຣສ ໄດ້ປະນາມສິ່ງທີ່ ທ່ານນາງເອີ້ນວ່າ
ເປັນການໂຈມຕີຄ່ານິຍົມປະຊາທິປະໄຕຂອງອິນເດຍ. ສ່ວນນາຍົກລັດຖະມົນຕີ Manmohan Singh ກໍປະຕິຍານວ່າ ລັດຖະບານຈະຈັດການຢ່າງເດັດຂາດກັບພວກທີ່
ຮັບຜິດຊອບ ຕໍ່ເຫດການໂຈມຕີນັ້ນ.
ກຸ່ມກະບົດດັ່ງກ່າວໄດ້ທໍາການຕໍ່ສູ້ ກັບລັດຖະບານກາງມາໄດ້ຫຼາຍກວ່າສີ່ທົດສະວັດ ຫຼື
ສີ່ສິບປີມາແລ້ວ ເພື່ອທວງເອົາດິນດອນ ແລະວຽກງານ ສໍາລັບຊາວນາຊາວສວນທີ່ເຊົ່າ
ທີ່ດິນ ແລະຄົນທຸກຈົນ.
(ເບິ່ງວີດີໂອ)
