ພວກເຈົ້າໜ້າທີ່ອິນເດຍກ່າວໃນວັນພະຫັດມື້ນີ້ວ່າ ມີຄົນເສຍຊີວິດໄປແລ້ວ 102 ຄົນຫລັງ
ຈາກພາກັນດື່ມເຫລົ້າທີ່ເຮັດເອງ ໂດຍພວກຂາຍເຫຼົ້າເຖື່ອນ ທີ່ປົນດ້ວຍຢາພິດ ໃນເຂດຕາ
ເວັນອອກສຽງເໜືອຂອງປະເທດ.
ພວກຊາວເມືອງຮູ້ສຶກບໍ່ສະບາຍຫລັງຈາກຊື້ເຫລົ້າໃນລາຄາຖືກຈາກພວກສົ່ງເຫລົ້າເຖື່ອນ
ໃນຕອນບ່າຍວັນອັງຄານຜ່ານມານີ້ ໃນເຂດເມືອງ 24 ໃຕ້ Parganas ທີ່ເປັນເມືອງທີ່
ຍາກຈົນ ໃນລັດ Bengal ຕາເວັນຕົກນັ້ນ.
ນອກຈາກພວກທີ່ລົ້ມຕາຍໄປ
ແລ້ວນັ້ນ ກໍປາກົດວ່າຍັງມີອີກ
ຢ່າງໜ້ອຍ 135 ຄົນທີ່ເຈັບ
ປ່ວຍ ຊຶ່ງຫລາຍໆຄົນຈົ່ມເຈັບ
ທ້ອງແລະຮາກ. ພວກທີ່ຮູ້ສຶກ
ບໍ່ສະບາຍນັ້ນແມ່ນພວກກໍາມະ
ກອນຫາເຊົ້າກິນຄໍ່າຫລືພວກ
ຄົນງານທຸກຈົນອື່ນໆ.
ນັກຂ່າວຄົນນຶ່ງບອກວີໂອເອວ່າ
ພວກເຈົ້າໜ້າທີ່ໄດ້ຮີບນໍາສົ່ງ
ພວກເຄາະຮ້າຍທີ່ປ່ວຍອາການ
ສາຫັດ 70 ຄົນໄປໂຮງໝໍປະຈໍາ
ເມືອງຫລວງຂອງລັດ.
ພວກເຈົ້າໜ້າທີ່ກ່າວວ່າ ພວກ
ເຂົາເຈົ້າຄາດວ່າ ຈໍານວນຄົນ
ເຈັບປ່ວຍລົ້ມຕາຍຈະສືບຕໍ່ສູງ
ຂຶ້ນໄປອີກ.
ເມື່ອວັນພຸດວານນີ້ ພວກຊາວ
ບ້ານທີ່ໂກດແຄ້ນກັບການເສຍ
ຊີວິດພາກັນຊອກຄົ້ນຫາພວກຜະລິດເຫລົ້າເຖື່ອນຕາມທ້ອງຖິ່ນທີ່ສົງໄສວ່າຂາຍເຫລົ້າທີ່
ພາໃຫ້ສ້າງຄວາມເສຍຫາຍນັ້ນ ໃນຂະນະທີ່ພວກຕໍາຫລວດໄດ້ຈັບກຸມສີ່ຄົນທີ່ພົວພັນກັບ ກໍລະນີດັ່ງກ່າວ.
ປົກກະຕິແລ້ວ ການຜະລິດເຫລົ້າທີ່ຜິດກົດໝາຍໃນອິນເດຍ ມັກຈະປົນດ້ວຍຢາເຄມີເພື່ອ
ເພີ່ມຄວາມແຮງຂອງເຫລົ້າແລະຂາຍໃຫ້ພວກຄົນຍາກຈົນທີ່ອາໃສຢູ່ຕາມຄຸ້ມສະຫຼໍາແລະ
ພວກຊາວນາ. ເຫລົ້າເປັນພິດ ແມ່ນເຂັ່ນຂ້າຫລາຍຮ້ອຍຄົນໃນປະເທດໃນແຕ່ລະປີ.
ໃນປີ 2009 ເກີດເຫດເຫລົ້າເປັນພິດທີ່ໄດ້ເອົາຊີວິດພວກຄົນໄປຢ່າງໜ້ອຍ 112 ຄົນໃນ
ເຂດພາກຕາເວັນຕົກຂອງອິນເດຍ.
