ລິ້ງ ສຳຫລັບເຂົ້າຫາ

ວັນພຸດ, ໑໙ ມິຖຸນາ ໒໐໒໔

27 ຄົນ ເສຍຊີວິດ ຍ້ອນໄພນໍ້າຖ້ວມ ທີ່ອິນເດຍ


ເດັກນ້ອຍອິນເດຍ ໃຊ້ແພທີ່ເຮັດຈາກຕົ້ນກ້ວຍ ທໍ່ໄປຕາມນໍ້າ ທີ່ລົ້ນຝັ່ງຂຶ້ນຖ້ວມ ໃນລັດອັສສຳ ທາງພາກຕາເວັນອອກ ສຽງເໜືອຂອງປະເທດ (29 ມິຖຸນາ 2012)
ເດັກນ້ອຍອິນເດຍ ໃຊ້ແພທີ່ເຮັດຈາກຕົ້ນກ້ວຍ ທໍ່ໄປຕາມນໍ້າ ທີ່ລົ້ນຝັ່ງຂຶ້ນຖ້ວມ ໃນລັດອັສສຳ ທາງພາກຕາເວັນອອກ ສຽງເໜືອຂອງປະເທດ (29 ມິຖຸນາ 2012)

ໄພນໍ້າຖ້ວມຈາກຝົນຕົກໜັກ​ໃນ​ລະດູ​ລົມ​ມໍ​ລະ​ສຸມເຮັດໃຫ້ມີຜູ້ເສຍຊີວິດໄປຢ່າງໜ້ອຍ 27 ຄົນ
ແລະບໍ່ມີບ່ອນ​ພັກ​ພາອາໄສອີກຫລາຍຮ້ອຍພັນຄົນ ​ໃນພາກຕາເວັນອອກສຽງເໜືອຂອງອິນ
ເດຍ.

ເຈົ້າໜ້າທີ່ກ່າວວ່າ ປະມານ 2000 ໝູ່ບ້ານ ໄດ້ຖືກນໍ້າຖ້ວມ ຢູ່ໃນລັດອັສສໍາ ຊຶ່ງ​ໄດ້​ມີ​ຝົນຕົກ​
ໜັກ​ເປັນ​ເວລາຫລາຍມື້ ຕິດຕາມມາດ້ວຍດິນເຈື່ອນ ແລະນໍ້າຖ້ວມ​ສຸ.

ພວກຊາວບ້ານທີ່ຖືກນໍ້າຖ້ວມ ພາກັນຍົກຍ້າຍໄປຢູ່ບ່ອນສູງ ໃນຂະນະທີ່ລະດັບນໍ້າ ​ຕາມແມ່
ນໍ້າສາຍສໍາຄັນຕ່າງໆ ໃນຂົງເຂດພວມ​ຖີບ​ໂຕ​ສູງ​ຂຶ້ນຢູ່​ນັ້ນ.

ເຈົ້າໜ້າທີ່ກ່າວວ່າ ເຄື່ອງອຸປະໂພກບໍລິ​ໂພ​ກກໍາລັງຈະໝົດລົງ ແລະຕົກຢູ່ໃນຂັ້ນອັນຕະລາຍ
​ໃນ​ບາງ​ເຂດ ຂະນະ​ທີ່ບັນດາໜ່ວຍກູ້ໄພ ຕ້ອງໄດ້ຖີ້ມຫໍ່ອາຫານລົງໃຫ້ແກ່ພວກ​ຊາວບ້ານຈຳ
ນວນ​ນຶ່ງ ທີ່ຍັງ​ຕົກ​ຄ້າງຕາມບ່ອນທີ່​ມີດິນສູງ.

ດິນເຈື່ອນ ແລະ​ໄພນໍ້າຖ້ວມຍັງໄດ້ເຮັດໃຫ້ມີຜູ້ເສຍຊີວິດໄປ​ແລ້ວ ຢ່າງໜ້ອຍ 110 ຄົນໃນບັງ
ກລາແດັສ ຊຶ່ງ​ເປັນ​ເພື່ອນ​ບ້ານ​ຂອງ​ອິນ​ເດຍ ໃນໄລຍະສອງສາມມື້ຜ່ານ​ມານີ້.

XS
SM
MD
LG