ລິ້ງ ສຳຫລັບເຂົ້າຫາ

logo-print

ຢູ່ໃນອາຟຣິກາ ຢາເສບຕິດ ກໍເລັດລອດໄປຫາ ພວກຜູ້ບໍລິໂພກໄດ້ ໃນລະຫວ່າງ ການຈຳກັດຕ່າງໆ ຍ້ອນໄວຣັສໂຄໂຣນາ 


ໃນພາບນີ້ຖ່າຍໃນວັນສຸກ ທີ 17 ສິງຫາ 2018, ຕຳຫຼວດກຳລັງກວດຄົ້ນຜູ້ຕ້ອງສົງໄສໃນລະຫວ່າງການເຂົ້າກວດຄົ້ນເຮືອນຫລັງນຶ່ງ ທີ່ຮູ້ຈັກກັນດີ ເປັນບ່ອນເສບຢາ ໃນເຂດແມນເນັນເບີກ ນະຄອນຫຼວງ ເຄບທາວ ຂອງອາຟຣິກາໃຕ້.

ກິດຈະກຳຂອງເຂດອາຟຣິກາ ໃນຖານະເປັນສູນກາງຢາເສບຕິດທີ່ຜິດກົດໝາຍຂອງໂລກ ແມ່ນຍັງສືບຕໍ່ໄປ ອີງຕາມການກ່າວຂອງບັນດາເຈົ້າໜ້າທີ່ ເຖິງແມ່ນວ່າ ຫຼາຍໆເສດຖະກິດ ທີ່ໃຫຍ່ທີ່ສຸດຂອງທະວີບດັ່ງກ່າວ ໄດ້ອອກຂໍ້ຈຳກັດ ໃນການເຄື່ອນຍ້າຍໄປມາ ເພື່ອທີ່ຈະຢຸດຢັ້ງການລະບາດ ຂອງໄວຣັສໂຄໂຣນາ ກໍຕາມ. ບັນດາເຈົ້າໜ້າທີ່ບັງຄັບໃຊ້ກົດໝາຍ ຕໍ່ຕ້ານຢາເສບຕິດ ຂອງອາເມຣິກາ ກ່າວວ່າ ພວກເພິ່ນເປັນຫ່ວງຢ່າງຍິ່ງ ກ່ຽວກັບສິ່ງທີ່ປາກົດວ່າ ເປັນຫລັກຖານທີ່ເພີ້ມຂຶ້ນເລື້ອຍໆຂອງການເສບຢາເສບຕິດຢູ່ໃນທະວີບນີ້ໂດຍບົງບອກວ່າ ອາຟຣິ ກາບໍ່ພຽງແຕ່ເປັນທາງຜ່ານເທົ່ານັ້ນແຕ່ຍັງເປັນຕະຫຼາດເສບຢາດ້ວຍຕົນເອງຫຼາຍ ຂຶ້ນເລື້ອຍໆ. ອານິຕາ ພາວໂວລ ນັກຂ່າວຂອງວີໂອເອ ລາຍງານມາຈາກ ນະ ຄອນໂຈຮານເນສເບີກຂອງອາຟຣິກາໃຕ້ ຊຶ່ງໄຊຈະເລີນສຸກ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.

ມາດຕະການປິດເມືອງຍ້ອນໄວຣັສໂຄໂຣນາໃນທົ່ວອາຟຣິກາ ໄດ້ສົ່ງຜົນກະທົບຕໍ່ເສດຖະກິດທັງຫຼາຍຢ່າງໜັກໜ່ວງ ໂດຍທີ່ເສດຖະກິດຍັກໃຫຍ່ຂອງໄນຈີເຣຍ ສູນເສຍໜັກ ກະປະມານໄດ້ວ່າ 18 ຕື້ໂດລາ ໃນລະຫວ່າງການປິດເມືອງຂອງຕົນ ເປັນເວລາ 5 ອາທິດ ທີ່ເລີ້ມຈາກເດືອນມີນາ ຫາເມສາ ອີງຕາມຂໍ້ມູນຈາກສະຖາບັນຄົ້ນຄວ້ານະໂຍບາຍດ້ານອາຫານສາກົນ.

