ລິ້ງ ສຳຫລັບເຂົ້າຫາ

logo-print

ທ່ານ Cruz ຈາກພັກ ຣີພັບບລີກັນ ໄດ້ຮັບໄຊຊະນະ ໃນການ ປະຊຸມຄັດເລືອກ ຂອງພັກ ໃນລັດ Iowa


ຊົມວິດີໂອ ກ່ຽວກັບ ຂ່າວນີ້

ສະມາຊິກ​ສະພາ​ສູງ Ted Cruz ແມ່ນຜູ້ຊະນະເລີດ​ໃນ​ການປະຊຸມ ຄັດເລືອກເອົາ ຕົວ​ແທນ ​ຜູ້​ເຂົ້າ​ແຂ່ງຂັນ​ເອົາຕຳແໜ່ງປະທານາທິບໍ ດີພັກ ຣີພັບບລີກັນ ໃນລັດ Iowa, ເຊິ່ງເປັນການທົດສອບຢ່າງເປັນ ທາງການ ຂອງການໂຄສະນາຫາສຽງເອົາ ຕຳແໜ່ງປະທານາທິບໍ ດີສະຫະລັດ ປີ 2016. ແຕ່ວ່າການແຂ່ງຂັນໃນພັກ ເດໂມ ແຄຣັດ ລະຫວ່າງ ທ່ານນາງ Hilary Clinton ແລະ ທ່ານ Bernie Sanders ໄດ້ ຈົບລົງດ້ວຍຜົນຄະແນນເກືອບເທົ່າກັນ, ເຊິ່ງເປັນ ການສະແດງໃຫ້ເຫັນວ່າ ຍັງຈະ ມີການແຂ່ງຂັນ​ໃນ​ການ​ເລືອກ​ຕັ້ງ ຂັ້ນຕົນທີ່ຍາວນານຢູ່. ທ່ານ Cruz ແມ່ນໄດ້ມີ​ຄະ​ແນນ​ສຽງຕິດຕາມ ມາຢ່າງໃກ້ຊິດໃນການແຂ່ງຂັນ ຂອງພັກຣີພັບບລີກັນ ໂດຍມະຫາ ເສດຖີອະສັງຫາລິມະຊັບ ທ່ານ Donald Trump ແລະ ສະມາຊິກ ສະພາ ສູງ ຈາກລັດ Florida ທ່ານ Marco Rubio ທີ່ໄດ້ສະແດງໃຫ້ເຫັນ​ເຖິງຄວາມແຂງ ແກ່ນເຊິ່ງອາດຈະນຳຜົນ ປະໂຫຍດມາໃຫ້ແກ່ທ່ານ ຈົນຮອດຕອນທ້າຍຂອງ ການແຂ່ງຂັນກໍ ໄດ້. ນັກຂ່າວແຫ່ງຊາດຂອງ ວີໂອເອ Jim Malone ມີລາຍງານ ເພີ່ມເຕີມໃນການແຂ່ງຂັນ ເອົາຕຳແໜ່ງປະທານາທິບໍດີ ຈາກ​ເມືອງ Des Moines ລັດ Iowa. ເຊິ່ງ ພຸດທະສອນ ຈະນຳ ລາຍລະອຽດມາສະເໜີທ່ານ.

ທ່ານ Ted Cruz ຜູ້ລົງແຂ່ງຂັນສັງກັດພັກ ຣີພັບບລີກັນ ກ່າວວ່າ “ຂໍໃຫ້ພະເຈົ້າ ຈົ່ງຄຸ້ມຄອງ ລັດ Iowa ທີ່ຍິ່ງໃຫຍ່.”

ນັ້ນຄືຄຳເວົ້າຂອງທ່ານ Ted Cruz ສະມາຊິກສະພາສູງລັດ Texas ຊຶ່ງເປັນຜູ້ນິ ຍົມແນວທາງ ເດີມຕໍ່ຕ້ານນະຄອນຫຼວງ ວໍຊິງຕັນ, ໄດ້ປະກົດຕົວອອກມາຈາກສະໜາມແຂ່ງຂັນທີ່ໜາແໜ້ນ ຂອງພັກ ຣີພັບບລີກັນ ເພື່ອຍຶດເອົາໄຊຊະ ນະ.

