ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ນາຍົກ ອິນເດຍ ພົບປະກັບ ປະທານາທິບໍດີ ມຽນມາ


ນາຍົກລັດຖະມົນຕີອິນເດຍ ທ່ານ ມັນໂມຫັນ ສິງ (ຂວາ) ພົບປະກັບທ່ານນາງອອງຊານ ຊູຈີ (29 ພຶດສະພາ 2012)
ນາຍົກລັດຖະມົນຕີອິນເດຍ ທ່ານ ມັນໂມຫັນ ສິງ (ຂວາ) ພົບປະກັບທ່ານນາງອອງຊານ ຊູຈີ (29 ພຶດສະພາ 2012)

ທ່ານ​ມັນ​ໂມຫັນ ສິງ ນາຍົກລັດຖະມົນຕີອິນ​ເດຍ ພົບ​ປະ​ກັບ​ທ່ານນາງ​ ອອງຊານ​ຊູ​ຈີ ຜູ້​ນໍາ​
ພັກ​ຝ່າຍ​ຄ້ານ​ມຽນມາ ຂະນະ​ທີ່​ທ່ານ​ມ້ວນທ້າຍ​ການ​ຢ້ຽມຢາມ​ມຽນມາ​ເປັນ​ເວລາ 3 ມື້
ໃນ​ວັນ​ອັງຄານມື້​ນີ້ ເພື່ອ​ເສີມຂະຫຍາຍສາຍ​ພົວພັນ​ດ້ານ​ການ​ຄ້າ​ແລະ​ການ​ລົງທຶນລະຫວ່າງ​
ສອງ​ປະ​ເທດເພື່ອນ​ບ້ານໃນ​ເອ​ເຊຍ​ໃຫ້​ເຂັ້ມ​ແຂງ​ຂຶ້ນ.

ນາຍົກລັດຖະມົນຕີສິງ ​ໄດ້​ພົບ​ປະ​ກັບ​ປະທານາທິບໍດີ Thein Sein ແຫ່ງ​ມຽນມາ​ ໃນ​ວັນ​ຈັນ​ມື້ວານ​ນີ້. ພວກ​ຜູ້​ນໍາ​ທັງ​ສອງ​ໄດ້​ລົງ​ນາມ​ໃນ​ຂໍ້ ຕົກລົງ​ກັນ​ປະມານ 10 ກວ່າສະບັບ​ກ່ຽວ​ກັບ​ການ​ຄ້າ​ແລະ​ການ​ລົງທຶນ ຮວມທັງ​ຂໍ້​ຕົກລົງ​ກ່ຽວກັບ​ການ​ບໍລິການ​ທາງ​ອາກາດແລະ​ຄໍາ​ໝັ້ນ​ສັນຍາ ຂອງ​ອິນ​ເດຍ​ໃຫ້​ເງິນ​ສິນ​ເຊື່ອ 500 ລ້ານ​ໂດ​ລາ.

ທ່ານ​ສິງ ​ເປັນ​ນາຍົກລັດຖະມົນຕີອິນ​ເດຍຄົນ​ທໍາ​ອິດ​ທີ່​ທໍາ​ການ​ຢ້ຽມຢາມ​ມຽນມາ​ນັບ​ແຕ່​ປີ 1987 ​ເປັນ​ຕົ້ນ​ມາ.

ທ່ານ​ຈະ​ໄປ​ຢ້ຽມຢາມ​ທ່ານ​ນາງອອງຊານ​ຊູ​ຈີຢູ່​ທີ່​ນະຄອນຢ້າງ​ກຸ້ງ ​ເມືອງ ຫຼວງ​ການ​ຄ້າຂອງ​ມຽນມາກ່ອນ​ທ່ານ​ນາງ​ອອງຊານ​ຊູ​ຈີທີ່​ໄດ້​ຮັບ​ລາງວັນ ​ໂນ​ແບ​ລຂະ​ແໜງ​ສັນຕິພາບ ອອກ​ເດີນທາງ​ໄປຍັງ​ໄທ​ໃນ​ການ​ຢ້ຽມຢາມ​ຕ່າງປະ​ເທດ​ຄັ້ງ​ທໍາ​ອິດ​ຂອງ​ທ່ານນາງ​ໃນ​ຮອບ 24 ປີຜ່ານມາ.

ການ​ພົບ​ປະກັນ​ນີ້ ຖືກ​ມອງ​ເບິ່ງ​ກັນ​ວ່າ ​ເປັນ​ຮ່ອງຮອຍ​ອັນ​ນຶ່ງ​ທີ່​ສະແດງ​ໃຫ້​ເຫັນ​ວ່າ ອິນ​ເດຍ​ເປີດ​ກວ້າງ​ຕໍ່​ຄວາມ​ສຳພັນ​ທີ່​ຢືນຢັນ​ອີກ​ຄັ້ງໃໝ່​ກັບ​ນັກ​ເຄື່ອນ​ໄຫວ​ຝ່າຍ​ຄ້ານ​ຂອງ​ມຽນມາ​ທ່ານ​ນີ້. ລັດຖະບານ​ກຸງ New Delhi ໄດ້​ຖືກ​ຕໍາ​ໜິຕິຕຽນ​ມາ​ເປັນ​ເວລາ​ດົນ​ນານ​ທີ່​ມີ​ສາຍ​ພົວພັນ​ກັບ​ອະ ດີດຄະນະ​ນໍາ​ພາ​ທະຫານ​ທີ່​ກົດ​ຂີ່​ຂົ່ມ​ເຫັງ​ປະຊາຊົນຊຶ່ງ​ໄດ້​ລາ​ອອກ​ຈາກ ຕໍາ​ແໜ່​ງ​ໄປ​ໃນ​ປີ​ແລ້ວ​ນີ້.

ການ​ຄ້າ​ລະຫວ່າງ​ມຽນມາ​ແລະ​ອິນ​ເດຍ​ໃນ​ປັດຈຸບັນ​ນີ້​ມີ​ມູນ​ຄ່າ 1500 ລ້ານ​ໂດ​ລາ​ຕໍ່​ປີ. ບັນດາ​ນັກວິ​ເຄາະ​ກ່າວ​ວ່າ ຄາດ​ກັນ​ວ່າການ​ຄ້າລະ ຫວ່າງ​ສອງ​ປະ​ເທດ ຈະ​ມີ​ມູນ​ຄ່າ​ເກີນ 3 ພັນ​ລ້ານ​ໂດ​ລາ ​ພາຍ​ໃນປີ 2015.

XS
SM
MD
LG