ໃນວັນຢຸດທ້າຍສັບປະດາທີ່ຜ່ານມານີ້ ທາງວັດລາວພຸດທະວົງໄດ້ມີການສະຫຼອງວັນ
ເອກກະລາດຂອງສະຫະລັດ ຊຶ່ງຈັດຂຶ້ນທັງໃນວັນທີ 2 ແລະ 3 ກໍລະກົດ ຊຶ່ງງານສະ
ຫຼອງດັ່ງກ່າວກໍມີທັງແບບຮີດຕອງປະເພນີລາວ ຕັກບາດຢາກນໍ້າ ຊຶ່ງເຮັດໃຫ້ວັດລາວ
ພຸດທະວົງທີ່ມີສະຖານທີ່ກ້ວາງຂວາງນັ້ນ ຄັບແຄບລົງທັນທີ ໂດຍການປະກອບສ່ວນ
ຂອງປະຊາຄົມລາວ, ປະຊາຄົມເອເຊຍແລະຊາວຕ່າງຊາດ ທີ່ເດີນທາງມາຈາກໃກ້ແລະ
ໄກ ແລະຈາກຕ່າງປະເທດກໍຍັງມີ.
ນອກຈາກພິທີທາງສາສະນາ
ຕັກບາດຢາດນໍ້າແລ້ວ ທາງ
ຄະນະກໍາມະການກໍໄດ້ມີການ
ຈັດສະຫຼອງງານລື່ນເລີງມ່ວນ
ຊື່ນ ມີການສະແດງນາດຕະສິນ
ຕ່າງໆ ທີ່ປະກອບສ່ວນຈາກ
ຫຼາຍໆຝ່າຍ. ປະທານຈັດງານ
ກໍຄືຍານ້າ ບຸນເຮ່ງ ອິນເວີຊິນ
ທີ່ໄດ້ອະທິບາຍໃຫ້ຟັງເຖິງຈຸດ
ປະສົງໃນການຈັດສະຫຼອງວັນ
ຊາດສະຫະລັດແບບລາວໆນີ້ວ່າ:
"ປີນີ້ກໍຖືວ່າເປັນການສະຫຼອງ
ຄົບຮອບ 30 ປີ ທີ່ວັດລາວເຮົາສະຫຼອງ 4th of July ກໍຖືວ່າເປັນປະເພນີນຶ່ງທີ່
ເລີ່ມຕົ້ນມາແຕ່ດົນນານແລ້ວ...”
ຫົວແຮງສິດສອນນາດຕະສິນ
ລາວເດີມ ຟ້ອນລໍາໃຫ້ແກ່ລູກຫຼານລາວທີ່ໄດ້ມາສະແດງຟ້ອນແລະຮ້ອງເພງລາວເດີມໃນເວທີສໍາຄັນນີ້ ກໍຄື ອາຈານ ສີອໍາໄພ
ດວງພູມີ ທີ່ໄດ້ບອກກັບ VOA
ວ່າ ມີຄວາມສັດທາໃນພຸດທະ
ສາສະໜາ ມັກເຮັດການກຸສົນ
ແລະຢາກຈະສິດສອນ ມອບສິ່ງ
ທີ່ໄດ້ຮໍ່າຮຽນ ທັງການຟ້ອນ, ການດົນຕີແບບລາວເດີມນີ້ ໃຫ້ແກ່ພວກເຍົາວະຊົນທີ່ເກີດໃນຕ່າງປະເທດໄດ້ສືບທອດຕໍ່ໄປ ຊຶ່ງນາງໄດ້ສະແດງຄວາມຮູ້ສຶກຕໍ່ VOA ວ່າ:
/ ສີອໍາໄພ ດວງພູມີ /
ສິນລະປິນຮັບເຊີນທີ່ເດີນທາງມາຈາກປະເທດໄທ ກໍແມ່ນນ້ອງ ໃບຕອງ ຈັນງາມ
ຊຶ່ງນາງກໍສະແດງຄວາມຮູ້ສຶກຂອງນາງເຊັ່ນກັນ: / ໃບຕອງ ຈັນງາມ/
ໄດ້ມີສິນລະປິນຈາກທົ່ວສາລະທິດເຂົ້າມາຮ່ວມງານໃນຄັ້ງນີ ແລະໃນນັ້ນກໍມີຄະນະ
ສິນລະປິນລາວຈາກ ການາດາທີ່ນໍາພາໂດຍອ້າຍອິນປອນ, ເອື້ອຍວຽງໄຊ ຫຼືວີນາ
ສະຫວັນແລະຍາເອື້ອຍດອກບົວເພັດ ໄຊໂກສີ ຊຶ່ງຕາງໜ້າທາງສິນລະປິນລາວ
ການາດາ ກໍໄດ້ຮ່ວມສະແດງຄວາມຄິດຄວາມເຫັນນັ້ນກໍມີ ຍາເອື້ອຍດອກບົວເພັດ
ໄຊໂກສີ ແລະວີນາ ສະຫວັນ ຊຶ່ງທັງສອງກ່າວດັ່ງຕໍ່ໄປນີ້:
/ ດອກບົວເພັດ ໄຊໂກສີ / ແລະ / ວີນາ ສະຫວັນ /
ງານສະຫຼອງວັນເອກກະລາດສະຫະຣັດຫຼືເອີ້ນກັນອີກແບບກໍຄືວັນພົບເຄືອຍາດທີ່
ທາງວັດລາວພຸດທະວົງໄດ້ຈັດຂຶ້ນນັ້ນແມ່ນຈົບລົງດ້ວຍດີ ໄດ້ທັງບຸນ ໄດ້ທັງຄວາມ
ມວນຊື່ນ ໄດ້ພົບໜ້າພໍ້ຕາຍາດມິດເພື່ອນຝູງ ອີ່ມໜໍ່າສໍາລານ ຊຶ່ງເຮັດໃຫ້ງານສະ
ຫຼອງທີ່ວັດລາວພຸດທະວົງການເປັນປະເພນີສືບສານມານານກວ່າ 30 ປີແລ້ວ
ຊຶ່ງໄດ້ມີການປະກອບສ່ວນຈາກຫຼາຍໆປະຊາຄົມອື່ນໆເພື່ອສະຫຼອງວັນເອກກະ
ລາດທີ່ເປັນພົນລະເມືອງອະເມຣິກັນຢ່າງເຕັມຮູບແບບ ແລະຄົງໄວ້ຊຶ່ງຄວາມເປັນ
ເອກກະລັກຂອງເຊື້ອຊາດລາວໄວ້ ໂດຍການສືບທອດວັດທະນະທໍາ, ການດົນຕີ,
ສິນລະ ແລະຮີດຄອງປະເພນີຕ່າງໆໃຫ້ແກ່ພວກເຍົາວະຊົນຮຸ່ນຫຼັງ ໄດ້ປະຕິບັດ
ຮັກສາສືບຕໍ່ໄປ.
ທາງລາຍການຊີວິດຊາວລາວ
ໃນຕ່າງແດນຂອງ VOA ກໍຈະ
ນໍາເລື່ອງລາວທີ່ໜ້າສົນໃຈອື່ນໆ
ມາຝາກທ່ານຜູ້ຟັງອີກ. ຢ່າລືມ
ຕິດຕາມຮັບຟັງໃຫ້ໄດ້ໃນທຸກໆ ວັນພະຫັດ.
