ທະນາຍຄວາມຄົນນຶ່ງ ກ່າວວ່າ ສານແຫ່ງນຶ່ງໃນລັດ Uttar Pradesh ຂອງອິນເດຍໄດ້ຕັດ ສິນວ່າ ວັດສາສະໜາອິສລາມ ທີ່ຖືກທຳລາຍແຫ່ງນຶ່ງ ຢູ່ເມືອງ Ayodhya ນັ້ນຄວນຈະມີການ ແບ່ງປັນກັນ ລະຫວ່າງພວກທີ່ ນັບຖືຮິນດູ ແລະພວກມຸສລິມ.
ສານດັ່ງກ່າວ ຍັງບໍ່ໄດ້ປະກາດໃຫ້ຊາບກ່ຽວກັບຄຳຕັດສິນນີ້ ຢ່າງທາງການເທື່ອໃນວັນ ພະຫັດ ມື້ນີ້.
ທະນາຍຄວາມຜູ້ນີ້ ທີ່ພົວພັນນຳການຟ້ອງຮ້ອງກ່າວວ່າ ຊາວຮິນດູ ຈະຄວບຄຸມສອງສ່ວນ ສາມ ຂອງສະຖານທີ່ດັ່ງກ່າວ ແລະຊາວມຸສລິມ ຈະເປັນຜູ້ຄວບຄຸມ ສ່ວນທີ່ເຫຼືອ.
ກ່ອນການຕັດສິນໃນມື້ນີ້ ອິນເດຍໄດ້ສັ່ງໃຫ້ເຈົ້າໜ້າທີ່ ຮັກສາຄວາມສະຫງົບ ຫຼາຍກວ່າ 200,000 ຄົນຢູ່ໃນທ່າກຽມພ້ອມ ເພື່ອປ້ອງກັນບໍ່ໃຫ້ເກີດຄວາມຮຸນແຮງທາງສາສະໜາ.
ພວກຮິນດູຫົວຮຸນແຮງ ໄດ້ຈູດເຜົາ ວັດສາສະໜາອິສລາມດັ່ງກ່າວ ທີ່ສ້າງຂຶ້ນ ໃນສັດຕະ ວັດທີ 16 ໃນປີ 1992 ໂດຍອ້າງວ່າ ສ້າງໃສ່ຜິດສະຖານທີ່ ຊຶ່ງເປັນບ່ອນເກີດຂອງພະເຈົ້າ ໃນສາສະໜາຮິນດູ.
ເຫດຮ້າຍທີ່ວ່ານີ້ພາໃຫ້ເກີດການຈະລາຈົນຢູ່ໃນທົ່ວປະເທດອິນເດຍທີ່ເຮັດໃຫ້ມີຜູ້ເສຍຊີວິດ ຫຼາຍກວ່າ 2,000 ຄົນ.
ການຕັດສິນໃນມື້ນີ້ ໄດ້ເປັນບັນຫາທ້າທາຍ ທາງດ້ານຄວາມປອດໄພເພີ້ມຕື່ມ ສຳລັບອິນ ເດຍ ທີ່ພວມກະກຽມ ຈະເປັນເຈົ້າພາບ ຈັດການແຂ່ງຂັນກິລາ ຂອງກຸ່ມປະເທດເຄືອຈັກ ກະພົບອັງກິດ ຊຶ່ງຈະເລີ້ມຂຶ້ນ ທີ່ນະຄອນຫຼວງນິວເດລີ ໃນມື້ວັນອາທິດຈະມານີ້.