ທ່ານ Ted Cruz ກ່າວວ່າ “ຄ່ຳຄືນນີ້, ແມ່ນໄຊຊະນະສຳລັບລະດັບຮາກຖານ. ຄ່ຳຄືນນີ້ ແມ່ນໄຊຊະນະຂອງພວກຈາຮີດນິຍົມທີ່ກ້າຫານໃນທົ່ວລັດ Iowa ແລະ ທົ່ວປະເທດທີ່ຍິ່ງ ໃຫຍ່ນີ້. ຄ່ຳຄືນນີ້ ລັດ Iowa ໄດ້ອອກປາກອອກສຽງ ຂອງຕົນແລ້ວ.”

ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສັງກັດພັກ ຣີພັບບລີກັນ ສະມາຊິກສະພາສູງລັດ Texus ທ່ານ Ted Cruz ກ່າວຄຳເຫັນໃນລະຫວ່າງ ການຊຸມນຸມຄ່ຳຄືນການຄັດເລືອກ ຂອງພັກ, ໃນນະຄອນ Des Moines ລັດ Iowa. 1 ມັງກອນ 2016.
ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສັງກັດພັກ ຣີພັບບລີກັນ ສະມາຊິກສະພາສູງລັດ Texus ທ່ານ Ted Cruz ກ່າວຄຳເຫັນໃນລະຫວ່າງ ການຊຸມນຸມຄ່ຳຄືນການຄັດເລືອກ ຂອງພັກ, ໃນນະຄອນ Des Moines ລັດ Iowa. 1 ມັງກອນ 2016.

ສຳລັບທ່ານ Donald Trump, ເຊິ່ງເປັນຜູ້ທີ່ນຳໜ້າໃນການແຂ່ງຂັນມາເປັນເວລາຫຼາຍ ເດືອນ, ໄດ້ຈົບລົງດ້ວຍອັນດັບ 2 ໃກ້ຄຽງກັບທ່ານ Cruz ແລະ ຈະຍ້າຍ ໄປແຂ່ງຂັນໃນຄັ້ງຕໍ່ ໄປທີ່ລັດ New Hampshire ເຊິ່ງມີແນວໂນ້ມວ່າທ່ານຈະໄດ້ ຮັບໄຊຊະນະ.

ທ່ານ Donald Trump ກ່າວວ່າ “ພວກເຮົາຈະກ້າວຕໍ່ໄປເພື່ອຮັບເອົາການສະ ເໜີຊື່ຜູ້ຕາງ ໜ້າໃຫ້ພັກ ຣີພັບບລີກັນ, ພວກເຮົາຈະກ້າວຕໍ່ໄປເພື່ອເອົາຊະນະ ທ່ານນາງ Hilary ແລະ ທ່ານ Bernie ຫຼືໃຜກໍຕາມທີ່ມີຊື່ຢູ່ຫັ້ນ.”

ສະມາຊິກສະພາສູງລັດ Florida ທ່ານ Marco Rubio ໄດ້ຮັບໄຊຊະນະເປັນອັນ ດັບ 3, ເຊິ່ງ ໃກ້ຄຽງກັບທ່ານ Trump ຢ່າງໜ້າແປກໃຈ, ທ່ານໄດ້ປະກົດຕົວຂຶ້ນ ບາງທີອາດເປັນ ຕົວເກັງ ຂອງບັນດາສະຊິກພັກຣິພັບບລີກັນກໍເປັນໄດ້.

