ລິ້ງ ສຳຫລັບເຂົ້າຫາ

IMF ຍ້ອງຍໍ ການເຕີບໂຕທາງ ເສດຖະກິດຂອງເອເຊຍ ໂດຍສະເພາະຈີນ

  • ສິງ ບູລົມມະວົງ

ທ່ານນາງ Christine Lagarde (ກາງ) ຫົວໜ້າກອງທຶນສາກົນ IMF ຂະນະປຶກສາຫາລືກັບພວກລັດຖະມົນຕີການເງິນແຫ່ງພາກພື້ນຢູໂຣບ

ຫົວໜ້າ​ກອງ​ທຶນ​ສາກົນ ຫລື​ໄອແອ​ມ​ເອຟ ກໍາລັງ​ຊຸກຍູ້​ສົ່ງ​ເສີມບົດບາດອັນ​ສໍາຄັນ​ຂອງ​ຂົງ
ເຂດ​ເອ​ເຊຍ ​ໃຫ້​ການກອບ​ກູ້​ເສດຖະກິດ​ໂລກ ​ແລະ​ພ້ອມ​ດຽວ​ກັນ ກໍ​ຮຽກຮ້ອງ​ໃຫ້ຂົງ​ເຂດ​
ດັ່ງກ່າວ​ຈົ່ງ​ຕຽມ​ພ້ອມຮັບ​ມື​ ​ໃນ​ກໍລະນີ​ທີ່​ອາດ​ຈະ​ເກີດ​ສະພາວະເສດຖະກິດ​ຖອຍຫລັງ ​ໃນ
ທົ່ວ​ໂລກ​ອີກ​ນັ້ນ.

ໃນ​ຄໍາປາ​ໄສ​ເມື່ອ​ວັນ​ພຸດມື້​ນີ້ ທີ່ກອງ​ປະຊຸມ​ສະພາ​ການ​ເງິນ​ນານາ​ຊາດ​ທີ່ ນະຄອນ​ຫລວງ
ປັກ​ກິ່ງ ທ່ານ​ນາງ Christine Lagards ກ່າວ​ວ່າ ການ​ເຕີ​ບ​ໂຕ​ຂຶ້ນ​ມາ​ມີ​ຄວາມ​ສໍາຄັນທາງ
ເສດຖະກິດ​ຂອງຂົງ​ເຂດ​ເອ​ເຊຍ ​ແມ່ນ ເປັນເລຶ່ອງລາວ​ແຫ່ງ​ຄວາມສໍາ​ເລັດທາງ​ເສດຖະກິດ
ແຫ່ງ​ຍຸກ​ສະ​ໄໝໃໝ່.

ທ່ານ​ນາງ Lagarde ໄດ້​ກ່າວ​ຍ້ອງຍໍຊົມເຊີຍ ​ການ​ເຕີບ​ໂຕ​ເສດຖະກິດຂອງ​ຈີນ​ເປັນ​ພິ​ເສດ
ຊຶ່ງ​ທ່ານ​ນາງ​ກ່າວ​ວ່າ ມັນໄດ້​ຊ່ວຍ​ໃຫ້​ປະຊາຊົນ 500 ລ້ານ​ຄົນ​ພົ້ນ​ຈາກ​ຄວາມ​ທຸກຈົນ​ໃນ
​ໄລຍະ​ສາມ​ສິບ​ປີຜ່ານມາ.

ນອກ​ນີ້​ທ່ານ​ນາງ​ຍັງ​ໄດ້​ສະ​ແດງ​ຄວາມ​ຍິນ​ດີ​ໃນ​ຕົວ​ເລກ​ຊຸດ​ໃໝ່​ທີ່​ອອກ​ມາ​ໃນ​ວັນ​ພຸດມື້ນີ້ ທີ່
ສະ​ແດງວ່າ ນະ​ໂຍບາຍ​ຮັດ​ເຄັ່ງ​ດ້ານ​ການ​ເງິນ​ຂອງ​ຈີນ ໄດ້​ຊ່ວຍລົດຜ່ອນ​ອັດຕາ​ເງິນ​ເຟິ້ລົງ​
ມາ​ເປັນ 5.5 ​ເປີ​ເຊັນ ຄືຫລຸດລົງ ​ນຶ່ງ​ເປີ​ເຊັນ​ເຕັມນັບຕັ້ງ​ແຕ່​ເດືອນ​ກໍ​ລະ​ກົດ​ເປັນ​ຕົ້ນ​ມາ ​ແຕ່
ຍ້ອນວິ​ກິດ​ການ​ໜີ້​ສິນໃນຢູ​ໂຣບທີ່​ກໍາລັງ​ດໍາ​ເນີນ​ໄປ​ຢູ່​ໃນ​ເວລາ​ນີ້ ​ທີ່​ກໍາລັງ​ເປັນ​ໄພ​ຂົ່ມຂູ່​ທີ່​ຈະ
ດຶງ​ເສດຖະກິດ​ໂລກ​ໃຫ້​ຕົກ​ຕໍ່າລົງ​ໄປ​ໄດ້ນັ້ນ ​ທ່ານ​ນາງ​ກ່າວວ່າ ມັນ​ອາດ​ເຖິງ​ເວລາ​ແລ້ວ​ທີ່​
ຫລາຍໆ​ປະ​ເທດ ​ເຊັ່ນ​ປະ​ເທດ​ຈີນ​ນັ້ນ ຄວນ​ຈະ​ໂຍະຍານ ນະ​ໂຍບາຍ​ດ້ານ​ການ​ເງິນ​ຂອງ
ຕົນອີກ.

XS
SM
MD
LG