ລັດຖະມົນຕີການຕ່າງປະເທດສະຫະລັດ ທ່ານ John Kerry
ໄດ້ເດີນທາງໄປຍັງ ປະເທດຟິລິບປີນໃນວັນອັງຄານມື້ນີ້ ບ່ອນ
ທີ່ສະຫະລັດຈະເຈລະຈາເລື່ອງການເສີມຂະຫຍາຍ ການມີໜ້າ
ທາງທະຫານ ຢູ່ທີ່ນັ້ນ.
ການຢ້ຽມຢາມຄັ້ງນີ້ແມ່ນຕິດຕາມມາ ຫຼັງຈາກການຢຸດແວ່
ຫວຽດນາມ ບ່ອນທີ່ທ່ານໄດ້ໃຫ້ຄໍາໝັ້ນສັນຍາວ່າ ຈະໃຫ້ເງິນ
32 ລ້ານໂດລ່າ ເພື່ອຊ່ວຍເຫຼືອ ບັນດາປະເທດເອເຊຍ
ອາຄະເນ ປົກປ້ອງເຂດນ່ານນໍ້າຂອງເຂົາເຈົ້າ ໃນທ່າມກາງ
ທີ່ມີຄວາມເຄັ່ງຕຶງກັບຈີນນັ້ນ.
ທ່ານ ແຄຣີ ໄດ້ປະຕິເສດວ່າ ການຊ່ອຍເຫຼືອອັນໃໝ່ນີ້ ບໍ່ແມ່ນເພື່ອເປັນການຕອບໂຕ້ຕໍ່
ຄວາມເອົາບາດຕະການແບບຮຸກຮານທາງນໍ້າຂອງຈີນ ແຕ່ທ່ານກ່າວວ່າສະຫະລັດ
ສະໜັບສະໜຸນການທູດ ບໍ່ແມ່ນການເອົາບາດກ້າວແຕ່ຝ່າຍດຽວ ໃນກໍລະນີຂັດແຍ້ງກັນ
ລະຫວ່າງຈີນກັບພວກປະເທດອາຊ່ຽນນັ້ນ.
ທ່ານແຄຣີກ່າວວ່າ: “ສັນຕິພາບ ແລະສະຖຽນລະພາບໃນຂົງເຂດ ທະເລຈີນໃຕ້ນັ້ນ
ແມ່ນບູລິມະສິດອັນດັບສູງອັນນຶ່ງ ສໍາຫຼັບພວກເຮົາ ແລະບັນດາປະເທດຢູ່ໃນ
ຂົງເຂດ. ພວກເຮົາມີຄວາມເປັນຫວ່າງຫລາຍທີ່ສຸດ ແລະກໍຄັດຄ້ານຢ່າງແຂງແຮງ
ຕໍ່ການນໍາໃຊ້ວິທີການແບບບີບບັງຄັບແລະຮຸກຮານ ເພື່ອສົ່ງເສີມການອ້າງເອົາ
ກໍາມະສິດໃນດິນແດນນັ້ນ.”
ພາຍໃຕ້ການຊ່ວຍເຫຼືອດັ່ງກ່າວນີ້ ສະຫະລັດຈະໃຫ້ເງິນຊ່ອຍເຫຼືອແກ່ຫວຽດນາມ 18
ລ້ານໂດລ່າ ຊຶ່ງຈະຮວມທັງ ເຮືອໄວສໍາລັບລາດຕະເວນ 5 ລໍາ ໃຫ້ແກ່ໜ່ວຍຍາມຝັ່ງ
ຂອງຫວຽດນາມ. ແລະບັນດາປະເທດອາຊ່ຽນອື່ນໆ ຈະໄດ້ຮັບເງິນ 14.5 ລ້ານໂດລ່າ.
ໃນກຸງມະນີລາ ທ່ານແຄຣີ ຫວັງທີ່ຈະໃຊ້ການພົບປະກັນກັບບັນດາຜູ້ນໍາຂອງຟິລິບປີນ
ໃນວັນອັງຄານມື້ນີ້ ສ້າງຄວາມກ້າວໜ້າໃນເລື້ອງຂໍ້ຕົກລົງ ທີ່ຈະອະນຸຍາດໃຫ້ ທະຫານ
ສະຫະລັດ ເຮືອບິນແລະກໍາປັ່ນ ຜ່ານຟີລິບປີນ ໄດ້ຫຼາຍຂຶ້ນນີ້.
ໃນວັນພຸດມື້ອື່ນນີ້ ທ່ານແຄຣີ ຈະໄປຢ້ຽມຢາມເຂດທີ່ປະສົບກັບໄພພະຍຸໄຕ້ຝຸ່ນໄຮຢັນ
ໃນເດືອນແລ້ວນີ້ ທີ່ໄດ້ພາກຊີວິດຜູ້ຄົນໄປ ຫຼາຍພັນຄົນນັ້ນ ແລະກະຕຸ້ນໃຫ້ສະຫະລັດ
ຈັດສົ່ງການຊ່ອຍເຫຼືອດ້ານມະນຸດສະທໍາຢ່າງຢ່າງຂະໜານໃຫຍ່ ໄປໃຫ້ພາຍໃຕ້ການ
ນໍາພາຂອງທະຫານ ສະຫະລັດ.
ໄດ້ເດີນທາງໄປຍັງ ປະເທດຟິລິບປີນໃນວັນອັງຄານມື້ນີ້ ບ່ອນ
ທີ່ສະຫະລັດຈະເຈລະຈາເລື່ອງການເສີມຂະຫຍາຍ ການມີໜ້າ
ທາງທະຫານ ຢູ່ທີ່ນັ້ນ.
ການຢ້ຽມຢາມຄັ້ງນີ້ແມ່ນຕິດຕາມມາ ຫຼັງຈາກການຢຸດແວ່
ຫວຽດນາມ ບ່ອນທີ່ທ່ານໄດ້ໃຫ້ຄໍາໝັ້ນສັນຍາວ່າ ຈະໃຫ້ເງິນ
32 ລ້ານໂດລ່າ ເພື່ອຊ່ວຍເຫຼືອ ບັນດາປະເທດເອເຊຍ
ອາຄະເນ ປົກປ້ອງເຂດນ່ານນໍ້າຂອງເຂົາເຈົ້າ ໃນທ່າມກາງ
ທີ່ມີຄວາມເຄັ່ງຕຶງກັບຈີນນັ້ນ.
ທ່ານ ແຄຣີ ໄດ້ປະຕິເສດວ່າ ການຊ່ອຍເຫຼືອອັນໃໝ່ນີ້ ບໍ່ແມ່ນເພື່ອເປັນການຕອບໂຕ້ຕໍ່
ຄວາມເອົາບາດຕະການແບບຮຸກຮານທາງນໍ້າຂອງຈີນ ແຕ່ທ່ານກ່າວວ່າສະຫະລັດ
ສະໜັບສະໜຸນການທູດ ບໍ່ແມ່ນການເອົາບາດກ້າວແຕ່ຝ່າຍດຽວ ໃນກໍລະນີຂັດແຍ້ງກັນ
ລະຫວ່າງຈີນກັບພວກປະເທດອາຊ່ຽນນັ້ນ.
ທ່ານແຄຣີກ່າວວ່າ: “ສັນຕິພາບ ແລະສະຖຽນລະພາບໃນຂົງເຂດ ທະເລຈີນໃຕ້ນັ້ນ
ແມ່ນບູລິມະສິດອັນດັບສູງອັນນຶ່ງ ສໍາຫຼັບພວກເຮົາ ແລະບັນດາປະເທດຢູ່ໃນ
ຂົງເຂດ. ພວກເຮົາມີຄວາມເປັນຫວ່າງຫລາຍທີ່ສຸດ ແລະກໍຄັດຄ້ານຢ່າງແຂງແຮງ
ຕໍ່ການນໍາໃຊ້ວິທີການແບບບີບບັງຄັບແລະຮຸກຮານ ເພື່ອສົ່ງເສີມການອ້າງເອົາ
ກໍາມະສິດໃນດິນແດນນັ້ນ.”
ພາຍໃຕ້ການຊ່ວຍເຫຼືອດັ່ງກ່າວນີ້ ສະຫະລັດຈະໃຫ້ເງິນຊ່ອຍເຫຼືອແກ່ຫວຽດນາມ 18
ລ້ານໂດລ່າ ຊຶ່ງຈະຮວມທັງ ເຮືອໄວສໍາລັບລາດຕະເວນ 5 ລໍາ ໃຫ້ແກ່ໜ່ວຍຍາມຝັ່ງ
ຂອງຫວຽດນາມ. ແລະບັນດາປະເທດອາຊ່ຽນອື່ນໆ ຈະໄດ້ຮັບເງິນ 14.5 ລ້ານໂດລ່າ.
ໃນກຸງມະນີລາ ທ່ານແຄຣີ ຫວັງທີ່ຈະໃຊ້ການພົບປະກັນກັບບັນດາຜູ້ນໍາຂອງຟິລິບປີນ
ໃນວັນອັງຄານມື້ນີ້ ສ້າງຄວາມກ້າວໜ້າໃນເລື້ອງຂໍ້ຕົກລົງ ທີ່ຈະອະນຸຍາດໃຫ້ ທະຫານ
ສະຫະລັດ ເຮືອບິນແລະກໍາປັ່ນ ຜ່ານຟີລິບປີນ ໄດ້ຫຼາຍຂຶ້ນນີ້.
ໃນວັນພຸດມື້ອື່ນນີ້ ທ່ານແຄຣີ ຈະໄປຢ້ຽມຢາມເຂດທີ່ປະສົບກັບໄພພະຍຸໄຕ້ຝຸ່ນໄຮຢັນ
ໃນເດືອນແລ້ວນີ້ ທີ່ໄດ້ພາກຊີວິດຜູ້ຄົນໄປ ຫຼາຍພັນຄົນນັ້ນ ແລະກະຕຸ້ນໃຫ້ສະຫະລັດ
ຈັດສົ່ງການຊ່ອຍເຫຼືອດ້ານມະນຸດສະທໍາຢ່າງຢ່າງຂະໜານໃຫຍ່ ໄປໃຫ້ພາຍໃຕ້ການ
ນໍາພາຂອງທະຫານ ສະຫະລັດ.