ທ່ານ Marco Rubio ກ່າວວ່າ “ທີ່ລັດ Iowaໃນຄ່ຳຄືນນີ້, ປະຊາຊົນຂອງລັດນີ້ ໄດ້ສົ່ງຂໍ້ ຄວາມທີ່ຈະແຈ້ງອອກມາ. ຫຼັງຈາກ 7 ປີຂອງການດຳລົງຕຳແໜ່ງໂດຍ ທ່ານ ບາຣັກ ໂອ ບາມາ, ພວກເຮົາຈະບໍ່ລໍຖ້າອີກຕໍ່ໄປເພື່ອນຳເອົາປະເທດຂອງ ພວກເຮົາກັບຄືນມາ.”

ຈຳນວນຜູ້ທີ່ອອກມາລົງຄະແນນສຽງແມ່ນສູງເປັນສະຖິຕິ, ເຊິ່ງເຂົ້າບັນຈຸໃນຫໍປະ ຊຸມໃນທີ່ ແຫ່ງນີ້ໃນພາກຕາເວັນຕົກຂອງນະຄອນ Des Moines, ເປັນບ່ອນທີ່ ທ່ານນາງ Sheila Waller ໃຫ້ການສະໜັບສະໜູນທ່ານ Marco Rubio.

ທ່ານນາງ Sheila Waller ກ່່າວວ່າ “ຂ້າພະເຈົ້າຄິດວ່າເພິ່ນເປັນຄົນທີ່ເວົ້າໄດ້ ດີທີ່ສຸດ, ເປັນ ຄົນທີ່ມີການສຶກສາສູງ ແລະ ມີຄວາມສະຫຼຽວສະຫຼາດ ກ່ຽວກັບ ນະໂຍບາຍການຕ່າງປະ ເທດ ແລະ ຂ້າພະເຈົ້າຄິດວ່າ ບາງທີສິ່ງນັ້ນຈະຖືກໃຈ ທຸກໆຄົນ.”

ການແຂ່ງຂັນຂອງພັກ ເດໂມແຄຣັດ ແມ່ນມີຄວາມສູສີກັນທີ່ສຸດ ໂດຍທ່ານນາງ Hilary Clinton ແລະ ທ່ານ Bernie Sanders ມີຄະແນນທີ່ແທບຈະເທົ່າກັນ. ແຕ່ວ່າທ່ານນາງ Clinton ຖືວ່າມັນເປັນໄຊຊະນະຂອງທ່ານນາງ.

ທ່ານນາງ Hilary Clinton ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສັງກັດພັກ ເດໂມແຄຣັດ ພ້ອມກັບສາມີຂອງທ່ານນາງ ທ່ານ Bill Clinton ອະດີດປະທານາທິບໍດີ ເດີນທາງ ຮອດການປະຊຸມຄັດເລືອກຂອງພັກ ທີ່ມະຫາວິທະຍາໄລ Drake ໃນນະຄອນ Des Moines ລັດ Iowa. 1 ກຸມພາ 2016.
ທ່ານນາງ Hilary Clinton ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ສັງກັດພັກ ເດໂມແຄຣັດ ພ້ອມກັບສາມີຂອງທ່ານນາງ ທ່ານ Bill Clinton ອະດີດປະທານາທິບໍດີ ເດີນທາງ ຮອດການປະຊຸມຄັດເລືອກຂອງພັກ ທີ່ມະຫາວິທະຍາໄລ Drake ໃນນະຄອນ Des Moines ລັດ Iowa. 1 ກຸມພາ 2016.

ທ່ານນາງ Clinton ໄດ້ກ່າວວ່າ "ວາວ, ຄືນນີ້ຈັ່ງແມ່ນພິເສດແທ້ໆນໍ້. ຈັ່ງແມ່ນ ເປັນການແຂ່ງ ຂັນທີ່ດີຫຼາຍ. ມັນເປັນກຽດຢ່າງຍິ່ງທີ່ໄດ້ລົງແຂ່ງຂັນໃນທົ່ວລັດ Iowa ພ້ອມກັບບັນດາທ່ານ ທັງຫຼາຍ, ເພື່ອສ້າງເຫດການເພື່ອອະນາຄົດທີ່ ພວກເຮົາຕ້ອງການ ສຳລັບພັກ ເດໂມແຄຣັດ ແລະ ສຳລັບປະເທດ ສະຫະລັດ ອາເມຣິກາ.”

