ລິ້ງ ສຳຫລັບເຂົ້າຫາ

ວັນພະຫັດ, ໑໘ ກໍລະກົດ ໒໐໒໔

ອິນເດຍຂະຫຍາຍການຄ້າ ກັບຈີນ


ນາຍົກລັດຖະມົນຕີຈີນ ທ່ານ Wen Jiabao (ຊ້າຍ) ຈັບມືກັບ ນາຍົກລັດຖະມົນຕີອິນເດຍ ທ່ານ Manmohan Singh ລະຫວ່າງ ງານລ້ຽງຮັບຮອງອາຫານຄໍ່າ ທີ່ນະຄອນຫຼວງນິວເດລີ (15 ທັນວາ 2010)
ນາຍົກລັດຖະມົນຕີຈີນ ທ່ານ Wen Jiabao (ຊ້າຍ) ຈັບມືກັບ ນາຍົກລັດຖະມົນຕີອິນເດຍ ທ່ານ Manmohan Singh ລະຫວ່າງ ງານລ້ຽງຮັບຮອງອາຫານຄໍ່າ ທີ່ນະຄອນຫຼວງນິວເດລີ (15 ທັນວາ 2010)

ພວກຜູ້ນຳຂອງຈີນແລະອິນເດຍໄດ້ຕົກລົງກັນທີ່ຈະຂະຫຍາຍການຄ້າ ແລະແກ້ໄຂບັນຫາ
ຂັດແຍ້ງທີ່ມີມາເປັນເວລາດົນນານ ຂະນະທີ່ພວກທ່ານພະຍາຍາມທີ່ຈະເສີມສ້າງ ຄວາມ
ໄວ້ເນື້ອເຊື່ອໃຈຊຶ່ງກັນແລະກັນລະຫວ່າງປະເທດທັງສອງ.

ນາຍົກລັດຖະມົນຕີຈີນ ທ່ານ Wen Jiabao ແລະຄູ່ຕຳແໜ່ງຂອງທ່ານຝ່າຍອິນເດຍ
ທ່ານ Manmohan Singh ກ່າວລຸນຫລັງການພົບປະກັນທີ່ນະຄອນຫຼວງນິວເດລີ
ໃນວັນພະຫັດມື້ນີ້ວ່າ ພວກທ່ານຈະພະຍາຍາມຂະຫຍາຍການຄ້າຂຶ້ນເປັນ 100 ພັນ
ລ້ານໂດລາຕໍ່ປີ ພາຍໃນປີ 2015 ຊຶ່ງຈຳນວນດັ່ງກ່າວ ຈະ​ເປັນການເພີ້ມຂຶ້ນ 40 ພັນ
ລ້ານໂດລາ ຈາກລະດັບການຄ້າລະຫວ່າງປະເທດທັງສອງໃນປັດຈຸບັນ.

ອີງຕາມຖະແຫຼງການຮ່ວມແລ້ວ ພວກຜູ້ນຳທັງສອງຍັງໄດ້ຕົກລົງ ທີ່ຈະດຳເນີນງານ
ຮ່ວມກັນ ເພື່ອຫຼຸດຜ່ອນການຂາດດຸນການຄ້າ ຊຶ່ງໃນປັດຈຸບັນນີ້ ຈີນ ເປັນຝ່າຍໄດ້
ປຽບນັ້ນ.

ທ່ານ Wen ໄດ້ຖືເອົາເລື່ອງການຄ້າ ເປັນຈຸດເພັ່ງເລັງທີ່ສຳຄັນ ໃນການຢ້ຽມຢາມ
ເປັນເວລາ 3 ມື້ຂອງທ່ານ ໂດຍມີພວກເຈົ້າໜ້າທີ່ທຸລະກິດ ປະມານ 300 ຄົນ ຕິດ
ຕາມ​ໄປ​ດ້ວຍ. ໃນມື້ວັນພຸດວານນີ້ ທ່ານໄດ້ປະກາດວ່າ ບໍລິສັດຂອງຈີນ ແລະອິນ
ເດຍຈະລົງນາມໃນຂໍ້ຕົກລົງໃໝ່ດ້ານ​ທຸລະ​ກິດ ຊຶ່ງ​ຈະມີມູນຄ່າທັງໝົດ 16 ພັນລ້ານ
ໂດລາ.

XS
SM
MD
LG