ເຈົ້າໜ້າທີ່ຕໍ່ຕ້ານຢາເສບຕິດ ຂອງອາເມຣິກາ ກ່າວວ່າ ແຕ່ເຖິງຢ່າງນັ້ນກໍຕາມ ພວກຢາເສບຕິດ ແລະສິນຄ້າທີ່ຜິດກົດໝາຍອື່ນໆ ແມ່ນຍັງເລັດລອດຜ່ານ ທະວີບໄປໄດ້ ແລະໄປເຖິງພວກຜູ້ບໍລິໂພກຢູ່ໃນອາຟຣິກາ. ທ່າມກາງຂໍ້ຈຳກັດໃນການປິດເມືອງທີ່ເຄັ່ງຄັດຂອງອາຟຣິກາ ຕຳຫຼວດກໍຍັງຍຶດໄດ້ຫໍ່ສິນຄ້າບັນຈຸຢາໂຄເຄນ ມູນຄ່າຫຼາຍກວ່າ 1.8 ລ້ານໂດລາ.

ປະເທດທີ່ໃຫຍ່ທີ່ສຸດຂອງທະວີບອາຟຣິກາຈຳນວນນຶ່ງ ໄດ້ວາງຂໍ້ຈຳກັດໃນດ້ານການເດີນທາງ ແລະດ້ານເສດຖະກິດ ໃນຄວາມພະຍາຍາມທີ່ຈະຢຸດຢັ້ງໄວຣັສໂຄໂຣນາ ອັນເປັນການເຄື່ອນໄຫວທີ່ຄວນຈະເຮັດໃຫ້ການຄ້າຂາຍຢາເສບຕິດທີ່ຜິດກົດໝາຍນັ້ນ ຫລຸດລົງນຳດ້ວຍ.

ຮອງລັດຖະມົນຕີຊ່ວຍວ່າການກະຊວງການຕ່າງປະເທດ ປະຈຳພະແນກຢາເສບຕິດແລະການບັງຄັບໃຊ້ກົດໝາຍສາກົນ ທ່ານນາງ ແຮເຕີ ແມຣິດຕ໌ ກ່າວວ່າ ແທນທີ່ຈະເປັນຈັ່ງຊັ້ນ ພວກຄ້າຢາເສບຕິດໄດ້ປັບປ່ຽນວິທີໃໝ່. ຍົກຕົວຢ່າງ ໃນບໍ່ເທົ່າໃດເດືອນມໍ່ໆມານີ້ ໜ່ວຍງານຂອງເພິ່ນ ໄດ້ເຫັນການຄ້າຂາຍຢາເສບຕິດຜິດກົດໝາຍທາງອອນໄລ ເພີ້ມຂຶ້ນຢູ່ໃນອາຟຣິກາ ແລະເປັນການເພີ້ມຂຶ້ນໃນຫ້ອງທົດລອງຫຼາຍແຫ່ງໃນທ້ອງຖິ່ນ. ທ່ານນາງຍັງເປັນຫ່ວງວ່າ ເສດຖະກິດທີ່ຊຸດໂຊມ ອາດຊຸກຍູ້ໃຫ້ພວກຄົນທີ່ສິ້ນຫວັງທັງຫຼາຍ ຫັນໄປຄ້າຂາຍສິ່ງທີ່ຜິດກົດໝາຍ.

ທ່ານນາງແມຣິດຕ໌ເວົ້າວ່າ “ເງິນທຶນສຸກເສີນສຳລັບມາດຕະການຮັບມືກັບໂຣກລະບາດ ທີ່ລັດຖະບານຕ່າງໆໄດ້ອະນຸມັດໄປນັ້ນ ຫຼືແມ່ນກະທັງການຊ່ອຍເຫຼືອໃໝ່ຈາກຕ່າງປະເທດ ທີ່ລັ່ງໄຫລເຂົ້າມາເພື່ອຊ່ອຍໃນການຮັບມືກັບໂຣກລະບາດ ສາມາດສ້າງໂອກາດໃໝ່ຕ່າງໆໄດ້ ແຕ່ເປັນທີ່ໜ້າເສຍໃຈຍ້ອນການສໍ້ລາດບັງຫຼວງໃນດ້ານການຈັດຊື້ ຫຼືການສໍ້ໂກງ…ຕະຫຼອດໄລຍະກາງແລະຍາວ ຄວາມຫຍຸ້ງຍາກທາງດ້ານເສດຖະກິດ-ສັງຄົມ ທີ່ພວກເຮົາເຫັນ ອາດນຳໄປສູ່ກິດຈະກຳດ້ານອາຊະກຳເພີ້ມຂຶ້ນ ໃນຂະນະທີ່ບາງສ່ວນ ຖືກກົດດັນໃຫ້ອອກຈາກວຽກງານທີ່ສຸດຈະລິດ ຍ້ອນການຊຸດໂຊມລົງຂອງເສດຖະກິດນັ້ນ. ແລະພວກເຮົາເຫັນວ່າ ເສດຖະກິດທີ່ຜິດກົດໝາຍທັງຫຼາຍອາດໄດ້ປຽບກວ່າ ເມື່ອຕ່ອງໂສ້ໃນການສົ່ງສິນຄ້າໄດ້ຖືກລົບກວນເປັນເວລາຍາວນານ. ສະນັ້ນແລ້ວ ມັນອາດຈະສ້າງຕະຫຼາດມືດໃໝ່ໆຂຶ້ນມາ ສຳລັບສິນຄ້າທັງຫຼາຍ.”