ນອກນັ້ນທ່ານ Sanders ກໍແມ່ນໄດ້ອ້າງເອົາໄຊຊະນະເຊັ່ນກັນ, ອ້ອມຮອບໂດຍ ບັນດາຜູ້ລົງ ຄະແນນໄວໜຸ່ມ ຜູ້ທີ່ສະໜັບສະໜູນຂໍ້ຄວາມກ່ຽວກັບ ເສດຖະກິດ ຂອງທ່ານ. ທ່ານເປັນຄົນທີ່ ກະຕືລືລົ້ນທີ່ຈະເຄື່ອນຍ້າຍໄປຕໍ່ທີ່ລັດ New Hampshire ເຊິ່ງເປັນບ່ອນທີ່ທ່ານມີຄະແນນນຳ ໜ້າທ່ານນາງ Clinton ຕັ້ງຫຼາຍ.

ທ່ານ Bernie Sanders ກ່າວວ່າ “ໃນເມື່ອວິກິດທີ່ໃຫຍ່ໂຕກຳລັງປະເຊີນໜ້າ ກັບປະເທດ ຂອງພວກເຮົາ, ມັນຢາກຊັກຊ້າໄປໂພດສຳລັບ ການແກ້ໄຂບັນຫາ ການເມືອງ ແລະ ເສດ ຖະກິດ.”

ພັກເດໂມແຄຣັດ ກໍໄດ້ມີຄົນອອກມາລົງຄະແນນຈຳນວນຫຼວງຫຼາຍເຊັ່ນກັນ. ຢູ່ທີ່ ລັດ Des Moines ນີ້, ຜູ້ສະໜັບສະໜູນທ່ານ Sanders ແລະ ທ່ານນາງ Clinton ແມ່ນມີຄວາມກະຕື ລືລົ້ນທີ່ຈະປ່ອນບັດລົງຄະແນນສຽງຂອງພວກເຂົາ ເຈົ້າ.

ນາງ Amelia Mohr, ຜູ້ສະໜັບສະໜູນທ່ານ Sanders ກ່າວວ່າ “ທ່ານແມ່ນຄົນ ທີ່ເຮັດໃຫ້ ຂະບວນການທາງດ້ານການເມືອງມີຄວາມຕື່ນເຕັ້ນ.”

ທ້າວ Randy Kane ຜູ້ສະໜັບສະໜູນທາງນາງ Clinton ກ່າວວ່າ “ຂ້າພະເຈົ້າ ຄິດວ່າ ທ່ານນາງຈະເປັນຜູ້ລົງແຂ່ງຂັນທີ່ແຂງແກ່ນທີ່ສຸດ ເພື່ອປະຕິບັດຕາມ ແນວທາງຂອງທ່ານ ໂອບາມາ ແລະ ສາມາດທີ່ຈະເຮັດວຽກເພື່ອຄວາມກ້າວ ໜ້າກັບ ລັດຖະສະພາ.”

ທ່ານ Martin O’Mally ຈາກພັກເດໂມແຄຣັດ ແລະ ທ່ານ Mike Huckabee ຈາກພັກ ຣີ ພັບບລີກັນ ໄດ້ຢຸດເຊົາການໂຄສະນາຫາສຽງຂອງພວກທ່ານ ຫຼັງຈາກ ໄດ້ຄະແນນສຽງທີ່ຕ່ຳ. ປະຈຸບັນນີ້ສຳລັບຜູ້ທີ່ຍັງເຫຼືອຢູ່ແມ່ນຈະເຄື່ອນໄປຕໍ່ທີ່ລັດ New Hampshire ສຳລັບການ ເລືອກຕັ້ງຂັ້ນປະຖົມມະເລີກນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG