ລິ້ງ ສຳຫລັບເຂົ້າຫາ

ວັນພະຫັດ, ໒໕ ເມສາ ໒໐໒໔

ອິນເດຍ ປະຫານຊີວິດ ມືປືນ ທີ່ໂຈມຕີ ນະຄອນມຸມບາຍ


ຊາວອິນເດຍກໍາລັງຮ້ອງໂຮຊົມເຊີຍການປະຫານຊີວິດຂອງນາຍ Mohammed Kasab ມືປືນໃນເຫດການທີ່ເມືອງມຸມບາຍ ເມື່ອຄັ້ງປີ 2008 ທີ່ນະຄອນຫຼວງ New Delhi ເມື່ອວັນທີ່ 21 ພະຈິກນີ້
ຊາວອິນເດຍກໍາລັງຮ້ອງໂຮຊົມເຊີຍການປະຫານຊີວິດຂອງນາຍ Mohammed Kasab ມືປືນໃນເຫດການທີ່ເມືອງມຸມບາຍ ເມື່ອຄັ້ງປີ 2008 ທີ່ນະຄອນຫຼວງ New Delhi ເມື່ອວັນທີ່ 21 ພະຈິກນີ້
ທາງ​ການ​ອິນ​ເດຍ​ໄດ້​ປະຫານ​ຊີວິດ​ມື​ປືນ​ຄົນ​ນຶ່ງ ​ທີ່​ລອດ​ຊີວິດ​ພຽງ​ຄົນ​ດຽວຈາກ​ການ​ໂຈມ ຕີ ​ຂອງ​ພວກ​ຫົວ​ຮຸນ​ແຮງ​ ​ທີ່​ໄດ້​ສັງຫານ 166 ຄົນ​ ໃນ​ເຫດ ການກໍ່​ການ​ຮ້າຍ​ທີ່​ນະຄອນ ​ມຸມ​ບາຍ​ໃນ​ປີ 2008 ນັ້ນ.

ທ້າວ Mohammed Ajmal Kasab ຖືກ​ແຂວນ​ຄໍ​ເມື່ອ​ວັນ​ພຸດ​ມື້​ນີ້​ທີ່​ຄຸກ ​ແຫ່ງ​ນຶ່ງ​ໃນ​ເມືອງ Pune ຢູ່​ໃກ້​ນະຄອນມຸມ​ບາຍ.

ລັດຖະມົນຕີກະຊວງ​ພາຍ​ໃນ​ລັດ Maharashtra ທີ່​ຕັ້ງ​ຂອງ​ນະຄອນມຸມ​ບາຍ ​ເວົ້າ​ເມື່ອ​ວັນ​ພຸດ​ມື້​ນີ້​ວ່າ ການ​ປະຫານ​ຊີວິດ​ດັ່ງກ່າວ​ນີ້ ​ຄື​ການ​ຊົດ​ໃຊ້ ​ໂທດແກ່​ຜູ້​ເສຍ​ຊີວິດ​ໄປ​ໃນ​ການ​ໂຈມ​ຕີ​ດັ່ງກ່າວ.

ທ້າວ Kasab ສັນຊາດ​ປາ​ກີ​ສຖານ ​ຖືກ​ສານ​ຕັດສິນ​ວ່າ ​ກະທໍາ​ຜິດ​ໃນ​ປີ 2010 ​ໃນ​ຂໍ້​ຫາເປັນ​ຄາດ​ຕະກອນ ຜູ້​ກໍ່​ການ​ຮ້າຍ ​ແລະ​ກໍ່​ສົງຄາມ​ຕໍ່ຕ້ານ ອິນ​ເດຍ. ​ໃນ​ເບື້ອງຕົ້ນ​ນັ້ນ ທ້າວ Kasab ບໍ່​ຍອມຮັບ​ຜິດ​ຕໍ່​ສານ ​ແຕ່​ໃນ ​ເວລາ​ຕໍ່​ມາ​ກໍ​ຍອມຮັບ​ຜິດ​ວ່າ​ຕົນ​ໄດ້​ພົວພັນ​ໃນ​ເຫດການ​ໂຈມ​ຕີ​ສາມ​ວັນດັ່ງ ກ່າວ​ທີ່​ນະຄອນມຸມ​ບາຍ​ນັ້ນ.

ທ້າວ Kasab ​ໄດ້ຂໍ​ອຸທອນຕໍ່​ການ​ຕັດສິນ​ໂທດ​ປະຫານ​ຊີວິດລາວ ​ແຕ່​ສານ​ສູງ​ສຸດຂອງ​ອິນ​ເດຍ​ ໄດ້​ຕັດສິນ​ເຫັນ​ພ້ອມ​ກັບ​ການ​ລົງ​ໂທດດັ່ງກ່າວ ​ແລະ​ປະທານາທິບໍດີ​ຂອງ​ອິນ​ເດຍ ກໍປະຕິ​ເສດ​ຕໍ່ຄໍາ​ຂໍ​ຮ້ອງເພື່ອ​ໃຫ້​ອະ​ໄພ​ໂທດ​ແກ່ຜູ້ກ່ຽວ.
XS
SM
MD
LG