ຫຼາຍປີຜ່ານມາ ອົງການຕໍ່ຕ້ານຢາເສບຕິດສາກົນທັງຫຼາຍ ໄດ້ເຫັນວ່າ ທະວີບນີ້ເປັນສູນກາງສຳລັບສິນຄ້າທີ່ຜິດກົດໝາຍ ໂດຍມີທ່າເຮືອຕ່າງໆ ຢູ່ໃນປະເທດເຄນຢາ ໄນຈີເຣຍ ແລະແທນຊາເນຍ ໄດ້ຖືກນຳໃຊ້ເພື່ອນຳສົ່ງພວກຢາເສບຕິດ ໄປຍັງທະວີບຢູໂຣບ ຫຼື ສະຫະລັດ. ແຕ່ທ່ານນາງ ແມຣິດຕ໌ ກ່າວວ່າ ຄວາມຕ້ອງການຢາເສບຕິດຂອງອາຟຣິກາແມ່ນເພີ້ມຂຶ້ນເລື້ອຍໆ.

ທ່ານນາງແມຣິດຕ໌ ກ່າວອີກວ່າ “ໜ້າເສຍດາຍ ແນວໂນ້ມຂອງການໃຊ້ຢາເສບຕິດໃນອາຟຣິກາ ແລະການເສບແມ່ນສູງຂຶ້ນເລື້ອຍໆ. ອົງການສະຫະປະຊາຊາດ ກະປະມານວ່າ 6 ລ້ານຄົນໃນອາຟຣິກາ ຕິດຢາແກ້ປວດ ອັນນີ້ແມ່ນຢູ່ໃນບົດລາຍງານປີ 2020 ແລະວ່າ ປະມານ 1.9 ເປີເຊັນຂອງພວກຜູ້ໃຫຍ່ໃນເຂດອາຟຣິກາຕະເວັນຕົກ ແມ່ນເຈັບປ່ວຍຈາກການໃຊ້ຢາ. ແລະຢູ່ໃນໄນຈີເຣຍ ຈຳນວນຂອງຄົນປ່ວຍ ແມ່ນຮ້າຍແຮງກວ່າ. ຂ້າພະເຈົ້າ ໄດ້ຮຽນຮູ້ຕອນທີ່ຂ້າພະເຈົ້າຢູ່ໃນໄນຈີເຣຍ ເມື່ອລະດູໃບໄມ້ລົນປີກາຍນີ້ ມັນເປັນບັນຫາຮ້າຍແຮງແທ້ໆເລີຍ ແລະລັດຖະບານຂອງທ່ານບູຮາຣີ ມີຄວາມເປັນຫ່ວງຫຼາຍຊ່ຳໃດ ກ່ຽວກັບການເສບຢາເສບຕິດ ພາຍໃນປະຊາກອນຂອງໄນຈີເຣຍ.”

ທ່ານນາງ ແມຣິດຕ໌ ໄດ້ກ່າວວ່າ ພວກຜູ້ໃຫຍ່ຢູ່ໄນຈີເຣຍ ມີຈຳນວນທີ່ໜ້າຕົກ ໃຈ ຄິດສະເລ່ຍເປັນ 4.7 ເປີເຊັນ ແມ່ນພວກໃຊ້ຢາທີ່ບໍ່ກ່ຽວຂ້ອງໃນດ້ານການຮັກສາປິ່ນປົວ. ແລະສະນັ້ນແລ້ວ ທ່ານນາງ ແມຣິດຕ໌ ໄດ້ກ່າວວ່າ ເຖິງແມ່ນວ່າ ປະເທດທັງຫຼາຍພະຍາຍາມທີ່ຈະຢຸດຢັ້ງໄວຣັສ ເພື່ອບໍ່ໃຫ້ແຜ່ລະບາດໄປຢູ່ນັ້ນ ພວກຄ້າຢາເສບຕິດ ກໍຈະຍັງຄົງຫາທາງ ທີ່ຈະເຄື່ອນຍ້າຍສິນຄ້າຂອງພວກເຂົາເຈົ້າ.

ອ່ານຂ່າວນີ້ຕື່ມ ເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG