ປະທານປະເທດຈີນ ທ່ານ Xi Jinping ໄດ້ເດີນທາງໄປເຖິງອີ
ຣ່ານ ເພື່ອຢ້ຽມຢາມຢ່າງເປັນທາງການ ທີ່ຄາດວ່າຈະເຫັນທັງ
ສອງປະເທດຂະຫຍາຍຄວາມສຳພັນທາງດ້ານການທູດ ແລະ
ເສດຖະກິດ.
ອົງການຂ່າວ IRNA ຂອງທາງການອີຣ່ານ ລາຍງານວ່າ ຫລັງ
ຈາກໄດ້ເດີນທາງໄປເຖິງນະຄອນຫຼວງເຕຫະຣ່ານ ໃນຕອນ
ແລງວັນສຸກວານນີ້ແລ້ວ ປະທານປະເທດ Xi ກ່າວວ່າ ປັກກິ່ງ
ແມ່ນເບິ່ງໄປຂ້າງໜ້າໃນ “ລະດູການໃໝ່” ຂອງຄວາມສຳພັນ
ລະຫວ່າງຈີນກັບອີຣ່ານ.
ມີການອ້າງຄຳເວົ້າ ຂອງ ທ່ານ Xi ທີ່ກ່າວວ່າ “ຈີນ ກຳລັງຊອກຫາຊ່ອງທາງເພື່ອປັບປຸງ
ຄວາມສຳພັນສອງຝ່າຍກັບອີຣ່ານ ເພື່ອເລີ້ມຕົ້ນລະດູການໃໝ່ ໃນຄວາມສຳພັນແບບ
ກວ້າງຂວາງ ໄລຍະຍາວ ແລະຍືນຍົງ ກັບສາທາລະນະລັດອິສລາມ.”
ຈີນ ເປັນຜູ້ໃຊ້ນໍ້າມັນອີຣ່ານຫລາຍກວ່າໝູ່ ແມ່ນແຕ່ໃນລະຍະສາມປີທີ່ມີການລົງໂທດ
ຂອງສາກົນ ທີ່ແນໃສ່ໂຄງການນິວເຄລຍອີຣ່ານ. ບັດນີ້ການລົງໂທດດັ່ງກ່າວ ໄດ້ຖືກຍົກ
ເລີກໄປແລ້ວ ແລະອີຣ່ານ ກຳລັງເລັ່ງ ລັດການຜະລິດນໍ້າມັນ ແລະສາຍສຳພັນດັ່ງກ່າວ
ທີ່ອາດຈະເຕີບໂຕໄປໜ້າ.
ອີງຕາມອົງການຂ່າວ IRNA ແລ້ວ ໃນລະຫວ່າງການຢ້ຽມຢາມຄັ້ງນີ້ ອີຣ່ານແລະຈີນ ຈະ
ເຊັນສັນຍາ 17 ສະບັບ ເພື່ອຂະຫຍາຍການຮ່ວມ ມືທາງດ້ານເສດຖະກິດ ອຸດສາຫະກຳ
ວັດທະນາທຳ ແລະ ດ້ານຕຸລາການ.
ປະທານປະເທດຈີນ ທ່ານ Xi ຊຶ່ງກຳລັງຢ້ຽມຢາມອີຣ່ານເປັນເທື່ອທຳອິດ ໃນນາມຜູ້ນຳ
ຂອງຈີນ ໃນຮອບ 14 ປີ ໄດ້ພົບປະກັບປະທານາທິ ບໍດີອີຣ່ານ ທ່ານ Hasan Rouhani.
ຕໍ່ມາທ່ານຈະພົບກັບ ຜູ້ນຳສູງ ສຸດຂອງອີຣ່ານ Ayaltollah Ali Khamenei.
ຈີນ ໄດ້ຫລີ້ນບົດບາດທີ່ສຳຄັນຢູ່ໃນເວທີສາກົນ ໃນຄວາມພະຍາຍາມເພື່ອຜ່ອນຜັນການ
ລົງໂທດຕໍ່ອີຣ່ານ ເພື່ອການແລກປ່ຽນໃຫ້ອີຣ່ານຫລຸດ ຜ່ອນໂຄງການນິວເຄລຍຂອງຕົນລົງ.
