ລິ້ງ ສຳຫລັບເຂົ້າຫາ

ວັນເສົາ, 25 ມິຖຸນາ 2022

70 ກວ່າຄົນ ເສຍຊີວິດ ໃນອັກຄີໄພ ທີ່ອິນເດຍ (ເບິ່ງສະໄລດ໌)


ຜູ້ຄົນຊ່ອຍຍົກຍ້າຍພວກຄົນເຈັບອອກຈາກໂຮງໝໍ ເມືອງ Kolkata ຂະນະທີ່ໄຟເລີ່ມລຸກໄໝ້ (9 ທັນວາ 2011)

ອັກຄີໄພທີ່ໂຮງໝໍເອກກະຊົນແຫ່ງນຶ່ງໃນເມືອງ Kolkata ໃນພາກຕາເວັນອອກຂອງອິນເດຍ
ເຮັດໃຫ້ມີຜູ້ເສຍຊີວິດ 70 ກວ່າຄົນ.

ເຈົ້າໜ້າທີ່ເວົ້າວ່າ ໄຟໄດ້ລຸກໄໝ້ທີ່ໂຮງໝໍ AMRI ໃນຕອນເຊົ້າຂອງວັນສຸກມື້ນີ້ ທີ່ເມືອງເອກ
ຂອງລັດເບັງກາລຕາເວັນຕົກ.

ໂທລະພາບທ້ອງຖິ່ນໄດ້ອອກຂ່າວວ່າ ໄດ້ມີການຫາມເອົາພວກຄົນເຈັບອອກໄປຈາກໂຮງໝໍ ແລະພວກຍາດພີ່ນ້ອງທີ່ຮ້ອນອົກຮ້ອນໃຈລໍຖ້າຢູ່ຂ້າງນອກຂະນະທີ່ແປວຄວັນກຸ້ມຂຶ້ນຈາກຕຶກ ອາຄານຫຼາຍຊັ້ນດັ່ງກ່າວ.

ພວກກູ້ໄພໄດ້ທັບປະຕູປ່ອງຢ້ຽມ ເພື່ອຊ່ອຍເອົາພວກຄົນເຈັບຈຳນວນນຶ່ງທີ່ຕົກຄ້າງຢູ່ຂ້າງໃນ
ອອກມາແລະຕໍ່ມາກໍຍ້າຍພວກຄົນເຈັບເຫຼົ່ານີ້ໄປຢູ່ທີ່ໂຮງໝໍໃກ້ຄຽງແຫ່ງນຶ່ງ. ສ່ວນໃຫຍ່ຂອງ
ພວກ 73 ຄົນທີ່ເສຍຊີວິດແມ່ນເປັນຄົນເຈັບ.

ຫົວໜ້າລັດຖະບານຂອງລັດເບັງກາລຕາເວັນຕົກທ່ານນາງ Mamata Banerjee ໄດ້ເລີ່ມ
ດຳເນີນຂັ້ນຕອນ ເພື່ອຖອດຖອນໃບອະນຸຍາດຂອງໂຮງໝໍ. ທ່ານນາງໃຫ້ຄຳໝັ້ນສັນຍາວ່າ ຈະທຳການສືບສວນຢ່າງລະອຽດ ເບິ່ງເຫດຮ້າຍໃນຄັ້ງນີ້ ຫຼັງຈາກເຈົ້າໜ້າທີ່ລັດຖະບານກ່າວ
ຫາວ່າ ພະນັກງານຂອງໂຮງໝໍບາງຄົນໄດ້ພາກັນຫຼົບໜີໄປເວລາໄຟເລີ່ມໄໝ້.

ນອກນັ້ນແລ້ວທ່ານນາງ Banerjee ຍັງເວົ້າວ່າ ຈະມີການດຳເນີນມາຕະການຖ້າຫາກພົບ
ເຫັນວ່າການປ້ອງກັນອັກຄີໄພຂອງໂຮງໝໍແຫ່ງນີ້ຕໍ່າກວ່າມາຕະຖານ

ມີລາຍງານວ່າເວລາເກີດອັກຄີໄພນັ້ນມີພວກຄົນເຈັບປະມານ 160 ຄົນຢູ່ທີ່ໂຮງໝໍດັ່ງກ່າວ.

XS
SM
MD
LG